វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4156 នាក់
ម្សិលមិញ 5378 នាក់
សរុប 14083449 នាក់
រាជធានីភ្នំពេញ ៖ កីឡាករអុកចត្រង្គកម្ពុជា សុខ លឹមហេង កម្ពុជាបានទទួលមេដាយមាស ក្រោយពីយកឈ្នះកីឡាករវៀតណាម ក្នុងវិញ្ញាសាបុរស១ទល់១ រយៈពេល៥នាទី ពីការប្រកួតអុកចត្រង្គ។
កីឡាករ សុខ លឹមហេង នេះ គឺធ្វើឡើងក្នុងការប្រកួតផ្តាច់ព្រ័ត្រកីឡាអុកចត្រង្គ លើវិញ្ញាបុរស ១ទល់១ រយៈពេល៥នាទី នៅសាលដំបូលទូកនៃសាកលវិទ្យាល័យភូមិន្ទភ្នំពេញ នាព្រឹកថ្ងៃទី៦ ខែឧសភា ឆ្នាំ២០២៣ ក្នុងព្រឹកត្តិការណ៍ស៊ី ហ្គេមលើកទី៣២ដែលកម្ពុជាធ្វើម្ចាស់ផ្ទះ។
មុននឹងឈានដល់ការទទួលបានមេដាយមាសនេះ កីឡាករអុកចត្រង្គកម្ពុជា សុខ លឹមហេង ត្រូវប្រកួតក្នុងវគ្គពាក់កណ្តាលផ្តាច់ព្រ័ត្រ ដោយជួបជាមួយជាមួយកីឡាករវៀតណាម Quang Trung Nguyen និងទទួលបានយកជ័យជម្នះលើដៃគូប្រកួត។ បន្ទាប់មក ចូលដល់វគ្គផ្ដាច់ព្រ័ត្រ កីឡាករ សុខ លឹមហេង ត្រូវប្រកួតជាមួយកីឡាករវៀតណាម Nam Thang Hoang ហើយកីឡាករ សុខ លឹមហេង ទទួលបានមេដាយមាស។កីឡាករ សុខ លឹមហេង បានឱ្យដឹងថា លោកពិតជាសប្បាយចិត្តណាស់ដែលបានយកមោទកភាពជូនជាតិ និងជាក្តីប្រាថ្នាក្នុងការបង្ហាញប្រទេសកម្ពុជានៅលើឆាកអន្តរជាតិ។
ម្ចាស់មេដាយមាស កីឡាអុកចត្រង្គដែលគេគ្នាហៅថាសង្កេចអុកចត្រង្គ រូបនេះបានបន្ថែមថា៖ «នេះជាលើកទីមួយហើយដែលខ្ញុំចូលរួមប្រកួតក្នុងកម្រិតអន្តរជាតិនេះ ដោយកន្លងមក ខ្ញុំធ្លាប់តែចូលរួមប្រកួតក្នុងឆាកជាតិធំៗ ដូចជាកម្មវិធីអង្គរសង្ក្រាន្តជាដើម ហើយខ្ញុំកាន់តែសប្បាយចិត្តខ្លាំងនៅពេលដែលទទួលបានមេដាយមាសសម្រាប់កីឡាដែលខ្ញុំស្រឡាញ់មួយនេះ ហើយវាជាជោគជ័យមួយយ៉ាងធំធេងនៅក្នុងអាជីពកីឡាមួយនេះរបស់ខ្ញុំ»។កីឡាករ សុខ លឹមហេង បានលើកឡើងថា សម្រាប់ការទទួល បានជ័យជម្នះនេះ គឺមានការជំរុញ និងលើកទឹកចិត្តខ្លាំងពីឪពុកម្តាយ ក្រុមគ្រួសារ ប្រធានសហព័ន្ធកីឡាអុកចត្រង្គកម្ពុជា គ្រូបង្វឹក និងក្រុមការងារទាំងអស់ ដែលធ្វើឱ្យរូបគាត់ខិតខំប្រឹងប្រែងរហូតបានឈានមកដល់ថ្ងៃនេះ។
សម្រាប់វគ្គផ្តាច់ព្រ័ត្រលើវិញ្ញាសា បុរស ៤ទល់៤ គឺធ្វើឡើងរវាងថៃ និងវៀតណាម និង ហ្វីលីពីន ជាមួយ មីយ៉ាន់ម៉ា ដើម្បីដណ្ដើមយកមេដាយមាស ខណៈនៅរសៀលនេះដែរ ក្នុងវគ្គផ្តាច់ព្រ័ ត្រលើវិញ្ញាសា បុរស៣ទល់៣ ក៏នឹងធ្វើការប្រកួតរវាងកីឡាករអុកចត្រង្គកម្ពុជា និងកីឡាករអុកចត្រង្គថៃផងដែរ៕