វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1648 នាក់
ម្សិលមិញ 10264 នាក់
សរុប 14140830 នាក់
ប្រទេសមីយ៉ានម៉ា៖នៅថ្ងៃទី៩ខែកុម្ភៈ នាយករដ្ឋមន្ត្រីប្រទេសនូវែលហ្សេឡង់លោកស្រីJacinda Ardern បានប្រកាសថា រដ្ឋាភិបាលលោកស្រីបានផ្អាករាល់ទំនាក់ទំនងនយោបាយ និងយោធាជាមួយប្រទេសមីយ៉ាន់ម៉ា ។
លោកស្រីនាយករដ្ឋមន្ត្រីJacinda Ardern បានប្រាប់អ្នកសារព័ត៌មានថា នូវែលហ្សេឡង់នឹងអនុម័តច្បាប់ហាមធ្វើដំណើរទៅកាន់មីយ៉ាន់ម៉ា និងនយោបាយជាច្រើនទៀត ដែលអាចនាំមកផលប្រយោជន៍ដល់រដ្ឋាភិបាលយោធាមីយ៉ាន់ម៉ា។រដ្ឋមន្ត្រីកាក្រសួងរបរទេសនូវែលហ្សេឡង់បានចេញសេចក្តីថ្លែងគារណ៍បញ្ជាំក់ថា រដ្ឋាភិបាលមិនទទួលស្គាល់រដ្ឋាភិបាលដឹកនាំដោយយោធាមីយ៉ាន់ម៉ានោះឡើយ ។ ប្រទេស នូវែលហ្សេឡង់បានអំពាវនាវដល់រដ្ឋាភិបាលយោធា ដោះលែងមេដឹកនាំដែលយោធាបានចាប់ខ្លួនផងដែរ។ក្រុមប្រឹក្សាសន្តិសុខអង្គការសហប្រជាជាតិនិងប្រទេសជាច្រើនទៀតអំពាវនាវដល់យោធាដោះលែងមន្ត្រីជាន់ខ្ពស់ដែលយោធាបានចាប់ខ្លួន ក្នុងនោះមាន លោកស្រី អោងសាន ស៊ូជី និងប្រធានាធិបតីផងដែរ។
នៅថ្ងៃចន្ទ័ទី៨កុម្ភៈអគ្គមេបញ្ចាការកងទ័ពមីយ៉ាន់ម៉ា ឧត្តមសេនីយ៍Min Aung Hlaing បាននិយាយទៅកាន់សារព័ត៌មានរ៉យទ័រថា «កម្លាំងទាហាននឹងបង្កើតឲ្យមានប្រជាធិបតេយ្យពិតប្រាកដ មានការទទួលខុសត្រូវខ្ពស់ ខុសពីរដ្ឋាភិបាលនាពេលកន្លងមក។ គណៈកម្មាធិការរៀបចំការបោះឆ្នោតមីយ៉ាន់ម៉ា បានយកហេតុផលនៃការឆ្លងរាលដាលកូវីដ-១៩ ដើម្បីរារាំងការឃោសនាបោះឆ្នោត ដោយមានតម្លាភាព។ បញ្ហាទាំងឡាយត្រូវតែកែទម្រង់ ។ យើងនឹងមានការបោះឆ្នោត ដោយមានគណបក្សជាច្រើនចូលរួម ហើយកម្លាំងទាហាននឹងផ្តល់អំណាចទៅឲ្យគណបក្សដែលទទួលបានជ័យជម្នះ»។
សារព័ត៌មានរ៉យទ័របានផ្សាយថា ការប្រកាសដោយបើកចំហក្រោយការធ្វើរដ្ឋប្រហារ គឺក្នុងពេលដែលបាតុកម្មនៅក្នុងប្រទេសនេះកើនកម្តៅកាន់តែខ្លាំងឡើង ហើយពលរដ្ឋចូលរួមកាន់តែច្រើន។
សមាជិកជាន់ខ្ពស់នៃគណបក្ស សម្ព័ន្ធមិត្តដើម្បីប្រជាធិបតេយ្យ (NLD) កាលពីថ្ងៃទី៨ខែកុម្ភៈ បានផ្ញើលិខិតទៅកាន់អគ្គលេខាធិការអង្គការសហប្រជាជាតិ លោកAntonio Guterres អំពាវនាវដល់អង្គការសហប្រជាជាតិ ប្រើគ្រប់វិធានការច្បាប់ដើម្បីប្រែក្រឡាស់ការធ្វើរដ្ឋប្រហារនៅក្នុងប្រទេសមីយ៉ាន់ម៉ា។
ការប្រកាសរបស់ថ្នាក់ដឹកនាំយោធាស្តីពីការបោះឆ្នោតឡើងវិញនេះ គឺមិនទាន់កំណត់ថាពេលវេលាណានោះឡើយ ។
នៅទីក្រុងរ៉ង់ហ្គូនដែលជាទីក្រុងសេដ្ឋកិច្ច ក្រុមបាតុករបានជួបជុំគ្នាក្នុងថ្ងៃអង្គារ ទី៩ កុម្ភៈនៅក្បែរទីស្នាក់ការកណ្តាលនៃគណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រីអ៊ុង សានស៊ូជី។ ជាមួយនឹងសម្លៀកបំពាក់ពណ៌ក្រហមដែលជាពណ៌របស់គណបក្ស ក្រុមបាតុករបានកាន់បដារសរសេរថា « គ្មានអំណាចផ្តាច់ការ » « យើងចង់បានមេកើយរបស់យើងវិញ »។
នៅសង្កាត់មួយទៀតក្នុងទីក្រុងរ៉ង់ហ្គូន គឺជាក្បួនបាតុកម្មរបស់គ្រូបង្រៀនដោយនាំគ្នាលើកម្រាមដៃចំនួន ៣ ដែលជាសញ្ញានៃការតស៊ូ។ ចំណែកនៅទីក្រុងណៃពីដ៏ដែលជាក្រុងធំទី២ របស់ភូមា កម្លាំងប៉ូលិសបានបង្ក្រាបលើហ្វូងបាតុករដោយប្រើកាណុងបាញ់ទឹក គ្រាប់កាំភ្លើងជ័រ និងឧស្ម័នបង្ហូរទឹកភ្នែក។ ការក្រោកឈររបស់ប្រជាជនភូមាប្រឆាំងនឹងរដ្ឋប្រហារពេលនេះជាព្រឹត្តិការណ៍ថ្មីនៅភូមា គិតតាំងពីចលនាមហាជនក្នុងឆ្នាំ ២០០៧ ដែលដឹកនាំដោយព្រះសង្ឃ។ ចលនាបះបោរឆ្នាំ ២០០៧ កាលណោះត្រូវបានកងទ័ពបង្ក្រាបយ៉ាងចាស់ដៃ។នៅក្នុងចលនាបះបោរប្រឆាំងនឹងរដ្ឋប្រហារពេលនេះ មានមនុស្សជាង ១៥០នាក់ត្រូវបានចាប់ខ្លួន ក្នុងនោះមានអ្នកតំណាងរាស្ត្រ អ្នកទទួលខុសត្រូវតាមឃុំ សង្កាត់ និងស្រុក រួមទាំងសកម្មជនអ្នកប្រជាធិបតេយ្យ។