វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 476 នាក់
ម្សិលមិញ 10264 នាក់
សរុប 14139658 នាក់
ភ្នំពេញ៖ តារាសម្តែង ពេជ្រ ចរណៃ បានការបើកសាលាបណ្តុះបណ្តាលក្បាច់គុនល្បុក្កតោ ដល់កូនខ្មែរជំនាន់ក្រោយតាមបំណងនាងតហើយ។
ពេជ្រ ចរណៃ ដែលមានឈ្មោះពិតថា អ៊ិត កន្និកា នាងបានស្នើសុំច្បាប់បង្កើតសាលាគុននេះ ទៅកាន់បណ្ឌិតសភាគុនល្បុក្កតោកម្ពុជា អស់រយៈពេលជាង៣ខែមកហើយ ដោយទើបតែទទួលបានវិញ្ញាបនបត្រ ពីបណ្ឌិតសភាគុនល្បុក្កតោកម្ពុជា កាលពីពេលថ្មីៗនេះ ដើម្បីបញ្ជក់ពីការចុះឈ្មោះសាលាគុននេះ ជាផ្លូវការ។
តារាសម្តែង ដែលមានចំណង់ចំណូលចិត្តខាងវ៉ៃតប់ បានបង្ហាញអារម្មណ៍សប្បាយរីករាយថា នាងពិតជារំភើបចិត្ត នៅពេលដែលក្តីបំណងប៉ងប្រាថ្នា បើកសាលាបណ្តុះបណ្តាលគុនល្បុក្កតោខ្មែរ ទទួលបានជោគជ័យ និងមានការជួយគាំទ្រពីបងប្អូនសប្បុរសជន និងក្មេងៗជំនាន់ក្រោយ បានចូលហាត់រៀនជាហូរហែ។ នាងបញ្ជាក់ថា ការសិក្សាក្បាច់គុនល្បុក្កតោ គឺមិនបានយកកម្រៃអ្វីឡើយ សម្រាប់សិស្សដែលមានជីវភាពខ្វះខាតខ្លាំង ប៉ុន្តែប្រសិនបើសិស្សណាមានលទ្ធភាព គឺគ្រាន់តែជួយចេញថ្លៃទឹក និងភ្លើង នៅក្នុងសាលាដែលពួកគេហាត់រៀនតែប៉ុណ្ណោះ។នាងធ្លាប់និយាយថានៅពេលសម្ដែង ក្បាច់គុនបុរាណខ្មែរ ល្បុក្កតោ ម្ដងៗ..តែងតែមានការភ្លាត់ស្នៀត ថ្លោះដៃ គ្រិចជើង បែកក្បាល និង មានរបួសស្នាមជាច្រើនលើករាប់មិនអស់..តែពួកខ្ញុំនៅតែ ញញឹម បន្តរ ដើម្បីផ្សព្វផ្សាយ ពី វប្បធម៌ ទៀត..។
ពេជ្រ ចរណៃ បានបន្ថែមទៀត គោលបំណងសំខាន់ នៃការបើកសាលាបណ្តុះបណ្តាលក្បាច់គុនល្បុក្កតោនេះឡើង គឺដើម្បីឲ្យកូនខ្មែរជំនាន់ បានសិស្សារៀនសូត្រ ស្នងតំណែងពីលោកគ្រូៗជំនាន់មុន ដែលក្បាច់គុនល្បុក្កតោ ហាក់មិនទាន់មានសកម្មភាពទូលំទូលាយនៅឡើយ ជាពិសេសចង់ឲ្យអន្តរជាតិស្គាល់ពីវប្បធម៌ខ្មែរ និងគ្រិះនៃក្បាច់គុនខ្មែរ មានតាំងពីបុរាណ និងល្បីល្បាញជាយូរឆ្នាំមកហើយ។ យ៉ាងណាមិញ ពេជ្រ ចរណៃ ក៏បានស្នើដល់មហាជនឲ្យជួយគាំទ្រ និងជួយចែករំលែកអំពីព័ត៌មាន នៃការហាត់រៀនក្បាច់គុនល្បុក្កតោខ្មែរ ឲ្យបានផុសផុល ជ្រួតជ្រាបដល់មហាជនទូទៅ។
សូមបញ្ជាក់ថា បណ្ឌិតសភាគុនល្បុក្កតោកម្ពុជា បានចេញវិញ្ញាបនបត្របញ្ជាក់ការចុះឈ្មោះសាលាគុនល្បុក្កតោមានឈ្មោះ «ជ័យតេជៈ» ដែលមានអាសយដ្ឋានដីឡូតិ៍លេខ២៦០៨ ភូមិគោកឃ្លាំង សង្កាត់ភ្នំពេញថ្មី ខណ្ឌសែនសុខ ដែលមានកញ្ញា អ៉ិត កន្និកា ជាប្រធានសាលាគុន និងលោក ចាន់ ឬទ្ធិស័កិ្ត ជាគ្រូបង្គោល ដើម្បីចូលរួមអភិវឌ្ឍ អភិរក្ស បណ្តុះបណ្តាល និងផ្សព្វផ្សាយឲ្យបានទូលំទូលាយ នូវកីឡាគុនល្បុក្កតោ ដល់យុវជនជំនាន់ក្រោយ។
កញ្ញាសំណូមពរថាខ្ញុំសុំពីអ្នកទាំងអស់គ្នាត្រឹមតែ..ជួយស៊ែរ ជួយឡាច ខមិនផ្ដល់កំលាំងចិត្ត ដល់ពួកគាត់ តើបានដែរទេ?៕