វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 508 នាក់
ម្សិលមិញ 9706 នាក់
សរុប 14078751 នាក់
កោះកុងះស្ត្រីម្នាក់បានស្លាប់ភ្លាមៗនៅកន្លែងកើតហេតុ ក្រោយពីរថយន្តបង្កបានបុកជាមួយម៉ូតូរបស់គាត់ក្នុងពេលបើកបរបញ្ច្រាស់ទឹសគ្នា។ហេតុការណ៍គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោងប្រមាណជិត៧យប់ ថ្ងៃទី២៧ខែឧសភាឆ្នាំ២០១៨ នៅចំណុចក្បែរមន្ទីរអប់រំខេត្ត្តតាមបណ្តោយផ្លូវឆ្ពោះទៅកាន់ភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ។
មន្ត្រីប៉ូលិសមូលដ្ឋានបានឲ្យដឹងថា ៖រថយន្តបង្កម៉ាក Toyota Vigo បើកបរដោយឈ្មោះ ឡាក់ ប៊ូពេ ភេទប្រុស អាយុ23ឆ្នាំ មានទីលំនៅភូមិតាត ឃុំទួលគរគី ស្រុកមណ្ឌលសីមា រីឯជនរងគ្រោះបាត់បង់ជីវិតឈ្មោះ ម៉ាង សុហាន ភេទស្រី អាយុ៥៤ឆ្នាំ មុខរបរទិញអេតចាយទីលំនៅភូមិ-សង្កាត់ស្ទឹងវែង ក្រុងខេមរភូមិន្ទ ជិះម៉ូតូម៉ាកឆា លី គ្មានស្លាកលេខ។
លោក កៅ ប៊ុនគីម ស្នងការរងនគរបាលខេត្តកោះកុងទទួលផែនសណ្តាប់និងចរាចរណ៍បានឲ្យកាសែតដឹងថា ករណីគ្រោះថ្នាក់បណ្តាលឲ្យមានមនុស្សស្លាប់ខាងលើ ប៉ូលិសបានឃាត់ខ្លួន ជនបង្ក ពេលនេះកំពុងកសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធីច្បាប់ ។ចំណែកជនរងគ្រោះសមត្ថកិច្ចបានប្រគល់សាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