វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5893 នាក់
ម្សិលមិញ 5378 នាក់
សរុប 14085186 នាក់
ប្រទេសប្រស៊ីល៖ក្រុមអ្នកតវ៉ាបានជះថ្នាំលាបពណ៌ក្រហមនៅលើដងផ្លូវក្នុងរដ្ឋធានីរបស់ប្រទេសប្រេស៊ីល កាលពីថ្ងៃពុធទី២៩មិថុនា ដើម្បីអំពាវនាវឱ្យមានការចោទប្រកាន់ទម្លាក់ប្រធានាធិបតីប្រេស៊ីល លោក ហ្សែរ បុលសូណារ៉ូ (Jair Bolsonaro) ចេញពីតំណែងជុំវិញរឿងអាស្រូវទាក់ទិននឹងការចោទប្រកាន់ពីការប្រព្រឹត្តអំពើពុករលួយក្នុងកិច្ចព្រមព្រៀងទិញវ៉ាក់សាំង។
លោក បុលសូណារ៉ូ កាលពីថ្ងៃពុធទី២៩មិថុនា បានបញ្ចប់តួនាទីមន្ត្រីសុខាភិបាលម្នាក់ដែលត្រូវបានគេរាយការណ៍ថា បានសុំប្រាក់សូកប៉ាន់នៅក្នុងកិច្ចព្រមព្រៀងទិញវ៉ាក់សាំងកូវីដ-១៩ ដែលនេះជាការចោទប្រកាន់ពីបទពុករលួយថ្មីថែមទៀតដែលបានធ្វើឱ្យរង្គោះរង្គើរដ្ឋាភិបាល។ ប្រទេសប្រស៊ីលមានមនុស្សជាង កន្លះលាននាក់បានស្លាប់ដោយសារវីរុសកូវីដ-១៩ ដែលធ្វើឲ្យ ពលរដ្ឋប្រេស៊ីលខឹងសម្បារនឹងរដ្ឋាភិបាលប្រេស៊ីលខកខានក្នុងការទិញវ៉ាក់សាំងបន្ថែមទៀត។
ព្រឹទ្ធសភាប្រេស៊ីលបានរកឃើញការប្រព្រឹត្តអំពើពុករលួយពាក់ព័ន្ធនឹងកិច្ចព្រមព្រៀងទិញវ៉ាក់សាំងដែលអភិវឌ្ឍដោយក្រុមហ៊ុនឥណ្ឌា ដែលនៅក្នុងនោះក្រុមមន្ត្រីក្រសួងសុខាភិបាល និងក្រុមសមាជិកសភាដែលគាំទ្រ លោក បុលសូណារ៉ូត្រូវបានគេចោទប្រកាន់ថាបានព្យាយាមរកផ្លូវកាត់ដើម្បីទទួលបានវ៉ាក់សាំងកូវីដ-១៩ ដែលអភិវឌ្ឍដោយក្រុមហ៊ុនឥណ្ឌា និងបានដំឡើងតម្លៃវ៉ាក់សាំងនេះ។នៅពេលដែលប្រទេសប្រេស៊ីលមានអ្នកស្លាប់ដោយសារវីរុសកូវីដ-១៩ ចំនួន ២.០៨១នាក់ថែមទៀតនោះ រដ្ឋអាជ្ញាសហព័ន្ធ និងប៉ូលិសសហព័ន្ធបានបើកការស៊ើបអង្កេតព្រហ្មទណ្ឌលើកិច្ចព្រមព្រៀងទិញវ៉ាក់សាំងកូវីដ-១៩ នេះ។
សូមបញ្ជាក់ថានៅក្នុងប្រទេសប្រេស៊ីលមាន មនុស្សសរុបជាង ១៨លាននាក់បានឆ្លងវីរុសកូវីដ-១៩ ក្នុងនោះមានអ្នស្លាប់សរុបជាង ៥១ម៉ឺននាក់៕