វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2466 នាក់
ម្សិលមិញ 6501 នាក់
សរុប 13951021 នាក់
កូរ៉េខាងត្បូង៖ លោក រ៉ូ ហេចាន់ (Roh Hoechan)តំណាងរាស្ត្របក្សប្រឆាំងកូរ៉េខាងត្បូងដ៏ល្បីម្នាក់បានសម្រេចចិត្តលោតពីលើអគារសម្លាប់ខ្លួន ខណៈកំពុងជាប់ផុងក្នុងការស៊ើបអង្កេត ជុំវិញការចោទប្រកាន់ថា បានទទួលសំណូកលុយនយោបាយខុស ច្បាប់ប្រមាណជាង៤ម៉ឺនដុល្លារអាមេរិកប៉ុណ្ណោះ។
ទីភ្នាក់ងារសារព័ត៌មានយ៉ុនហាប់ នៅថ្ងៃចន្ទ ទី២៣ ខែកក្កដា ឆ្នាំ២០១៨បានឲ្យដឹងថា៖សាកសពលោក រ៉ូ ហេចាន់ (Roh Hoechan)ត្រូវបានគេប្រទះឃើញនៅម៉ោងប្រមាណ ៩៖៣៨នាទីព្រឹក នៅក្បែរច្រកចូលអាផាតមិនមួយ ស្ថិតនៅកណ្ដាលទីក្រុងសេអ៊ូល។ ប៉ូលិសបានសន្និដ្ឋានថា៖ លោក Roh ទំនងជាលោតពីលើអគារសម្លាប់ខ្លួនឯង ដ្បិតពួកគេបានរកឃើញអាវធំមួយនៅជាន់ទី ១៧ និង ១៨ នៃអគារ ហើយនៅក្នុងអាវធំនោះមានអត្តសញ្ញណប័ណ្ណមួយសន្លឹក និងប័ណ្ណពាណិជ្ជកម្ម ព្រមទាំងកំណត់ហេតុមួយ ដែលទំនងដូចជាលិខិតបណ្ដាំចុងក្រោយ។
នៅក្នុងលិខិតនោះ លោករ៉ូ( Roh )បានសារភាពថា លោកយល់ព្រមទទួលលុយរាប់លានដុល្លារ ប៉ុន្តែមិនបានយកវាទៅប្រើប្រាស់ខុសច្បាប់នោះទេ ហើយ លោកក៏បានសូមទោសគ្រួសាររបស់លោកផងដែរ។
លោក រ៉ូ ហេចាន់ (Roh Hoechan) ជាតំណាងរាស្ត្រមកពីគណបក្សយុត្តិធម៌ កំពុងរងចោទប្រកាន់ថា បានទទួលសំណូក ៥០លានវ៉ុន (៤៤,៣៣៣ដុល្លារ) ពីមនុស្សដ៏មានឥទ្ធិពលម្នាក់ ដែលគេស្គាល់រហស្សនាមថា Druking និងជាមនុស្សចម្បងម្នាក់នៅក្នុងរឿង អាស្រូវក្លែងបន្លំសាធារណៈមតិ។ស្រុកកូរ៉េចឹងគេស្រលាញ់កិត្តិយសណាស់៕