លោក Joe Biden ក្លាយប្រធានាធិបតីទី៤៦ ភ្លាមចិនដាក់ទណ្ឌកម្មមន្ត្រីអតីតារដ្ឋការលោកTrump ២៨នាក់ភ្លាមដែរ!
03-April-2024 / ព័ត៌មានអន្តរជាតិ
អាមេរិក៖លោក Joe Biden និងលោកស្រី Kamala Harris ដែលជាអនុប្រធានាធិបតី បានស្បថចូលកាន់តំណែងជាប្រធានាធិបតីនិងអនុប្រធាធិបតីទី៤៦មេរិកជាផ្លូវការ នៅវេលាម៉ោងជិត១២ថ្ងៃត្រង់ ថ្ងៃទី២០ខែមករា ឆ្នាំ ២០២១ (ម៉ោងនៅសហរដ្ឋអាមេរិក)ក ដែលមិនសូវមានការការចូលរួមពីសំណាក់សាធារណជនពុំច្រើនកុះករនោះទេ ព្រោះចំពេលមានការព្រួយបារម្ភអំពីសន្តិសុខ និងជំងឺរាតត្បាតកូវីដេ១៩ ខណៈលោក ដូណាល់ ត្រាំ ដែលជាអតីតប្រធានាធិបតីបែបស៊ីវីល័យដំបូងគេ ពុំបានបង្ហាញខ្លួនចូលរួមនៅក្នុងព្រឹត្តិការណ៍នេះ។
លោក Biden នឹងចូលមកក្នុងការិយាល័យ ដែលប្រឈមនឹងវិបត្តិសុខភាពសាធារណៈ សេដ្ឋកិច្ច ដែលកំពុងធ្លាក់ចុះ និងការបែកបាក់នយោបាយកាន់តែស៊ីជម្រៅ និងការព្រួយបារម្ភជាសកលដូចជាការប្រែប្រួលអាកាសធាតុ។ តែយ៉ាងណាក៏ដោយ លោក Biden នៅតែមានសុទិដ្ឋិនិយមដោយប្តេជ្ញាថានឹងជួយស្តារស្ថានការណ៍ប្រទេសជាតិឲ្យប្រសើរឡើងវិញ។ចូលក្នុងការិយាល័យ លោក ចូ បៃឌិន (Joe Biden) បានចុះហត្ថចុះហត្ថលេខាលើសកម្មភាពប្រតិបត្តិចំនួន ១៥ ភ្លាមៗ ក្នុងនោះមានការលុបចោលគោលនយោបាយចម្រូងចម្រាសជាច្រើនរបស់បន្សល់ទុកដោយអតីតប្រធានាធិបតីលោក ដូណាល់ ត្រាំ ក៏ដូចជាការឆ្លើយតបនៃជំងឺរាតត្បាតកូវីដ-១៩ និងរឿងអន្តោប្រវេសន៍។
លោក ចូ បៃឌិន ក៏បានសន្យាថា នឹងផ្តល់សញ្ជាតិដល់ប្រជាជន (អ្នកមានក្តីសុបិន្ត) ដែលបានរស់នៅសហរដ្ឋអាមេរិក ដោយគ្មានការអនុញ្ញាតជាផ្លូវការ បន្ទាប់ពីចូលប្រទេសនេះក្នុងវ័យកុមារភាពជាមួយឪពុកម្តាយដែលបានចូលអាមេរិកដោយខុសច្បាប់នោះ ។ ប្រធានាធិបតីអាមេរិកថ្មីមកពីគណបក្សប្រជាធិបតេយ្យ រូបនេះក៏បានចុះហត្ថលេខាលើសកម្មភាពប្រតិបត្តិសំខាន់មួយ សម្រេចលុបចោលបំរាមការធ្វើដំណើរពីប្រទេសដែលមានជនជាតិមូស្លីមមួយចំនួន។នេះបើយោងតាមការចុះផ្សាយរបស់សារព័ត៌មាន NHK ចុះថ្ងៃទី២១ ខែមករា ឆ្នាំ២០២១។
