វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3429 នាក់
ម្សិលមិញ 8227 នាក់
សរុប 14130310 នាក់
រាជធានីភ្នំពេញ ៖ តារាភេទទី៣ ផេន ខេក បានប្រកាសពីការបែកបាក់ស្វាមី ក្រោយរៀបការទើបតែបានប្រមាណជាងមួយខែតែប៉ុណ្ណោះ។ ការបែកបាក់ស្វាមីរបស់ ផេន ខេក នាពេលនេះ ត្រូវបាននាងបញ្ជាក់ពីមូលហេតុថា ដោយសារស្វាមីរបស់ខ្លួនក្បត់លួចលាក់មានស្រីថ្មី ដែលធ្វើអោយនាងមិនអាចទ្រាំបាន។
នៅលើបណ្តាញសង្គមហ្វេសប៊ុកផេនខេកសសេរថា «៦ឆ្នាំនេះ ទុកជាការយល់សប្តិទៅចុះ… សង្ឃឹមថា អ្នកនឹងមើលថែអ្នកថ្មីឲ្យបានល្អ មិនក្បត់គេដូចដែលក្បត់ខ្ញុំទេ ព្រោះមើលទៅអ្នកទាំង២ស្រឡាញ់គ្នាខ្លាំងណាស់។ (បញ្ជាក់មិនមែនសម្តែង ព្រោះមិននឹកស្មាន ហើយក៏ពិបាកទទួលយកជាងរឿងខ្ញុំជំពាក់លុយគេទៀត)»។
តាមរយៈសារដែលបានបង្ហោះខាងលើនេះ បានធ្វើអោយមហាជន ជាពិសេសបណ្តាអ្នកលេងបណ្តាញសង្គមហ្វេសប៊ុកបានសម្តែងការភ្ញាក់ផ្អើលស្ទើរមិនគួរអោយជឿ ខណៈពេលនាង និងស្វាមី ទើបតែចូលរោងការមិនទាន់ទាំងបានប៉ុន្មានផងនោះ។ ប្រិយមិត្តគាំទ្រនៅតែផ្តល់កម្លាំងចិត្តអោយនាងមានការរឹងមាំ នៅពេលជួបបញ្ហាខាងលើនេះ ។
សូមរំលឹកថា ផេន ខេក និងដៃគូបានដឹកនាំដៃគ្នាចូលរោងការជាផ្លូវការកាលពីថ្ងៃទី៩ ខែមីនា ឆ្នាំ២០២២ កន្លងទៅថ្មីៗនេះ ដោយថ្ងៃជ័យមង្គលការរបស់នាង មានសាច់ញាតិទាំងសងខាង ជាពិសេសមិត្តភក្តិក្នុងសង្គមសិល្បៈបានចូលរួមអបអរយ៉ាងច្រើនកុះករ ឱ្យពរជ័យដល់នាងនិងស្វាមី ។ ពេលនោះ គេសង្កេចតឃើញ ផេក ខេក បានសម្តែងភាពរីករាយ រំភើបរហូតហូរទឹកភ្នែក ព្រោះនាងនិងគូស្នេហ៍បានសម្រេចក្តីបំណង បន្ទាប់ពីពុះពារស្រឡាញ់គ្នាអស់ជាច្រើនឆ្នាំ។