វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6 នាក់
ម្សិលមិញ 6001 នាក់
សរុប 13872836 នាក់
ភ្នំពេញ៖តារាចម្រៀងផលិតកម្មហង្សមាស លោក ឆាយ វីរៈយុទ្ធកាលពីយប់ថ្ងៃទី២៣ កញ្ញា នេះ បានធ្វើអោយផ្អើលមួយឈុលនៅព្រលានយន្តហោះអន្តរជាតិភ្នំពេញ ។
ប្រភពពីអ្នកឃើញហេតុការណ៍ឲ្យដឹងថា៖មុនដំបូងមហាជនដែលជូនបងប្អូនទៅបរទេសឬចាំទទួលបានសម្តែងការចម្លែកចិត្តនៅពេលឃើញមានវត្តមានអ្នកសារព័ត៌មានយ៉ាងច្រើនបានទៅឈរចាំនៅច្រកចូលព្រលានយន្តហោះ ។ មួយសន្ទុះមក ស្រាប់តែឃើញវត្តមានរថយន្តទំនើបពណ៌ខ្មៅមួយគ្រឿងបានឈប់ ហើយអ្នកសារព័ត៌មានបាននាំគ្នាផ្តិតយករូបភាពយ៉ាងច្រើន។
ពេលនោះ ទស្សនិកជនកាន់តែភ្ញាក់ផ្អើលថែមទៀត នៅពេលពួកគេបានឃើញវត្តមានកំពូលតារាចម្រៀង ឆាយ វីរៈយុទ្ធ ហើយអ្នកគាំទ្រជាច្រើនបានចោមរោមសុំថតរូបធ្វើអោយភ្ញាក់ផ្អើល និងធ្វើស្ទះផ្លូវមួយអន្លើទៅ។
លោក ឆាយ វីរៈយុទ្ធ បានឲ្យដឹងថា លោកបានទទួលការអញ្ជើញទៅសម្តែងនៅប្រទេសកូរ៉េរយៈពេល៣ថ្ងៃ ហើយការសម្តែងត្រូវចាប់ផ្តើមនៅម៉ោង២រសៀលថ្ងៃទី២៤ ទៅ ហើយលោកត្រូវត្រឡប់មកប្រទេសកម្ពុជាវិញនៅថ្ងៃទី២៦ កញ្ញា។តារាចម្រៀងដែលទើបចេញបទ «ពេលអូនឃ្លាតឆ្ងាយ» លោក ឆាយ វីរៈយុទ្ធ បានបន្ថែមថា ការសម្តែងរបស់លោកនៅប្រទេសកូរ៉េនេះ ជាចំណែកមួយនៃការប្រគំតន្ត្រីសប្បុរសធម៌ ដើម្បីស្វែងរកមូលនិធិមកជួយបងប្អូនយើងនៅស្រុកខ្មែរ។