វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 442 នាក់
ម្សិលមិញ 5378 នាក់
សរុប 14079735 នាក់
ភ្នំពេញ៖ លោក ឃួង ស្រេង អភិបាលរាជធានីភ្នំពេញដែលឈរជើងជាប់ជាប្រចាំនៅតំបន់រងគ្រោះដោយទឹកជំនន់ក្នុងខណ្ឌដង្កោ នៅព្រឹកថ្ងៃទី១៦ ខែតុលា ឆ្នាំ២០២០នេះ បានបញ្ជាក់ថា រហូតមកដល់ពេលនេះ ប្រជាពលរដ្ឋជាង៥០០០គ្រួសារហើយ ត្រូវបានជម្លៀសមកទីទួលសុវត្ថិភាព ដោយមានការមើលថែទាំយ៉ាងយកចិត្តទុកដាក់ពីកម្លាំងអាជ្ញាធរ និងសមត្ថកិច្ចពាក់ព័ន្ធទាំងអស់។
លោក ឃួង ស្រេង បាន បញ្ជាក់ថាផែនការទី១ នៃការសង្គ្រោះប្រជាពលរដ្ឋកម្លាំងអាជ្ញាធរ និងសមត្ថកិច្ច បានរួមដៃគ្នាអនុវត្តទទួល បានជោគជ័យ និងគ្រប់គ្រងបានគ្រប់ស្ថានការណ៍ទាំងអស់។ ពលរដ្ឋដែលត្រូវជម្លៀសមកកន្លែងមានសុវត្ថិភាពនេះ រួមមាន នៅខណ្ឌកំបូល,ពោធិ៍សែនជ័យ និងខណ្ឌដង្កោ ដែលរងគ្រោះច្រើនជាងគេ។ ទីតាំងដែលរដ្ឋបាលរាជធានីភ្នំពេញ ដាក់ឲ្យប្រជាពលរដ្ឋស្នាក់នៅ បណ្តោះអាសន្ន មាន៥ទីតាំង ក្នុងនោះរួមមាន ទីតាំងសាក់សំពៅ គងនយ រលួស នៅក្នុងបុរីពិភពថ្មីគួរស្រូវ២ និងទីតាំងមុខផ្សារព្រែកជ្រៃ។
លោកសង្កត់ធ្ងន់ថា មិនត្រឹមតែសង្គ្រោះប្រជាពលរដ្ឋ មកលើទីទួលសុវត្ថិភាពទេ អាជ្ញាធរថែមទាំងបានរៀបចំផ្តល់អាហារជូនពួកគាត់ផងដែរ ប្រកបដោយការទទួលសុខត្រូវ និងអនុវត្តន៍តាមអនុសាសន៍ដ៏ខ្ពង់ខ្ពស់របស់សម្តេចតជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងការផ្គត់ផ្គង់ម្ហូបអាហរដល់កម្លាំងគ្រប់ប្រភេទថែមទៀត។
លោក ឃួង ស្រេង បញ្ជាក់ថា៖ តាមអនុសា សន៍ដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី បានឲ្យរដ្ឋបាលរាជធានីភ្នំពេញយើងខ្ញុំនេះ រៀបចំផ្គត់ផ្គង់ស្បៀងអាហារជូនដល់បងប្អូនប្រជាពល រដ្ឋ ជាពិសេសទឹក មិនឲ្យបងប្អូនខ្វះបរិភោគនោះទេ។ យើងក៏បានរៀបចំបាយទឹកជូនដល់កងកម្លាំងអ្នកជួយ សង្គ្រោះ និងជួយអ្នកដែលជាជនរងគ្រោះ មិនឲ្យមានការខ្វះខាតទេ រាប់ទាំងអ្នកសារព័ត៌មានផងដែរ»។
លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ បាន បន្ដប្រកាសលេខទូរស័ព្ទចំនួន១០ខ្សែ ដើម្បីប្រជា ពលរដ្ឋទាក់ទងពេលត្រូវការជំនួយសង្គ្រោះបន្ទាន់ ពាក់ព័ន្ធករណីទឹកជំនន់ នៅខណ្ឌដង្កោ។
