វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 479 នាក់
ម្សិលមិញ 3717 នាក់
សរុប 14148812 នាក់
ភ្នំពេញ៖កីឡាករ កីឡាការិនីដែលត្រូវចេញទៅប្រកួតកីឡាតំបន់អាស៊ីអាគ្នេយ៍លើកទី១៨ត្រូវបានសម្តេចតេជោហ៊ុនសែនឧប្តថម្ភ ក្នុងម្នាក់ៗចំនួន ៥០០ដុល្លារអាមេរិកខុសពីលើកមុនទទួលបានត្រឹមតែ៣០០ដុល្លារអាមេរិកប៉ុណ្ណោះ។ក្រៅពីនេះប្រសិនសម្តេចតេជោនឹងជួបផ្ទាល់ជាមួយកីឡាករកីឡាការិនីដែលទទួលបានមេដាយមាស តែបើមានត្រឹមតែមេដាយសម្រិតទេ នោះ សម្តេចតេជោ ហ៊ុន សែន នឹងចាត់តំណាងឲ្យជួបជំនួស។
ការសន្យារបស់សម្តេចតជោបាធ្វើឡើងនាព្រឹកថ្ងៃចន្ទ ១០រោច ខែទុតិយាសាឍ ឆ្នាំច ព.ស ២៥៦២ ត្រូវនឹងថ្ងៃទី៦ ខែសីហា ឆ្នាំ២០១៨នេះ នៅវិមានសន្តិភាព ក្នុងឱកាសអនុញ្ញាតឲ្យអត្តពលិក កីឡាករ កីឡាការិនី គ្រូបង្វិក រួមនិងប្រតិភូកីឡាសរុបជាង ៧០នាក់ចូលជួបទទួលដំបូន្មានមួយចំនួនមុននឹងចេញទៅចូលរួមប្រកួតកីឡា Asain Games ដែលប្រព្រឹត្តទៅនៅប្រទេសឥណ្ឌូនេស៊ី។
សម្តេចតេជោ ហ៊ុន សែន បានរំឭក និងផ្តាំផ្ញើជាថ្មីទៅកាន់កីឡាករ កីឡាការិនី ទាំងអស់ត្រូវគោរពលក្ខន្តិកៈនៃការប្រកួតឲ្យបានខ្ជាប់ខ្ជួន និងមិនត្រូវប្រើប្រាស់នូវអ្វីដែលជាសារធាតុហាមឃាត់សម្រាប់ការប្រកួតនោះឡើយ។
ប្រតិភូ គ្រូបង្វឹក កីឡាករ-កីឡាការិនី ដែលត្រៀមចូលនៅប្រទេសឥណ្ឌូណេស៊ីមានចំនួន ១៣ប្រភេទកីឡា នៅឥណ្ឌូនេស៊ី ចាប់ពីថ្ងៃទី១៨ ខែសីហា រហូតដល់ថ្ងៃទី២ ខែកញ្ញាខាងមុខ។ ប្រភេទកីឡាដែលកម្ពុជាចូលរួមប្រកួតនេះ មានដូចជាកីឡាអត្តពលកម្ម ហែលទឹក តេក្វាន់ដូ យូដូ ចំបាប់ គុនដាវ ម៉ូតូទឹក ជឺជិតស៊ូ សូហ្វតេន្នីស កាយសម្ព័ន្ធ ទូកកានូ ការ៉ាតេដូ និងកីឡាទូកក្ដោង៕