វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1303 នាក់
ម្សិលមិញ 5378 នាក់
សរុប 14080596 នាក់
ខេត្តកំពត៖ ស្ត្រី ជនជាតិហ្វាំងឡង់បានស្លាប់នៅនឹងកន្លែង ដោយសារត្រូវរថយន្តបុកពិក្រោយពេលកំពុងធ្វើដំណើរស្របទិសគ្នានៅលើផ្លូវកំណាត់ផ្លូវជាតិលេខ៣ ក្នុងភូមិទទឹងថ្ងៃ ឃុំបឹងទូក ស្រុកទឹកឈូ កាលពីព្រឹកថ្ងៃទី៩ ខែសីហា ឆ្នាំ២០២១។
មន្ត្រីនគរបាលចរាចរណ៍ស្រុកទឹកឈូ បានឱ្យដឹងថាៈ ស្ត្រីរងគ្រោះក្នុងហេតុការណ៍ខាងលើ ឈ្មោះ ហ្វ្រេយ៉ា មេលីសា (Freya Melissa) អាយុ ២៤ឆ្នាំ ស្នាក់នៅភូមិព្រៃត្នោត ឃុំកំពង់គ្រែង ស្រុកទឹកឈូ ខេត្តកំពត។ប្រភព បានឱ្យដឹងថា កាលពីវេលាម៉ោង៦និង៤៥នាទីព្រឹកថ្ងៃទី៩ ខែសីហា ឆ្នាំ២០២១ មានករណីគ្រោះថ្នាក់ចរាចរណ៍មួយបានកើតឡើងនៅលើផ្លូវជាតិលេខ៣ ចន្លោះបង្គោលគីឡូម៉ែត្រលេខ ១៥២-១៥៣ រវាងរថយន្ត និងម៉ូតូដែលមានទិសដៅស្របគ្នា។មុនគ្រោះថ្នាក់កើតឡើង គេឃើញជនរងគ្រោះជាជនបរទេសរូបនេះបានបើកម៉ូតូតែម្នាក់ឯងមកពីទិសខាងលិច។
ស្របពេលនោះ ស្រាប់តែមានរថយន្តមួយគ្រឿងមកពីក្រោយបានបុកម៉ូតូពីក្រោយពេញទំហឹង រួចបង្កើនល្បឿនបើកគេចបាត់ស្រមោលតែម្តង។ នៅពេលអ្នកជិតខាងចូលទៅជួយស្រាប់តែឃើញ ជនរងគ្រោះបានស្លាប់នៅលើថ្នល់ក្បែរម៉ូតូយ៉ាងអាណោចអាធ័មបំផុត ។សមត្ថកិច្ចបាន ចុះដល់កន្លែងកើតហេតុ តែមិនអាចកំណត់ភិនភាគរថយន្តបង្កបានឡើយ។ ម៉ូតូម៉ាក Aprillia ពណ៌ស ពាក់ស្លាកកលេខ ភ្នំពេញ 1BQ-0261 ត្រូវបានយកទៅរក្សាទុកនៅការិយាល័យនគរបាលចរាចរណ៍ផ្លូវគោក។
មានការកត់សម្គាល់ថាម៉ូតូខាងលើនេះតាមធម្មតាមិនអាចបើកយឺតបានទេគឺត្រូវមានល្បឿនយ៉ាងហោច៤០គីឡូម៉ែត្រក្នុង១ម៉ោងដែរ។ចឹងល្បឿនឡានមិនមែនចេះតែបុកស្លាប់បានទេលើកលែងតែមានបំណងបុកសម្លាប់តែម្តងទើបប្រើល្បៀនលឿនបុកបាន?។សង្ឃឹមថាសមត្តកិច្ចនឹងធ្វើការស្រាវជ្រាវករណីយ៍បានហ្ម៉ត់ចត់ព្រោះជនរងគ្រោះជាជនបរទេសផងដែរ៕