រកឃើញវិស្វករក្លែងក្លាយហើយជាសមាជិកគណៈវិស្វកម្មទៀត!

ភ្នំពេញ៖វិទ្យាស្ថានបច្ចេកវិទ្យាកម្ពុជា (សាលាតិចណូ)បានចេញប្រកាសជម្រាបជូនសាធារណជនមេត្តាថា៖ ថ្មីៗនេះវិទ្យាស្ថានបានពិនិត្យឃើញមានករណីក្លែងបន្លំសញ្ញាបត្ររបស់វិទ្យាស្ថានបច្ចេកវិទ្យាកម្ពុជា ដោយមានអត្តសញ្ញាណដូចខាងក្រោម៖-ឈ្មោះ៖ ណន សីហា-ភេទ៖ ប្រុស-កើត៖ ថ្ងៃទី០៣ ខែសីហា ឆ្នាំ១៩៩៣.។ 

វិទ្យាស្ថានបច្ចេកវិទ្យាកម្ពុជា សូមបដិសេធមិនទទួលស្គាល់សញ្ញាបត្រដែលមានឈ្មោះខាងលើនេះឡើយ ព្រោះជាសញ្ញាបត្រក្លែងក្លាយ មិនមែនជាសញ្ញាបត្រដែលចេញដោយវិទ្យាស្ថាននោះទេ។វិទ្យាស្ថានបច្ចេកវិទ្យាកម្ពុជា សូមគោរពស្នើសុំដល់អាជ្ញាធរមានសមត្ថកិច្ចពាក់ព័ន្ធ មេត្តាជួយចាត់វិធានការតាមផ្លូវច្បាប់។ការចេញសេចក្តីប្រកាសបដិសេធនេះបានកើតឡើងបន្ទាប់ពីមានអ្នលេងបណ្តាញសង្គមចេញបរិហារករណីយ៍នេះពិសេសរិះគន់គណវិស្វកម្មដែលចេញវិញាបណ្ណបត្រ័ទទួលស្គាល់ជាសមាជិក។

ករណីយ៍ក្លែងបន្លំឯកសាសាធារណៈនេះបើតាមមាត្រា ៦២៩ នៃ​ក្រមព្រហ្មទណ្ឌ​ដដែល បានចែង​អំពី​ទោសទណ្ឌ​នៃ បទ​ក្លែងបន្លំ​ឯកសារ​សាធារណៈ ដូច្នេះ​ថា៖«ការ​ក្លែងបន្លំ​ប្រព្រឹត្ត​នៅក្នុង​លិខិតយថាភូត ឬ​ការ​ក្លែងបន្លំ​ប្រព្រឹត្ត​នៅក្នុង​ឯកសារ ដែល​ចេញ​ឲ្យ​ដោយ​រាជការ​សាធារណៈ ដើម្បី​ធ្វើការ​កត់សម្គាល់​សិទ្ធិ អត្តសញ្ញាណ ឬ​ឋានៈ ដើម្បី​យល់ព្រម​ផ្តល់​ការអនុញ្ញាត ត្រូវ​ផ្តន្ទាទោស​ដាក់ពន្ធនាគារ ពី ៥ ឆ្នាំ ដល់ ១០ ឆ្នាំ»។ករណីយ៍នេះខាងសមត្តកិច្ចធ្លាប់បានធ្វើលើសកម្មជនគណប​ក្សប្រឆាំងច្រើននាក់ហើយដែរ។តែមិនដឹងលោកណន សីហាដែលជាងម៉ៅការសំណង់ដូចគ្នាគាំទ្រថាមិនបាច់មានសញ្ញាបត្រ័អីទេឲ្យតែសង់ផ្ទះមានគុណភាពជូនអតិថិជន។បើចឹងមែនមិនអីទេតែបើតាមច្បាប់គេមិនឲ្យអ្នកមិនមែនសមាជិកគណវិស្វកម្មម៉ៅការសាងសង់ទេព្រោះបើមានបញ្ហាតើបន្ទោសអ្នកណា?។