វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3359 នាក់
ម្សិលមិញ 10264 នាក់
សរុប 14142541 នាក់
បន្ទាយមានជ័យ: នៅថ្ងៃទី១៤ ខែកក្កដា ឆ្នាំ២០២១ នៅចំណុចស្តង់ត្រី ១កន្លែង ក្រោយសណ្ឋាគារ កាស៊ីណូផ្កាយ៣ ក្នុងភូមិក្បាល ស្ពាន១ សង្កាត់ប៉ោយ ប៉ែត ក្រុងប៉ោយប៉ែត ខេត្តបន្ទាយមានជ័យសមត្ថកិច្ចជំនាញ (ពេទ្យសត្វ) បានធ្វើការឆ្មក់ចុះចាប់បង្ក្រាបបានសាច់គ្រឿងក្នុងជ្រូកគ្មានគុណភាពនាំចូលពីស្រុកសៀមចំនួន១០តោនតែមិនបានចាប់អ្នកប្រព្រឹត្តទេ ។
លោក ហ៊ុយ ទូចប្រធានការិយាល័យ ផលិតកម្ម និងបសុ ព្យាបាល នៃមន្ទីរកសិកម្ម រុក្ខាប្រមាញ់ខេត្តបន្ទាយមានជ័យបានអោយអ្នកសារ ព័ត៌មានដឹងថា: ក្រោយ ពីក្តាប់បាននូវព័ត៌មាន ដែលពលរដ្ឋបានរាយ ការណ៍ប្រាប់ អំពីករណី ឈ្មួញរកស៊ីដឹកជញ្ជូនទំនិញនាំចូល តាមច្រកទ្វារអន្តរជាតិប៉ោយប៉ែតដោយបង្កប់សាច់ជ្រូកសាច់មាន់ វេចខ្ចប់ដាក់ក្នុងធុងស្នោ រាប់សិបគីឡូក្រាម ហើយសង្ស័យថា សមត្ថកិច្ចនានា នៅច្រកទ្វារព្រំដែនអន្តរជាតិ ប៉ោយ ប៉ែត និងឈ្មួញ បានសម គំនិតគ្នា លួចនាំ ចូលប្រទេសកមកម្ពុជា ទើបលោក បានដឹកនាំ កម្លាំងជំនាញ និងមាន ការសម្របសម្រួល នីតិ វិធីពីព្រះរាជអាជ្ញាអម សាលាដំបូងខេត្តបន្ទាយមានជ័យ ចុះ ចាប់បង្ក្រាប។
លោក ហ៊ុយ ទូច បានបន្តថា: ទំនិញម្ហូបអាហារ វេចខ្ចប់ដាក់ក្នុងធុងស្នោ ទម្ងន់ប្រមាណ ១០ តោន ផ្ទុកបង្កប់ក្នុងរថយន្តធំ ដែលដឹកផលិតផលនោះ រួមមាន សាច់ជ្រូក ជើង គ្រឿង ក្នុង ក្បាល និងសាច់មាន់ដែលកាប់រួចជា ស្រេច ។ លោក ហ៊ុយ ទូច បញ្ជាក់ថា: នេះជាកការនាំចូលទំនិញ ម្ហូប អាហារ ប្រភេទ សាច់ជ្រូក សសាច់មាន់ ដ៏ច្រើនតោន ដែលពុំមានច្បាប់អនុញ្ញាត ពីក្រសួងកសិកម្ម រុក្ខាប្រមាញ់ និងអគ្គនាយកដ្ឋាន ផលិតកម្ម និងសុខភាពសត្វឡើយ ហើយការដឹកជញ្ជូន ក៏មិនត្រឹមត្រូវ តាមបទដ្ឋានគតិយុត្តនៃច្បាប់សុខភាពសត្វ និងផលិតកម្មសត្វ និងខុសលក្ខណៈបច្ចេកទេស នៃការវេចខ្ចប់ ដែលធ្វើឲ្យផលិតផលទាំងនេះ ដែលនាំខូចគុណភាព ប៉ះពាល់សុខភាព ប្រជាពលរដ្ឋ បើសិនជាបានធ្លាក់ ដល់មាត់អ្នកយកទៅបរិភោគ។ ករណីនេះមិនមែនជាលើកទី១ទេ (មានន័យថាមន្ត្រីច្រកទ្វារប៉ោយប៉ែតច្រះយូហើយ) ។
លោកមេពេទ្យសត្វខេត្ត បានបញ្ជាក់ថា វត្ថុតាងនៃសំណុំរឿងនេះ មុនដុតកម្ទេចចោល ត្រូវយកសំណាកមកវិភាគ រកសារធាតុគីមី ដែលបំផ្លាញសុខភាព ជាមុនសិន និងក៏ដូចជា កសាងសំណុំរឿង បញ្ជូនទៅកាន់តុលាការ ចាត់ការតាមនីតិវិធីផងដែរ។ទោះជាងយ៉ាងណាគេជឿថាសមត្តកិច្ចគ្មានសមត្តភាពនាំអ្នកប្រព្រឹត្តទៅផ្តន្ទាទោសបានឡើយស្រុកយើងអាឡូវនោះ ។
សូមរំលឹកថា កាលពីថ្ងៃទី១២ ខែកក្កដា ឆ្នាំ២០២១ សមត្ថកិច្ចពេទ្យសត្វខេត្ត និងអគ្គនាយកដ្ឋាន ផលិតកម្មសត្វ នៃក្រសួងកសិកម្ម បានឆ្មក់ចាប់នូវសាច់ និងគ្រឿងក្នុងសត្វជ្រូក បានចំនួន ២ តោន (២.១១៣ គីឡូក្រាម) រួចហើយ នៅភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ហើយអាជ្ញាធរមានសមត្ថកិច្ច ក៏បានយកទៅកម្ទេចចោល រួចហើយដែរតែគ្មានដាក់ទោសអ្នកណាម្នាក់ឡើយ៕