លោកប្រធានាធិបតីអាមេរិកទី៤៦ បាននិយាយថា «សកម្មភាពប្រតិបត្តិមួយចំនួនដែលខ្ញុំចុះហត្ថលេខានៅថ្ងៃនេះនឹងជួយផ្លាស់ប្តូរដំណើរនៃវិបត្តិកូវីដ-១៩ ហើយយើងនឹងប្រយុទ្ធប្រឆាំងនឹងការប្រែប្រួលអាកាសធាតុតាមរបៀបដែលយើងមិនទាន់បានធ្វើ និងជម្រុញសមភាពជាតិ និងគាំទ្រដល់សហគមន៍ដែលមិនមានសិទ្ធិទទួលបានដទៃទៀត ។ ទាំងនេះគ្រាន់តែជាចំណុចចាប់ផ្តើមប៉ុណ្ណោះ។គួររម្លឹកថា កំឡុងពេលលោក ដូណាល់ ត្រាំ កាន់តំណែងជាប្រធានាធិបតីលោកបានរឹតត្បិតការធ្វើដំណើរចូលពីបណ្តាប្រទេសមូស្លីមភាគច្រើន ដោយលើកឡើងពីវិធានការណ៍ប្រឆាំងភេរវកម្មរបស់លោក ។
លោក ចូ បៃឌិន បានសន្យាបញ្ឈប់ការសាងសង់ជញ្ជាំងដ៏រឹងមាំនៅតាមព្រំដែនជាមួយប្រទេសម៉ិកស៊ិកដែលលោកត្រាំ បានបញ្ជាឲ្យសាងសង់អស់លុយជាច្រើនដើម្បីមិនអោយជនអន្តោប្រវេសន៍ខុសច្បាប់ចេញចូលទឹកដីសហរដ្ឋអាមេរិកនោះ។ជាផ្នែកមួយនៃការសន្យារបស់គាត់ចំពោះប្រជាជនអាមេរិក លោក Biden បានព្យាយាមធ្វើឱ្យគណៈរដ្ឋមន្ត្រីរបស់គាត់មានភាពចម្រុះបំផុតនៅក្នុងប្រវត្តិសាស្ត្រអាមេរិក ហើយជាផ្នែកឆ្លុះបញ្ចាំង គឺលោកស្រី Harris ដែលនឹងក្លាយជាស្ត្រីដំបូង, ជនជាតិអាហ្វ្រិកអាមេរិកដំបូង និងអាមេរិកឥណ្ឌាដំបូង ដែលកាន់តំណែងនេះជាអនុប្រធាន។
ប្រធានាធិបតីទី៤៦របស់អាមេរិក លោក ចូ បៃដិន បានថ្លែងសុន្ទរកថាដំបូងរបស់ខ្លួន ដោយសង្កត់ធ្ងន់អំពីលទ្ធិប្រជាធិបតេយ្យ។ លោកថា លទ្ធិប្រជាធិបតេយ្យមានតម្លៃ ប៉ុន្តែលទ្ធិប្រជាធិបតេយ្យក៏មានភាពផុយស្រួយផងដែរ។ យ៉ាងណាក៏ដោយ នៅវេលានេះ លទ្ធិប្រជាធិបតេយ្យទទួលបានជ័យជំនះហើយ។ លោក ចូ បៃដិន ចាត់ទុកថ្ងៃឡើងកាន់តំណែងជាប្រធានាធិបតី ថ្ងៃទី២០មករា ថាជាថ្ងៃនៃលទ្ធិប្រជាធិបតេយ្យ ជាថ្ងៃប្រវត្តិសាស្ត្រនិងក្ដីសង្ឃឹម។ លោកបានប្ដេជ្ញាបង្រួបបង្រួមប្រជាជននិងប្រជាជាតិអាមេរិកដែលប្រេះឆាឡើងវិញ ព្រោះសម្រាប់លោក ចូ បៃដិន ឯកភាពជាតិគឺជាមាគ៌ាឆ្ពោះទៅមុខ ដើម្បីជំនះនូវបញ្ហាប្រឈមនិងវិបត្តិទាំងឡាយដែលនៅចំពោះមុខសហរដ្ឋអាមេរិក។
