សង្ស័យចារកម្មសម្លាប់អតីតអ្នកកាសែតអារ៉ាប៊ីសាអូឌីតតែអាមេរិកអត់ហ៊ានក្អកជាមួយ!
01-August-2019 / ព័ត៌មានអន្តរជាតិ
តួគីអារ៉ាប៊ីសាអ៊ីឌិតអាមេរិក៖ការបាត់ខ្លួនលោក ចាម៉ាល់ ខាសូកជី (Jamal Khashoggi) អតីតអ្នកាសែតអារ៉ាប់ប៊ីសាអូឌីតដែលមកជ្រកកោននៅអាមេរិកតាំងពីឆ្នាំ២០១៧ពេលលោកបានចូលទៅក្នុងស្ថានកុងស៊ុលរបស់អារ៉ាប់ប៊ីសាអូឌីតនៅទីក្រុងអ៊ីស្តង់ប៊ុលកាលពីថ្ងៃទី ២ ខែតុលាបានបង្កចល្លាចលពត័មានពេញពិភពលោក។
មូលហេតុគឺដោយសារលោក ចាម៉ាល់ ខាសូកជី (Jamal Khashoggi) ដែលជាអ្នកផ្តល់ព័ត៌មានឱ្យកាសែតវ៉ាស៊ីនតោនប៉ុស្តិ៍និងជាអ្នករិះគន់រដ្ឋាភិបាលអារ៉ាប៊ីសាអ៊ូឌីតនិងគោលនយោបាយមួយចំនួនរបស់ព្រះអង្គម្ចាស់ ម៉ូហាម៉េត ប៊ីន សាល់ម៉ាន់ បានដឹងពីចំណងទំនាក់ទំនងរបស់មេដឹកនាំព្រះរាជាណាចក្រអារ៉ាប់ប៊ីសាអូឌីតជាមួយក្រុមអាល់កៃដានៅមុនព្រឹត្តិការណ៍ ១១ កញ្ញាឆ្នាំ២០០១មុនពេល រួចរត់គេច ទៅរស់នៅអាមេរិក។ នេះបើតាមការលាតត្រដាងពីអតីតមិត្តរួមការងារម្នាក់។
ក្រុមមន្ត្រីតួកគីបាននិយាយថាអ្នកកាសែតនេះត្រូវបានភ្នាក់ងារស៊ើបការណ៍សម្ងាប់របស់អារ៉ាប៊ីសាអូឌីតសម្លាប់នៅក្នុងស្ថានកុងស៊ុល ដែលជាការចោទប្រកាន់មួយត្រូវបានអារ៉ាប៊ីសាអូឌីតបដិសេធ ដោយទទូចថាគាត់បានចាកចេញពីស្ថានកុងស៊ុលនៅមួយសន្ទុះក្រោយ។ អស់ជាច្រើនឆ្នាំមកនេះ អ្នកកាសែតអារ៉ាប៊ីសាអូឌីតរូបនេះគឺជាសំឡេងលាក់ខ្លួនមួយសម្រាប់ដំណើរការផ្លាស់ប្តូរជាលំដាប់នៅក្នុងព្រះរាជាណាចក្រអ៊ីស្លាមមួយនេះ។
នៅក្នុងអត្ថបទមួយចំណងជើងថា The Spectator (អ្នកទស្សនា) លោកប្រ៊ែតលី ដែលធ្លាប់ធ្វើការជាមួយលោកខាសូកជី នៅកាសែតប្រចាំថ្ងៃ Saudi daily Arab News បានលាតត្រដាងថា លោកខាសូកជី “បានដឹងរឿងអាក្រក់ៗច្រើន” អំពីទំនាក់ទំនងរបស់ព្រះរាជាណាចក្រនេះជាមួយក្រុមអាល់កៃដា នៅមុនការវាយប្រហារភេរវកម្មនៅថ្ងៃទី ១១ កញ្ញា ឆ្នាំ ២០០១។លោកខាសូកជីធ្លាប់ជាមិត្តរបស់អូសាម៉ាប៊ីនឡាដិនក្នុងទសវត្សរ៍ ១៩៨០ និង ១៩៩០ នៅអាហ្វហ្គានីស្ថាន និង ស៊ូដង់។
