មន្ត្រីចំរុះក្រសួងរ៉ែបរិស្ថានប៉េអឹមអាជ្ញាធរប្រមាណ១០០នាក់ចុះស្រាវជ្រាវទីតាំងរុករករ៉ែមាសឃុំពូទុងស្រុកកែវសីមាដែលសង្ស័យថាប្រើសារធាតុពុល!
31-October-2023 / សុខភាពនិងកីឡា
ខេត្តមណ្ឌលគិរី៖ មានសេចក្តីរាយការណ៍ថានៅវេលាម៉ោង១០ព្រឹកថ្ងៃទី២៤ ឧសភា ឆ្នាំ២០១៨នេះគេឃើញមាន កម្លាំងជំនាញចម្រុះ អាវុធហត្ថលើផ្ទៃប្រទេស ក្រសួងបរិស្ថាន ក្រសួងរ៉ែ និងថាមពល រួមជាមួយអាជ្ញាធរខេត្ត-ស្រុកប្រមាណជាង១០០នាក់ ធ្វើដំណើរចុះទៅពិនិត្យស្រាវជ្រាវករណីក្រុមហ៊ុនរ៉ែមាសចិន រ៉ុង ឆេង ស្ថិតនៅភូមិពូទុង ឃុំចុងផ្លាស់ 
ស្រុកកែវសីមាខេត្តមណ្ឌលគិរីដែលមានទំនាស់ជាមួយសហគមន៍រ៉ែមាសចុងផ្លាស់និងស្វែង រកការពិតពីសារធាតុគីមីពុលដែលបង្កឲ្យមនុស្សស្លាប់។តែរហូតមកដល់វេលាថ្ងៃត្រង់ថ្ងៃដដែលនេះ ប្រតិបត្តការខាងលើនៅមិនទាន់ចាប់ផ្តើមនៅឡើយ ។
សូមបញ្ជាក់ដែរថាក្រោមពីផ្ទុះបាតុប្រជាពលរដ្ឋពុលទឹកព្រែកទេដែលក្រសួងសុខាភិបាលប្រាប់ថាពុលស្រាស្លាប់អស់១៣នាក់នៅស្រុកចិត្តបុរីខេត្តក្រចេះហើយក្រោយមកមន្ត្រីជំនាញក្រសួងឧស្សាហកម្មសិប្បកម្មរកឃើញថាមកពីជាតិពុលដែលបង្កឡើងដោយសារសារធាតុពុលដែលគេចម្រាញ់យកមាសប្រជាពលរដ្ឋដែលរស់នៅតាមបណ្តោយព្រែកអូរទេ និងប្រជាហគមន៍រ៉ែមាសចុងផ្លាសបានសម្តែងក្តីសោកស្តាយគ្រាដែលមន្ត្រីជាន់ខ្ពស់នៃក្រសួងរ៉ែនិងថាមពលមិនបានធ្វើដំណើរមកដល់ទីតាំងស្វែងរករ៉ែមាសរបស់សហគមន៍និងទីតាំងរុករករ៉ែមាសរបស់
ក្រុមហ៊ុនរ៉ុងឆេងគ្រាដែលទីតាំងទាំងពីរនេះកំពុងស្ថិតក្នុងការសង្ស័យថាបានប្រើប្រាស់សាធាតុគីមីពុល ធ្វើការចម្រាញ់មាស ហើយហូរកាកសំណល់ចូលទឹកបង្ករឲ្យេពលរដ្ឋនៅខេត្តក្រចេះពុលរហូតមានការស្លាប់ចំនួន១៣នាក់កន្លងមក។
គួរបញ្ជាក់ថា កាលពីថ្ងៃទី១៩ ខែឧសភា មន្ត្រីជាន់ខ្ពស់នៃក្រសួងរ៉ែនិងថាមពលបានដឹកនាំមន្ត្រីជំនាញ និងកងកម្លាំងប្រដាប់អាវុធ ជាច្រើននាក់ចុះទៅភូមិពូទុងឃុំចុងផ្លាស់(តំបន់ព្រៃមាស)ដើម្បីស្វែងរកសាធាតុពុលឈ្មោះ(សានីត)ដែលបង្ករឲ្យមានការពុលតាមរយៈទឹក ប៉ុន្តែក្រុមការងារបានត្រឡប់ក្រោយវិញដោយសារតែផ្លូវមិនអាចធ្វើដំណើរទៅបាន ព្រោះក្រុមហ៊ុនបានប្រើរថយន្តប៉ាកុងជាច្រើនគ្រឿងដឹកប្រេងជាង១សប្តាហ៍នេះ បំផ្លាញផ្លូវលំទាំងស្រុងតែម្តង។ 
