វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9029 នាក់
ម្សិលមិញ 8227 នាក់
សរុប 14135910 នាក់
ភ្នំពេញ៖ ក្នុងឱកាសថ្ងៃឈប់សម្រាករយៈពល ៣ថ្ងៃ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក (ថ្ងៃទី១៨-២០ ខែវិច្ឆិកា ឆ្នាំ២០២១) ភ្ញៀវទេសចរដែលចេញដើរកម្សាន្តនៅទូទាំងប្រទេសមានចំនួនសរុប ៩១០.១៥០នាក់ ក្នុងនោះភ្ញៀវជាតិមានចំនួន៨៩៩.៨៦៩នាក់ និងភ្ញៀវបរទេសផ្ទៃក្នុង ១០.២៨១នាក់។
ក្រសួងទេសចរណ៍បានឲ្យដឹងទៀតថា ភ្ញៀវទេសចរដើរកម្សាន្តថ្ងៃទី១ មានភ្ញៀវសរុបចំនួន១៣២.០១៣នាក់ និងថ្ងៃទី២ មានភ្ញៀវសរុបចំនួន ៣៣២.៨៧៥នាក់ កើនឡើង ១៥២,១៥% ធៀបនឹងថ្ងៃទី១ ខណៈថ្ងៃទី៣ មានភ្ញៀវសរុបចំនួន ៤៤៥.២៦២នាក់ កើនឡើង ៣៣,៧៦% ធៀបនឹងថ្ងៃទី២ ហើយបើធៀបថ្ងៃទី១ គឺកើនឡើង ២៣៧,២៨%។
គោលដៅទេសចរណ៍សំខាន់ៗរយៈពេល ៣ថ្ងៃនេះ គឺរាជធានីភ្នំពេញជិត ២០ម៉ឺននាក់ ឈរនៅកំពូលតារាង តាមពីក្រោយដោយខេត្តសៀមរាបជាង ១១ម៉ឺននាក់ បន្ទាបមកទៀត ខេត្តព្រះសីហនុជាង ១១ម៉ឺននាក់ ខេត្តកំពតជាង ៨ម៉ឺននាក់ និងខេត្តកែបជាង ៧ម៉ឺននាក់ ក្រៅពីនោះតំបន់ទេសចរណ៍នៅបណ្តាខេត្តផ្សេងៗ។
លោក ថោង ខុន រដ្ឋមន្ត្រីក្រសួងទេសចរណ៍ បានបង្ហាញការកត់សម្គាល់ថា ចំនួនភ្ញៀវទេសចររយៈពេល៣ថ្ងៃនេះ លើសពីរំពឹងទុក ក្នុងនោះយើងឃើញថា តួលេខាងលើមានការកើនឡើង ៥៤,៣៤% ធៀបនឹងព្រះរាជពិធីបុណ្យអុំទូកឆ្នាំ២០២០ ហើយបើធៀបភ្ញៀវពេលឈប់សម្រាកភ្ជុំបិណ្ឌ៣ថ្ងៃដូចគ្នានាដើមខែតុលា ឆ្នាំ២០២១ ថ្មីៗនេះ គឺមានកើនឡើង ៣៦,៩២%។ ទន្ទឹមនឹងនេះ ក្រៅពីគោលដៅទេសចរណ៍ និងរមណីយដ្ឋានសំខាន់ៗ ក៏មានប្រជាពលរដ្ឋជាច្រើនផ្សេងទៀតដើរកម្សាន្តមិនឆ្ងាយពីគេហដ្ឋាន ដូចជាជួបជុំញ៉ាំអាហារជាក្រុមគ្រួសារនៅតាមភោជនីយដ្ឋាន និងកន្លែងដែលមានការៀបចំជាក្ចុស (ដូចជាតាមបណ្តោយមាត់ទន្លេនៅព្រែកលាប បាក់ខែងជាដើម)។
សូមបញ្ជាក់ថាកម្ពុជាបានបើកប្រទេសឡើងវីញកាលពីថ្ងៃទី១វិច្ឆិកា២០២១គឺបន្ទាប់ពីបានបិទខ្ទប់ដោយសារកូវីតអស់២ឆ្នាំនិងបន្ទាប់ពីកម្ពុជាបានចាក់វ៉ាកសាំងជូនប្រជាពលរដ្ឋបានស្ទើ១០០ភាគរយ។ចឹងក្រោយពីបុណ្យអុំទុកនឹងមានកម្មវិធីច្រើនទៀតសម្រាប់ជាកាសាកល្បងនៃយុទ្ធសាស្ត្របើប្រទេសឡើងវិញ៕