លេខទូរស័ព្ទត្រូវបានបែកចែកជាពីរក្រុម ដោយមួយក្រុមសម្រាប់មូលដ្ឋានសង្កាត់ស្ពានថ្ម ដែលមាន លោក ឃួង ស្រេង ជាប្រធានផ្ទាល់តែម្ដង រួមមាន៖ 097 298 0533, 097 458 7803, 097 304 0851, 097 275 8464, 097 205 9406។ ដោយឡែកសម្រាប់ក្រុមការងារ ដឹកនាំដោយ លោក នួន ផារ័ត្ន អភិបាលរងរាជធានីភ្នំពេញ នៅសង្កាត់. ព្រែកកំពឹស និងសង្កាត់រលួស រួមមាន៖ 097 488 2952, 097 525 1727, 097 885 2543, 097 880 1928, 097 550 5697។
សូមបញ្ជាក់ថា៖ មូលដ្ឋានសង្កាត់ចំនួន៥ ក្នុងខណ្ឌដង្កោ កំពុងរងនូវការវាយប្រហារយ៉ាងដំណំពីទឹកជំនន់ រហូតមកដល់ពេលនេះ កម្លាំងសមត្ថកិច្ចចម្រុះជាច្រើនរយនាក់ កំពុងធ្វើការសង្គ្រោះប្រជា ពលរដ្ឋ និងជម្លៀសចេញពីលំនៅឋាន ដើម្បីទៅយកទីទួលសុវត្ថិភាព .។រោងចក្រស្ថិតក្នុងរាជធានីភ្នំពេញ រងផលប៉ះពាល់ដោយសារជំនន់ទឹកភ្លៀងច្រើនជាងគេរហូតដល់ទៅ៦២ទីតាំង បន្ទាប់មកខេត្តកណ្ដាលចំនួន១៣ទីតាំង និងកំពង់ស្ពឺចំនួន៤ទីតាំង ដែលសរុប៣ទីតាំងនេះ មានរោងចក្រចំនួន៧៩ រងផលប៉ះពាល់ដោយសារជំនន់ទឹកភ្លៀង គិតត្រឹមថ្ងៃទី១៧តុលា។
លោក ហេង សួរ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបញ្ជាក់ថា ក្នុងចំណោមរោងចក្រទាំង៧៩ទីតាំងដែលរងផលប៉ះពាល់ពីជំនន់ទឹកភ្លៀងនេះ មានរោងចក្រចំនួនជាង៤០ បានផ្អាកដំណើរការផលិតបណ្ដោះអាសន្ន ស្របពេលដែលរោងចក្រជាង៣០កន្លែងផ្សេងទៀត នៅតែដំណើរការផលិតដដែលទោះប្រឈមនឹងការជន់លិចក៏ដោយ។ នេះដោយសារតែស្ថានភាពជន់លិចមិនធ្ងន់ធ្ងរ។
សូមញ្ជាក់ថាចាប់ពីថ្ងៃទី១ តុលា ដល់ព្រឹក ថ្ងៃទី១៦ ខែតុលា ឆ្នាំ២០២០ នៅកម្ពុជា មានមនុស្សស្លាប់ដោយសារជំនន់ទឹកភ្លៀង ចំនួន១៨នាក់ និងជម្លៀសប្រជាជន ប្រមាណ៦.២៩៨គ្រួសារ ស្មើនឹងប្រមាណ ២៥.១៩២នាក់។តាមប្រកាសព័ត៏របស់ គណៈកម្មាធិការជាតិគ្រប់គ្រង គ្រោះមហន្ដរាយ នៅថ្ងៃទី១៦ តុលាបានឲ្យដឹងថា នៅកម្ពុជា មានរាជធានី-ខេត្ត ចំនួន១៩ បានទទួលរងប៉ះពាល់ ដោយសារជំនន់ទឹកភ្លៀង រួមមាន៖ ខេត្តពោធិ៍សាត់ ប៉ៃលិន បន្ទាយមានជ័យ ភ្នំពេញ បាត់ដំបង ស្វាយរៀង ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្ដាល កំពង់ឆ្នាំង និងកំពង់ធំ៕