វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1166 នាក់
ម្សិលមិញ 3717 នាក់
សរុប 14149499 នាក់
ភ្នំពេញ៖ សេចក្តីការណ៍ពាក់ព័ន្ធអំពើពុករលួយ អនុវត្តខុសពីតួនាទីភារកិច្ច ទាំងការជម្រិតទារលុយឈ្មួញ ប្រជាពលរដ្ឋ ប្រព្រឹត្តដោយលោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ អាចធ្លាក់ដល់ដៃថ្នាក់លើហើយ ។
លោក ឃុន ប៊ុនហូ ជាមេបញ្ជាការរង កងរាជអាវុធហត្ថខេត្តកំពង់ធំ ទទួលផែនបច្ចេកទេសសន្តិសុខត្រូវបានគេរាយការណ៍ថា បានបញ្ជាឱ្យមន្ទីរ និងការិយាល័យជំនាញដឹកនាំជំនាញស្រាវជ្រាវ កសាងឯកសារស្រង់បញ្ជីស្ថិតិមុខសញ្ញាបទល្មើសធនធានធម្មជាតិដើម្បីគ្រប់គ្រង។ នៅពេលមន្ទីរ ពេលការិយាល័យជំនាញ កសាងមុខសញ្ញាបានអស់ហើយ គាត់ទាញយកបងប្អូន បក្ខពួកគាត់ រៀបចំដាក់តាមគោលដៅដែលមានបទល្មើសឆ្លងកាត់ទាំងអស់ក្នុងខេត្តកំពង់ធំដូចជា៖
ក-តំបន់ព្រៃឡង់ ស្រុកសណ្តាន់; មានន័យថា, គ្រប់គ្រងច្រកផ្លូវដឹកឈើចេញពីព្រៃឡង់ ។ លោក ឃុន ប៊ុនហូ បានឱ្យក្មួយប្រសារម្នាក់ឈ្មោះ ឡៅ ស៊ូអ៊ូ អត្តលេខ ១០៦០៨១ ជំនួយការ ការិយាល័យវិទ្យុទាក់ទង ប្រើលេខទូរស័ព្ទ 0882222224 សហការពីរនាក់ ឪពុកក្មេកឈ្មោះ អាំង បានហូវ(ប្អូនលោក ឃុន ប៊ុនហូ) ទើបចេញពីពន្ធនាគារពីបទជម្រិតទារប្រាក់ ដើរតួនាទីជាអ្នកកាសែត គ្រប់គ្រងយកលុយពីមុខសញ្ញាដឹកឈើចេញពីព្រៃឡង់ ក្នុងស្រុកសណ្តាន់ ។
របាយការណ៍បានបញ្ជាក់ទៀតថា, ខ-ផ្លូវជាតិលេខ ៦២ (ព្រះវិហារ-កំពង់ធំ) ផ្លូវជាតិលេខ៦ (សៀមរាប-កំពង់ធំ) គោលដៅ តាមផ្លូវជាតិលេខ៦២ពីខេត្តព្រះវិហារ និងផ្លូវជាតិលេខ៦ពីខេត្តសៀមរាប ប្រគល់ឲ្យលោកវរៈសេនីយ៍ត្រី ព្រហ្ម វាសនា ជាអនុប្រធានមន្ទីរ ស្រាវជ្រាវព័ត៌មានសន្តិសុខ លេខទូរស័ព្ទ 0855588883 សហការ ជាមួយអ្នកសារព័ត៌មាន គ្រប់គ្រង និងរាប់ឡានដឹកឈើធម្មតា និងឈើប្រណីតឆ្លងកាត់ និងគ្រប់គ្រងតាម បណ្តាដេប៉ូឈើនានានៅក្នុងខេត្តកំពង់ធំ ទាំងអស់ដូចជាៈ១- ឈ្មោះ វ័យ ប៊ុនរ៉ុង នៅភូមិតាឡែក ឃុំ -ស្រុកប្រាសាទបល្ល័ង្ក ខេត្តកំពង់ធំ។២- ឈ្មោះ ឆាយ គង់ស័រ ភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ៣. ដេប៉ូ វិញ រ៉យ ភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។៤-ដេប៉ូឈ្មោះ ឡាយ ស៊ីលីន ភូមិរូង ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។៥-ដេប៉ូឈ្មោះ ឆេង អ័ង នៅភូមិស្ទឹងសែន ឃុំកំពង់ក្របៅ ក្រុងស្ទឹងសែន ខេត្តកំពង់ធំ ។
