វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3051 នាក់
ម្សិលមិញ 5544 នាក់
សរុប 13944148 នាក់
ភ្នំពេញ៖បើកឡានឡង់គ្រីស័រដឹកកូនស្រីតូច២នាក់តែម្នាក់អាយុ៣ខួបអង្គុយខាងមុខជាប់ចង្កូត។ពេលបើកកូនស្រីតូចលូកដៃទាញចង្កូតរថយន្ត បណ្ដាលឲ្យរេចង្កូតទៅបុកបង្គោលភ្លើងថ្មបណ្ដាលឲ្យតរថយន្តផ្ទុះបែកកង់មុខខាងស្ដាំលាន់ដូចរន្ទះនៅវេលាម៉ោង០៨:៣០នាទីយប់ ថ្ងៃ ទី២៤ ខែមិថុនា ឆ្នាំ២០២១ នៅចំណុចម្ដុំផ្ទះល្វែង(ច្រកផ្សារក្រមួន) ផ្លូវបេតុងលេខ២១ កែងផ្លូវបេតុងលេខ២៨ ភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
រថយន្តបង្កម៉ាកឡង់គ្រីស័រ ស៊េរីឆ្នាំ២០១៦ ពណ៌ស ពាក់ស្លាកលេខភ្នំពេញ 2AW-2868 បើកបរដោយស្ត្រីម្នាក់ និងមានកូនស្រីតូច២នាក់ទៀតរួមដំណើរជាមួយមិនមានរងរបួសអ្វីទេខូចតែឡាន ។សមត្ថកិច្ចមូលដ្ឋានប៉ុស្តិ៍ចាក់អង្រែក្រោម និងផ្នែកវាស់វែងចរាចរណ៍អធិការដ្ឋានខណ្ឌមានជ័យបានចុះពិនិត្យមើលជាក់ស្ដែងហើយ បង្គោលភ្លើងមិនខូចខាតអ្វីឡើយ ទើបអនុញាតិឲ្យម្ចាស់រថយន្តបង្ក ហៅរថយន្តមកស្ទូចយកទៅជួសជុលដោយខ្លួនឯងដោយមិនយកទោសពៃរ៍តាមច្បាប់ចែង។ករណីនេះទុកជាមេរៀនសម្រាប់អ្នកដែលស្រលាញ់កូនភ្លេចគិតពីច្បាប់ចរាចរផងដែរ។