ជាការកត់សម្គាល់ ពិធីស្បថចូលកាន់តំណែងរបស់លោក ចូ បៃដិន នាថ្ងៃទី២០មករា ដ្បិតតែមិនមានការចូលរួមពីលោកប្រធានាធិបតីផុតអាណត្តិ ដូណាល់ ត្រាំ ក៏ពិតមែន ប៉ុន្តែគេសង្កេតឃើញមានវត្តមានអតីតប្រធានាធិបតីសហរដ្ឋអាមេរិកចំនួន៣រូបចូលរួម គឺលោក Barack Obama លោក George W. Bush និងលោក Bill Clinton។ យ៉ាងណាក៏ដោយ លោក បៃដិន បានបង្ហើបឲ្យដឹងថា លោក ដូណាល់ ត្រាំ បានបន្សល់ទុកនូវលិខិតមួយច្បាប់ជូនរូបលោកនៅឯសេតវិមាន៕
សម្រាប់ប្រទេសចិនជាមួយនិងប្រកាសសាទរលោកចូបៃដឹនមន្ត្រីនាំពាក្យឲ្យក្រសួងការបរទេសចិនបានប្រកាសនៅថ្ងៃព្រហស្បតិ៍នេះថា ប្រទេសចិនបានសម្រេចដាក់ទណ្ឌកម្មអតីតរដ្ឋមន្ត្រីការបរទេសអាមេរិក លោក ម៉ៃ ផមភីអូ (Mike Pompeo) និង មន្ត្រីក្រោមរដ្ឋបាល លោក ដូណាល់ ត្រាំ (Donald Trump) ចំនួន ២៧នាក់ផ្សេងទៀត ដោយសារពួកគេបាន «ចាត់វិធានការបែបឆ្កួតឡប់» ដែលធ្វើឲ្យប៉ះពាល់ដល់ទំនាក់ទំនងចិន-អាមេរិក។
លោក ផមភីអូ ជាមន្ត្រីអាមេរិកដែលតែងរិះគន់ចិនរាប់ចាប់តាំងពីបញ្ហាសមុទ្រចិនខាងត្បូង, បញ្ហាតំបន់ស៊ីនជាំង និងទីបេ, បញ្ហាសិទ្ធិមនុស្ស និងពាណិជ្ជកម្មជាដើម។ លោកថែមទាំងចោទចិនថា បានប្រព្រឹត្តអំពើប្រល័យពូជសាសន៍នៅតំបន់ស៊ីនជាំងទៀតផង។
ក្រៅពីអតីតរដ្ឋមន្ត្រីការបរទេសអាមេរិកដែលទទួលរងការដាក់ទណ្ឌកម្ម ក៏មានអតីតទីប្រឹក្សាសន្តិសុខជាតិអាមេរិក, អតីតទីប្រឹក្សាពាណិជ្ជកម្មសេតវិមាន, ទីប្រឹក្សាសន្តិសុខជាតិរង និងអតីតមន្ត្រីផ្សេងទៀត។រដ្ឋមន្ត្រីសុខាភិបាលអាមេរិក, អនុរដ្ឋលេខាធិការក្រសួងការបរទេសដែលទៅតៃវ៉ាន់ និង ឯកអគ្គរដ្ឋទូតអាមេរិកប្រចាំនៅអង្គការសហប្រជាជាតិដែលបានគ្រោងទៅកោះតៃវ៉ាន់ក៏ជាប់ឈ្មោះដែរ។ក្រោមទណ្ឌកម្មនេះ អ្នកទាំង ២៨រូបនោះ រួមនិងសមាជិកគ្រួសាររបស់ពួកគេនឹងត្រូវបានហាមឃាត់មិនឲ្យចូលទឹកដីចិន ហុងកុង ឬម៉ាកាវ ហើយក្រុមហ៊ុនដែលមានជាប់ពាក់ព័ន្ធជាមួយពួកគេនឹងត្រូវបានហាមឃាត់មិនឲ្យរកស៊ីជាមួយចិនទៀតផង៕