កាលពីថ្ងៃ១៩ ខែឧសភា ឆ្នាំ២០១៨នោះដែរប្រជាសហគមន៍រ៉ែមាសក៏បានមកជួបជុំគ្នានៅសាលាឃុំចុងផ្លាស់ ប្រមាណជាង៣០០នាក់ក្នុងគោលបំណងស្វែងរកការជួយអន្តរាគមន៍លើការរុករាន្តរណ្តៅរ៉ែមាសរបស់សហគមន៍ពីសំណាក់ក្រុមហ៊ុនចិនឈ្មោះ រ៉ុង ឆេងនិងសូមក្តីអនុគ្រោះពីប្រមុខថ្នាក់ដឹកនាំកម្ពុជាផងដែរលើការបន្ថែមជម្រៅរណ្តៅលើសពី២០ម៉ែត្រឲ្យបានដល់១៥០ម៉ែត្រ។តែកន្លងមកក្រសួងរ៉ែមិនឯកភាពឡើយ។ 
លោក ពៅ សាវាតតំណាងសហគមន៍រ៉ែមាសចុងផ្លាស់បានចោទ ថា ក្រុមហ៊ុនរ៉ុងឆេងបានបំពានលើរណ្តៅរ៉ែមាសរបស់សហគមន៍ចំនួន៤អណ្តូងប៉ុន្តែមិនមានវិធានការណ៍ទប់ស្កាត់ណាមួយពីអាជ្ញាធរនោះទេ។តំណាងសហគមន៍ដដែលបន្តថាក្រុមហ៊ុនកំពុងស្តុកកាកសំណល់សាធាតុពុលរាប់លានតោនក្នុងក្រុមហ៊ុនហើយបានបង្ហូរជាតិគីមីពុលចូលទឹកអូរក្លរ បង្ករការពុលពលរដ្ឋថែមទៀត។ 
ប្រភពមួយពីមន្ត្រីកាពារបរិស្ថានបានបង្ហើបថា ក្រុមការងាររបស់គេកាលពីជាង១០ថ្ងៃមុន (ក្រោយពុលទឹកនៅ ក្រចេះ)បានយកទឹកអូរក្លរ ក្បែរក្រុមហ៊ុនរ៉ុងឆេងទៅពិសោធន៍នៅក្នុងមន្ទីរពិសោធន៍ហើយលទ្ធផល គឺបានរកឃើញជាតិគីមីពុលឈ្មោះស្យានីតមានកម្រិតជាតិពុលដល់ទៅ៣០០ ដែលជាកម្រិតមួយបង្ករឲ្យមនុស្សស្លាប់បានភ្លាមៗពេលផឹកទឹកអូរក្លរនេះ ក្រុមកាងារខាងលើបញ្ជាក់ថា ជាតិពុលឈ្មោះសានីតស្ថិតក្នុងអូរក្លរជាប់ទីតាំង របស់ក្រុមហ៊ុនរ៉ុង ឆេងហើយមិនបានហូរចេញពីរ៉ែមាសរបស់សហគមន៍នោះទេ។
ករណីនេះកាលពីថ្ងៃទី១៦ឧសភាលោកចមប្រសិទ្ធរដ្ឋមន្ត្រីក្រសួងឧស្សាហកម្មនិងសិប្បាកម្មបានប្រកាសជាចំហរថាសារធាតុស្យានីតដែលចេញពីការកែច្នៃមាសគឺជាដើមចមនៃកាធ្វើឲ្យទឹកព្រែកទេពុល។តែករណីយ៍នេះនៅថ្ងៃទី២២ឧសភាលោកស៊ុយសែមរដ្ឋមន្ត្រីក្រសួងរ៉ែនិងឋាមពលបដិសេធដោយសំអាងថាក្រសួងសុខាភិបាលថាមកពីពុលស្រានិងលោកថាមកពីថ្នាំសម្លាប់ស្មៅ?!។
ពាក់ព័ន្ធនិងសាធាតុគីមីពលនេះដែរប្រសិនបើរកឃើញថាទីតាំងក្រុមហ៊ុនរ៉ុង ឆេង និងសហគមន៍រ៉ែមាសប្រើប្រាស់បណ្តាលឱ្យពុលពិតមែនអ្នកទាំងនោះនិងទទួលទោសតាមច្បាប់ហើយនៅថ្ងៃដដែលនេះតំណាងក្រមហ៊ុនរ៉ុង ឆេងភ្នាក់ងារព័ត៍មានយើងមិនអាចសុំការបកស្រាយណាមួយជំុវិញរឿងហេតុទាំងនេះបានទេដោយគ្មានលេខទូរស័ព្ទទាក់ទង។
ចាំមើលថាតើក្រុមចំរុះខាងលើជាំង១០០នាក់ហ្នុងរកឃើញអីខ្លះ?ព្រោះប្រសិនបើគេរកឃើញថាក្រុមហ៊ុនចិនប្រើសារធាតុពុលស្យានីតមែនគេត្រូវតែមានសំណងដល់ប្រជាពលរដ្ឋ១៣នាក់ស្លាប់និងប្រជាពលរដ្ឋជិត២០០នាក់នៅស្រុកចិត្របុរីខេត្តក្រចេះដែលពុល៕
