វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 347 នាក់
ម្សិលមិញ 10264 នាក់
សរុប 14139529 នាក់
មណ្ឌលគិរី៖ប្រជាពលរដ្ឋមួយរូបរស់នៅក្នុងស្រុកអូររាំង ខេត្តមណ្ឌលគីរី កាលពី ថ្ងៃទី១០ ខែកញ្ញា ឆ្នាំ២០២០នៅក្នុងវេទិការសម្ដែងមតិបានបកអាក្រាតភាពមិនប្រក្រតី នៃការធ្វើការមិនសុច្ចរិត និងពុករលួយរបស់លោក សៀក មុន្នី អភិបាលស្រុកអូររាំងនិង បក្សពួកមានភូមិ ឃុំជាដើម។
ប្រជាពលរដ្ឋចិត្តក្លាហាននោះមានឈ្មោះ អែលសុភាពភេទស្រីអាយុប្រមាណជាង២០ប្លាយឆ្នាំ។នាងថាសហគមន៍ជនជាតិដើមភាគតិចព្នង ភូមិពូរ៉ាង នៃឃុំសែនមនោរម្យ ខេត្តមណ្ឌលគិរី បានបង្ហាញការមិនពេញចិត្ត និងអំពើអនុវត្តផ្ទុយច្បាប់របស់អាជ្ញាភូមិ-ឃុំ-ស្រុកអូររាំង។កញ្ញា អែល សុភាព បានបន្តថា មេភូមិពូរ៉ាង មេឃុំសែនមនោរម្យ និងអភិបាលស្រុកអូររាំង ធ្វើការងារមិនសុចរិត ពុករលួយ ស៊ីប្រាក់សំណូកសូកប៉ាន់ តែងតែយល់ព្រមចុះហត្ថលេខា និងត្រាចំពោះដីទិញលក់ក្នុងសហគមន៍ភូមិពូរ៉ាងជាច្រើនកន្លែង ទាំងដីមានម្ចាស់រួចមកហើយ ដីខ្លះជាដីព្រៃ ជាដីចំការស្រល់ ជាដីតំណម ជាដីកបសពចាស់ៗ ដីអារក្សអ្នកតាជាទីសក្ការៈរបស់ប្រជាពលរដ្ឋ បើទោះបីប្រជាជននៅភូមិមួយចំនួនមិនយល់ស្របក៏ដោយ។
កញ្ញាបានឲ្យដឹងទៀតថាលើសពីនេះការវាស់វែងដីគឺមិនមានការចូលរួមពីសហគមន៍ និងការឯកភាពពីសហគមន៍ឡើយ។ សហគមន៍ស្នើសុំឲ្យស្ថាប័នមានសមត្ថកិច្ចស៊ើបអង្កេតបន្ត និងសុំផ្តល់ដីសហមូហភាពដល់ជនជាតិដើមភាគតិចភូមិពូរ៉ាង ឃុំសែនមនោរម្យ ស្រុកអូររាំង ខេត្តមណ្ឌលគិរី ស្របតាមច្បាប់កំណត់ផង។បន្ទាប់មកនៅថ្ងៃទី១១ ខែកញ្ញា ឆ្នាំ២០២០ លោក សៀក មុន្នី អភិបាលស្រុកអូររាំងដែលធ្លាប់មានរឿងអាស្រូវរឿងដីធ្លីពាក់ព័ន្ធការឃុបឃឹតគ្នាលក់ដីរដ្ឋ និងឈូសឆាយដីដើមស្រល់កន្លងមកនោះ បានចេញលិខិតអញ្ជើញ កញ្ញា អែល សុភាពយុវជនដែលហ៊ានរិះគន់គាត់ ឲ្យចូលខ្លួនបំភ្លឺក្រោយបានសំដែងមតិនៅក្នុងវេទិកាសាធារណៈកាលពី ថ្ងៃទី១០ ខែកញ្ញា ឆ្នាំ២០២០។
គេមិនទាន់ដឹងទេថាតើលោក សៀក មុន្នី អភិបាលស្រុកអូររាំងហៅយុវនារីក្លាហានហ៊ានរិះគន់គាត់មកដោះស្រាយបញ្ហាឬមកគម្រាមឲ្យបញ្ឈប់ការរិះគន់ឬយ៉ាងណានោះទេ??។ប្រសិនបើហៅមកគម្រាមមិនដោះស្រាយបញ្ហាដែលកើតមានថ្ងៃក្រោយការធ្វើវេទិការសាធារនណៈគ្មានអ្នកណាហ៊ាននិយាយអីទឿតទេ!។