នៅគ្រានោះ គាត់ត្រូវបានទីភ្នាក់ងារស៊ើបការណ៍សម្ងាប់អារ៉ាប៊ីសាអូឌីតជួលដើម្បីបញ្ចុះបញ្ចូលប៊ីនឡាដិនឱ្យបង្កើតសន្តិភាពជាមួយគ្រួសារស្តេចអារ៉ាប៊ីសាអូឌីត។
ចុងក្រោយ លោកខាសូកជីគឺជាមនុស្សតែម្នាក់គត់នៅក្រៅគ្រួសាររាជវង្ស ដែលដឹងរឿងលម្អិតនៃការជាប់ពាក់ព័ន្ធរបស់ពួកគេជាមួយប៊ីនឡាដិន ដែលលោកប្រ៊ែតលីនិយាយថាអាចនឹងមានសារៈសំខាន់ ប្រសិនបើលោកខាសូកជីបង្កើនការប្រឹងប្រែងរបស់ខ្លួនដើម្បីបំផ្លាញព្រះអង្គម្ចាស់សាល់ម៉ាន់។ដើម្បីដោះស្រាយចំណោទ លោក Ibrahim Kalin អ្នកនាំពាក្យរបស់ប្រធានាធិបតីតួកគីបាននិយាយកាលពីថ្ងៃព្រហស្បតិ៍ទី១១តុលាថាប្រទេសតួកគីនិងអារ៉ាប៊ីសាអ៊ូឌីតបានយល់ព្រមបង្កើតក្រុមការងាររួមមួយដើម្បីស៊ើបអង្កេតការបាត់ខ្លួនរបស់អ្នកកាសែតអារ៉ាប៊ីសាអ៊ូឌីត លោក Jamal Khashoggi ។
ក្រុមរដ្ឋអាជ្ញាតួកគីបានបើកការស៊ើបអង្កេតរកកន្លែងស្នាក់នៅរបស់អ្នកកាសែតអារ៉ាប៊ីសាអូឌីតនេះ។ប៉ូលីសតួកគីបាននិយាយថាជនជាតិអារ៉ាប៊ីសាអ៊ូឌីត១៥នាក់ដោយរួមទាំងមន្ត្រីមួយចំនួនទៀតបានមកដល់ទីក្រុងអ៊ីស្តង់ប៊ុលតាមយន្តហោះចំនួន២ហើយបានចូលទៅស្ថានកុងស៊ុល ខណៈពេលដែល លោក ចាម៉ាល់ ខាសូកជី (Jamal Khashoggi) បានស្ថិតនៅខាងក្នុង។មនុស្ស៨នាក់ក្នុងចំណោមជនសង្ស័យ១៥ដែលពាក់ព័ន្ធនឹងអ្នកកាសែតដែលបាត់ខ្លួននេះ ត្រូវបានកំណត់អត្តសញ្ញាណដោយប៉ូលិសតួកគី។
សេចក្តីរាយការណ៍មួយបាននិយាយថា លោក Jamal Khashoggi គឺទំនងជាត្រូវបានសម្លាប់នៅខាងក្នុងបរិវេណនោះ ប៉ុន្តែការលើកឡើងបែបនេះ ត្រូវបានបដិសេធដោយក្រុមអាជ្ញាធរអារ៉ាប៊ីសាអ៊ូឌីតថាគ្មានមូលដ្ឋាន។កាលពីថ្ងៃអង្គារ អារ៉ាប៊ីសាអ៊ូឌីត បានអញ្ជើញក្រុមអ្នកជំនាញតួកគី និងមន្ត្រីមួយចំនួនទៀតដើម្បីពិនិត្យមើលស្ថានកុងស៊ុលនេះ បន្ទាប់ពីតួកគីបានទាមទារឱ្យរកនៅស្ថានកុងស៊ុលនេះ។