សូមបញ្ជាក់ថា បើតាមរបាយការណ៍បញ្ជាក់ថា, បណ្តាដេប៉ូទាំងអស់ក្នុងខេត្តនេះ មានប្រភពផ្គត់ផ្គង់ឈើ ដឹកចេញពីភូមិសាស្ត្រខេត្តព្រះវិហារឆ្លងកាត់ ការត្រួតពិនិត្យពីលោកព្រហ្ម វាសនា និងដឹកចេញពីតំបន់ព្រៃឡង់ក្នុងស្រុកសណ្តាន់ ខេត្តកំពង់ធំឆ្លងកាត់ លោក ឡៅ ស៊ូអ៊ូ និងឪពុកក្មេកឈ្មោះ អាំង បានហូវ។ លោក ឃុន ប៊ុនហូ ប្រគល់ឲ្យលោក ព្រហ្ម វាសនា អនុប្រធានមន្ទីរ ជាអ្នកដើរប្រមូលលុយប្រចាំខែគ្មានចន្លោះដេប៉ូឈើណាមួយនោះឡើយ។
គ- តំបន់ទន្លេសាប និងភូមិសាស្ត្រស្រុកស្ទោង ខេត្តកំពង់ធំ ប្រគល់ឲ្យលោកអនុសេនីយ៍ឯក ថាន់ ប៊ុនថេង មេបញ្ជាការរង អហ ស្រុកស្ទោង ជាអ្នកដើររៀបរយ បទល្មើសនេសាទគ្រប់ប្រភេទ ក្នុងបឹងទន្លេសាប តាមរដូវកាល រួមទាំង ពួកថៅកែធំៗ ពួកឈ្មួញទុច្ចរិតដែលធ្វើ សកម្មភាព រុករានទន្ទ្រានយកព្រៃលិចទឹកក្នុងតំបន់២ និងតំបន់៣ ហ៊ុំព័ទ្ធយកដីជីកធ្វើជាអាងទឹក រៀបចំជា ប្រព័ន្ធប្រឡាយធ្វើស្រែប្រាំង និងយកដីលក់បន្ត ដោយប្រើប្រាស់គ្រឿងចក្រ អ៊ិចស្កាវទ័រ ប៊ុលឡូស័រ ត្រាក់ទ័រ ក្នុងការបំផ្លិចបំផ្លាញព្រៃលិចទឹក និងប្រគល់ឲ្យបក្ខពួកមួយចំនួនទៀតធ្វើសកម្មភាពតាមផ្លូវឆ្លងកាត់សំខាន់ៗ ប្រមូលយកផលប្រយោជន៍ពីបទល្មើសធនធានធម្មជាតិនេះ ទាំងអស់ ។
សូមបញ្ជាក់ថានៅក្នុងរបាយការណ៍នេះ ក៏បានបញ្ជាក់អំពីលោក ឃុន ប៊ុនហូ ជំរិតទារប្រាក់ពីប្រជាពលរដ្ឋនិងឈ្មួញ និងមានសាលក្រមក្នុងបទល្មើសព្រហ្មទណ្ឌ មានបណ្ដឹងពីជនរងគ្រោះទៅនគរបាលព្រហ្មទណ្ឌក្រសួងមហាផ្ទៃពីបទជំរិតទារប្រាក់ ដែលអង្គភាព”នគរដ្រេហ្គននិង កាសែតនគរវត្ត” នឹងធ្វើការបញ្ជាក់ជូនបន្ថែមទៀត។
ពាក់ព័ន្ធក្នុងករណីនេះផងដែរ,នៅព្រឹកថ្ងៃទី១៦ ខែមិថុនា ឆ្នាំ២០២១ លោក ឃុន ប៊ុនហូ មេបញ្ជាការ រងកងរាជអាវុធហត្ថខេត្តកំពង់ធំដែលជាម្ចាស់ខ្លួនបានប្រាប់អង្គភាព “ កាសែត”របៀបពើមិនដឹងរឿង ថា, ខ្ញុំមិនបានទាន់ដឹងរឿងនេះនៅឡើយដែរ ប៉ុន្តែប្រហែលជាមានគេចង់ធ្វើបាបខ្ញុំ ដូចជាខាងបងសារព័ត៌មានដឹងស្រាប់ហើយ ! នៅលើឯកសារ នៃរបាយការណ៍ទាំងនោះ ពិតជាមានអ្នកណាម្នាក់កំពុងធ្វើបាបខ្ញុំ។លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេសក៏ប្រើភាសាការទូតថា, ខ្ញុំមិនទាន់បានទទួលរបាយការណ៍ពាក្យបណ្ដឹងនោះទេ។ទោះជាំយ៉ាងណារឿងអាស្រូវប្រើអំនាចរដ្ឋប្រព្រឹត្តអំពើពុករលួយមួយនេះសង្ឃឹមថានឹងមានការបកស្រាយជាចំហរជាមិនខាន!៕