វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8921 នាក់
ម្សិលមិញ 8227 នាក់
សរុប 14135802 នាក់
ពោធិសាត់៖ កាលពីថ្ងៃទី២៩មករា ក្រុមមន្ត្រីឧទ្យានុរក្ស តំបន់ជួរភ្នំក្រវាញ បានធ្វើការបង្ក្រាប និងដកហូតបានសាច់សត្វកែះឬសត្វតេះមួយក្បាលដែលមាន ទម្ងន់ប្រមាណ៣០គីឡូក្រាម។ នេះបើយោងតាមអង្គការសម្ព័ន្ធមិត្តសត្វព្រៃ (Wildlife Alliance Cambodia) នៅថ្ងៃទី៣០ ខែមករា ឆ្នាំ២០២១នេះ។
ទោះជាយ៉ាងណាអង្គការនេះមិនបានបង្ហាញទីតាំងដែលបង្ក្រាបនិងជនល្មើសដែលបានសម្លាប់សត្វនេះកែះនេះទេ។សត្វកែះ ត្រូវបានចាត់ជាក្រុមប្រភេទសត្វព្រៃកំពុងរងគ្រោះជិតផុតពូជក្នុងប្រទេសកម្ពុជា។កែះចូលចិត្តរស់នៅតំបន់ព្រៃភ្នំ ជ្រលង ផ្ទាំងថ្មខ្ពស់ៗ ដែលមានគំរបព្រៃ និងមានស្រទាប់រុក្ខជាតិថ្នាក់ក្រោមច្រើន។ កែះ មានជើងយ៉ាងចំណាប់ក្នុងការដើរឡើងតាមផ្ទាំងថ្មចោតៗ។ នៅពេលថ្ងៃវាចូលចិត្តសម្រាក់តាមគម្ពោតព្រៃក្រាស់ ហើយចេញរកស៊ីនៅពេលព្រឹកលឹម ឬក្បាល ព្រលប់។ វាចូលចិត្តស៊ីស្លឹករុក្ខជាតិ និងល្បះគ្រប់ប្រភេទ។
សត្វកែះចូលចិត្តយករូងភ្នំរាក់ៗធ្វើជាទីជម្រករបស់វា ហើយគេអាចសម្គាល់វត្តមានវាដោយសារគំនរលាមក។ ចំនួននៃសត្វកែះ កំពុងមានការធ្លាក់ចុះយ៉ាងខ្លាំង នៅក្នុងតំបន់អាស៊ីអាគ្នេយ៍ ដែលពពួកសត្វនេះ កំពុងប្រឈមមុខទៅនឹងការគំរាមកំហែងធំៗចំនួនពីរគឺ ការបាត់បង់ទីជម្រក និងការបរបាញ់ដើម្បីយកសាច់ ស្នែង និងផ្នែកផ្សេងៗនៃខ្លួនប្រាណ៕