វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3680 នាក់
ម្សិលមិញ 8227 នាក់
សរុប 14130561 នាក់
ភ្នំពេញៈ រកឃើញចម្ងឺគ្រុនផ្តាសាយបក្សី (H5N1)លើសត្វមាន់បន្ទាប់ពីបានងាប់ជាបន្តបន្ទាប់នៅក្នុងកសិដ្ឋានចិញ្ចឹមមួយមួយកន្លែងស្ថិតនៅនៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង កាលពីថ្ងៃទី៥ ដល់ថ្ងៃទី៧ ខែមករា ឆ្នាំ២០២១។
លោកវេង សាខុនរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ប្រាប់សារព័ថា លទ្ធផលធ្វើតេសលើសំណាកសត្វមាន់ដែលងាប់ជាង ១០០០ក្បាល នៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង បានបង្ហាញថា គឺជាគ្រុនផ្តាសាយបក្សី (H5N1) ប៉ុន្តែលោករដ្ឋមន្ត្រីបញ្ជាក់ថា៖ប្រភេទជំងឺនេះ គឺមិនប៉ះពាល់ដល់មនុស្សទេ។បើតាមម្ចាស់កសិដ្ឋានចិញ្ចឹមមាន់លោក ហូ ណាំ បានបញ្ជាក់ថា “៣ថ្ងៃ មាន់១៣០០ក្បាលឈឺងាប់គ្មានសល់”។
សូមបញ្ជាក់ថា៖មានសត្វមាន់ជាច្រើនក្បាលបានងាប់ជាបន្តបន្ទាប់ក្នុងកសិដ្ឋានស្ថិតនៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង កាលពីថ្ងៃទី៥ ដល់ថ្ងៃទី៧ ខែមករា ឆ្នាំ២០២១។ ប្រជាពលរដ្ឋរស់នៅតំបន់នោះ ព្រួយបារម្ភខ្លាចមានជំងឺផ្តាសាយបក្សី។ករណីយ៍នេះលោកឈឹម វជិរា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានបញ្ជាក់ថា លោកចុះទៅពិនិត្យដល់ទីកន្លែងហើយ បានយកវត្ថុសំណាកទៅធ្វើការវិភាគនៅភ្នំពេញ គឺមិនមានបញ្ហាអ្វីប៉ះពាល់ដល់ការឆ្លងជំងឺផ្តសាយបក្សីអ្វីទេ គឺមាន់ងាប់ដោយសារជំងឺធម្មតា។
ម្ចាស់កសិដ្ឋានចិញ្ចឹមមាន់ឈ្មោះ ហូ ណាំ ជាមន្ត្រីរមន្ទីរសុខាភិបាលខេត្តបាត់ដំបង រស់នៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ចិញ្ចឹមមាន់ ទាកាប៉ាជាលក្ខណៈគ្រួសារ។ ករណីមាន់ងាប់នេះកើតឡើងតាំងពីថ្ងទី៥ ដល់ថ្ងៃទី៧ ខែមករា ឆ្នាំ២០២១ តែម្ចាស់កសិដ្ឋានមិនបានរាយការណ៍មកជំនាញបសុព្យាបាលស្រុក និងខេត្តឲ្យចុះទៅជួយអន្តរាគមន៍បាញ់ថ្នាំការពារទេ។លោកឈឹម វជិរាបញ្ជាក់ថា ចំពោះមាន់ដែលងាប់មិនមែន ៣ពាន់ក្បាលទេ គឺងាប់តែ ១.៣០០ក្បាលប៉ុណ្ណោះហើយជំនាញប្រាប់ឲ្យយកទៅកប់ចោលមិនឲ្យយកទៅលក់ឲ្យអ្នកទិញយកទៅហូបទេ ព្រមទាំងខាងជំនាញបានយកវត្ថុសំណាកផ្ញើទៅធ្វើកោសល្យវិច្ច័យនៅភ្នំពេញរួចហើយព្រមទាំងជួយបាញ់ថ្នាំការពារនៅជុំវិញបរិវេណកសិដ្ឋាននេះផងដែរ៕