វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1128 នាក់
ម្សិលមិញ 10264 នាក់
សរុប 14140310 នាក់
ព្រះសីហនុ៖កាលពីពេលថ្មីៗនេះលោកគួច ចំរើន អភិបាល ខេត្តព្រះសីហនុ បានបញ្ជារឲ្យមន្ត្រី ពាក់ព័ន្ធ មន្ត្រីជំនាញ មន្ត្រីសាលាក្រុងព្រះសីហនុ ពិសេសប្រជាការពារក្រុង កើបខ្សាច់ច្រកក្នុងបាវ ដើម្បីទប់គល់ឈើ (ដើមស្ងាវ) ដែលនៅតាមបណ្ដោយឆ្នេរខ្សាច់ អូរត្រេះ១ អូរត្រេះ២ សង្កាត់លេខ៤ ក្រុងព្រះសីហនុ ដោយសារឃើញមានការបាក់ដីច្រោះខ្សាច់ បណ្ដាលឲ្យរលំដើមឈើ និងឡើងគល់ឈើជាច្រើនដើមនៅតាមបណ្ដោយឆ្នេរទាំងនេះ។
ពលរដ្ឋដែល រស់នៅតំបន់អូរត្រេះ១ បានសម្តែងការព្រួយថា ការបាក់ច្រោះខ្សាច់ហើយរលំដើមឈើ តាំងពីដើមមក គាត់មិនធ្លាប់ឃើញទេ ប្រហែលមកពីខ្យល់ព្យុះ ធាតុអាកាស ឬយ៉ាងណានោះគាត់មិនដឹងទេ រឺអាចមកពីការបូមខ្សាច់នៅតំបន់ណាមួយជិតៗនោះ ក៏មិនដឹង ព្រោះគាត់ឃើញនៅឆ្នេររាមមានការចាក់ដីខ្សាច់។ឯពលរដ្ឋ ដ៏ទៃទៀតជាច្រើននាក់ក៏បានលើកឡើងប្រហាក់ប្រហែលគ្នានេះដែរព្រោះយូរហើយ មិនដែលបាក់ឆ្នេររលំដើមឈើតាមឆ្នេរសមុទ្រខ្លាំងអញ្ចឹងសោះ?។
ពាក់ព័ន្ធបញ្ហានេះ លោក ប្រាក់ សមប្រាថ្នា ប្រធានមន្ទីររ៉ែ និងថាមពល ខេត្តព្រះសីហនុបានបដិសេធប្រាប់ កាសែតថា (ពុំមានការបូមខ្សាច់នៅតំបន់នោះទេ)។លោក សេង ឡួត អគ្គនាយករដ្ឋបាលនៃក្រសួងដែនដីនិងនគរូបនីយកម្មនិងសំណង់មិនទាន់មានការបកស្រាយនៅឡើយ។ តែលោក គួច ចំរើន អភអភិបាលខេត្តព្រះសីហននៅព្រឹកថ្ងៃទី ១២ ខែវិច្ឆិកា ឆ្នាំ ២០២០បានប្រាប់កាសែតថា មូលហេតុ មកពីទឹកជោរ ទឹកនាច កាលណាទឹកជោរមកឡើងខ្ពស់ដល់គល់ ត្រូវរលកបោកច្រោះ។
ជុំ
វិញបញ្ហាខាងលើនេះ លោក នេត្រ ភត្ត្រា អ្នកអ្នកនាំពាក្យក្រសួងបរិស្ថានបានប្រាប់សារ ព័ត៌មាន ថា បញ្ហាដែលកំពុងកើតឡើងនេះមិនពាក់ព័ន្ធនឹងការបូមខ្សាច់នៅកន្លែងណាមួយឡើយតែជាផលប៉ះពាល់ដែលកើតចេញពីការប្រែប្រួលអាកាសធាតុ ដែលកម្ពុជាក៏ដូចជាពិភពលោកកំពុងទទួលរងគ្រោះ។
សូមបញ្ជាក់ថានៅឆ្នេរសមុទ្ររាមដែលមានចម្ងាយមិនឆ្ងាយពីឆ្នេរអូរត្រេះ គេឃើញមានការបូមនិងការចាក់ដីខ្សាច់អភិវឌ្ឍ លើឆ្នេរសមុទ្រយកដីដែលមានទំហំ ៤២៧ហិចតា ស្តិតក្នុងឃុំរាមស្រុកព្រៃនប់ខេត្តព្រះសីហនុ នេះបើយោងអនុក្រឹត្យលេខ ៤០ អនក.ប្រក ចុះថ្ងៃទី ២០ ខែមីនាឆ្នាំ ២០២០ ដោយយោងតាមសំណើរបស់រដ្ឋមន្ត្រីក្រសួងរៀបចំដែនដីនគររូបនីយកម្មនិងសំណង់។