វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2201 នាក់
ម្សិលមិញ 4140 នាក់
សរុប 14164591 នាក់
បន្ទាយមានជ័យ៖សាលាដំបូងខេត្តបន្ទាយមានជ័យធ្វើនៅថ្ងៃទី២០ ខែធ្នូ ឆ្នាំ២០២១ សម្រេចឃុំខ្លួនលោក អែម ណុយ មេឃុំភ្នំលៀបបណ្តោះអាសន្ន ក្រោមបទចោទ កាប់ឆ្ការគាស់រាន ឈូសឆាយ ហ៊ុំព័ទ្ធកាន់កាប់ដីព្រៃលិចទឹក (ទន្ទ្រានយក) តាមមាត្រា ៩៨ នៃច្បាប់ជលផល ប្រព្រឹត្តនៅចំណុចតំបន់៣ ស្ថិតក្នុងភូមិកំពង់ក្រសាំង និងភូមិក្របៅ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ កាលពីឆ្នាំ ២០១៧ ដល់ឆ្នាំ២០១៩ និងឆ្នាំ២០២១។
ករណីយ៍នេះក្រោមបញ្ជារពីឯកឧត្តម អ៊ុំ រាត្រីអភិបាលខេត្ត ស្នងការនគរបាលខេត្តបន្ទាយមានជ័យបានឃាត់ខ្លួនមនុស្ស ០២នាក់ ១-ឈ្មោះ អែម ណុយ ភេទប្រុស ៦០ឆ្នាំ ជាមេឃុំភ្នំលៀប រស់នៅភូមិទ្រយោង ឃុំភ្នំលៀប ស្រុកព្រះនេត្រ ។២-ឈ្មោះ ឈួម ធូ ភេទប្រុស ៥៧ឆ្នាំ អ្នកសារពត៌មាន កាសែតនិស្សិតខ្មែរ រស់នៅភូមិពាមកំពង់ក្រសាំង ឃុំភ្នំលៀប ស្រុកព្រះនេត្រព្រះថ្ងៃទី១៧-១២-២០២១ ពាក់ព័ន្ធនឹងដី នៅចំណុចតំបន់៣ ស្រុកព្រះនេត្រព្រះ ខេត្តបន្ទាយមានជ័យ ។
ក្នុងនោះលក់ដីចំណុចបឹងក្ងាន តំបន់៣ ឃុំភ្នំលៀប សរុប១១០ហិកតា អោយទៅប្រជាពលរដ្ឋ០៦នាក់ កាលពីអំឡុងឆ្នាំ២០១៨ និង២០១៩ ដោយពុំបានធ្វើលិខិតស្នាម សរុបទឹកប្រាក់ បីម៉ឺនប្រាំបួនប្រាំពីររយដុល្លារ , មួយសែនមួយម៉ឺនបាត ។បន្ទាប់មកនៅថ្ងៃទី១៨-១២-២០២១ ឃាត់ខ្លួនឈ្មោះ ឈួម ធូ ភេទប្រុស ៥៧ឆ្នាំ ពាក់ព័ន្ធនឹង ករណីឈូមឆាយ កាប់ឆ្ការ គាស់រាន និងកាន់កាប់ដីព្រៃលិចទឹក ឆ្នាំ២០១៨ និង២០១៩ នៅចំណុចតំបន់៣ ចំណុចអាង លីសំអាន ទំហំ១២០ហិកតា និងដីកូនគាត់ សរុប២០០ហិកតា ភូមិក្របៅ ឃុំភ្នំលៀប ។ការចាប់ឃាត់និងឃុំខ្លួននេះបានកើតឡើងក្រោយពីមានប្រជាពលរដ្ឋ៥នាក់ដាក់ពាក្យប្តឹងទាលុយថ្លៃលក់ដីពីលោកលោកអែមណុយវិញ។