ទាក់ទងនិងការបាត់ខ្លួនលោក ចាម៉ាល់ ខាសូកជី (Jamal Khashoggi) លោកដូណាល់ ត្រាំនៅ ថ្ងៃព្រហស្បតិ៍ ទី១១ តុលាបានបង្ហាញពីការចង់ដឹងរឿងរ៉ាវពិតជុំវិញការបាត់ខ្លួនអ្នកកាសែតជនជាតិអារ៉ាប៊ីសាអូឌីតនៅ ក្នុងទីក្រុងអ៊ីស្តង់ប៊ូល ប្រទេសតួកគីនេះ « យើងនឹងធ្វើការសិក្សាលើបញ្ហានេះឲ្យបានល្អិតល្អន់ជាទីបំផុត។ ខ្ញុំមិនចូលចិត្តរឿងរ៉ាវបែបនេះទាល់តែសោះ » ។ តាមលោកត្រាំថា ក្រុមអ្នកស៊ើបអង្កេតអាមេរិកកំពុងធ្វើការជាមួយប្រទេសតួកគី និងអារ៉ាប៊ីសាអូឌីតដើម្បីដឹងស្វែងរកការពិតជុំវិញការបាត់ខ្លួនលោកហ្សាម៉ាល់។ តែទោះជាយ៉ាងនេះក្តី លោកត្រាំហាក់មិនចង់និយាយដល់ការលុប ឬព្យួរកុងត្រាអាវុធរ៉ាប់ពាន់លានដុល្លារដែលអាមេរិកមានជាមួយអារ៉ាប៊ីសាអូឌីតទេ។ សម្រាប់លោកត្រាំ អាមេរិកមិនអាចទុកឲ្យចិន និងរុស្ស៊ីយកលុយពីអារ៉ាប៊ីសាអូឌីតជំនួសអាមេរិកឡើយ។
« ខ្ញុំមិនមែន និងគ្មានបំណងណាមួយដើម្បីទៅរារាំងប្រទេសមួយដែលបានចំណាយលុយរាប់សិបពាន់លានដុល្លារដែលជាទឹកប្រាក់ដ៏សម្បើមអស្ចារ្យ ហើយបែរជាទុកឲ្យប្រទេសរុស្ស៊ី និងប្រទេសចិនជាអ្នកប្រមូលយកលុយទាំងអស់នោះទេ។ ប្រទេសអារ៉ាប៊ីសាអូឌីតចំណាយលុយចំនួន ១១០ ០០០លានដុល្លារដើម្បីទិញគ្រឿងសព្វាវុធ និងសម្ភារៈបរិក្ខារយោធា និងទិញរបស់របរជាច្រើនផ្សេងទៀតរបស់អាមេរិក។
ខ្ញុំមិនចូលចិត្តលើគំនិតដែលចង់ឲ្យមានការលប់ចោលកុងត្រាវិនិយោគក្នុងទឹកប្រាក់ដល់ទៅ ១១០ ០០០លានដុល្លារដែលអាមេរិកមានជាមួយអារ៉ាប៊ីសាអូឌីតឡើយ។ ហេតុផលគឺសាមញ្ញ អារ៉ាប៊ីសាអូឌីតនឹងងាកទៅចាយវាយជាមួយរុស្ស៊ី និងចិនវិញ។ បើយើងជ្រើសយកផ្លូវលុប ឬព្យួរកុងត្រាជាមួយអារ៉ាប៊ីសាអូឌីត អារ៉ាប៊ីសាអូឌីតប្រាកដជានិយាយថា OK យើងឈប់ទិញពីក្រុមហ៊ុនអាមេរិក Boeing ឬពីក្រុមហ៊ុន Lokeed ហើយទៅទិញពីរុស្ស៊ី និងពីចិនវិញម្តង។ដូច្នេះសម្រាប់យើង តើនេះអាចជារឿងល្អទេ?។ គេពិតជាមានមធ្យោបាយ ឬផ្លូវផ្សេងដើម្បីដោះស្រាយបញ្ហា »៕
