វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3581 នាក់
ម្សិលមិញ 6359 នាក់
សរុប 14090214 នាក់
ភ្នំពេញ ៖ នៅសុខៗតារាកំប្លែងសាច់សខ្ចីវ័យក្មេងកញ្ញា វ៉ាន់ នីឡា ទម្លាយនូវរូបថតចំនួន៣សន្លឹកធ្វើឲ្យមហាជនអ្នកគាំទ្រកាន់តែមានការភ្ញាក់ផ្អើលខ្លាំងដោយសង្ស័យថានាងហាក់កំពុងមានផ្ទៃពោះមុនពេលរៀបការជាមួយគូដណ្តឹងដែលជាកូនប្រុសអតីតឯកអគ្គរាជទូតខ្មែរនៅប្រទេសកូរ៉េ។
រូបថតចំនួន៣សន្លឹករបស់តារាកំប្លែងដែលជាកូនស្រីសំណព្វចិត្តផលិតករកម្មវិធីកម្សាន្តលោក សុវណ្ណ រិទ្ធី ហៅលោកតា វ៉ិច ទ័រគឺកញ្ញា វ៉ាន់ នីឡា ដែលត្រូវបានបង្ហោះចែករំលែកនៅលើបណ្តាញសង្គមហ្វេសប៊ុកនាពេលនេះ គឺឃើញថា នីឡា បានស្លៀកនូវឈុតសម្លៀកបំពាក់រ៉ូបផ្កាពណ៌ខ្លាញ់ក្តាមឈរថតយ៉ាងស្រស់ស្រាយ។
ប៉ុន្តែអ្វីដែលធ្វើឲ្យអ្នកគាំទ្រចាប់អារម្មណ៍នោះ គឺផ្នែកនៃរង្វង់ពោះរបស់នាងមើលទៅហាក់មានទម្រង់ធំខុសប្លែកពីធំធម្មតា ទើបមានការសង្ស័យថានាងមានផ្ទៃពោះ។តារាកំប្លែងកញ្ញា វ៉ាន់ នីឡា ក៏បានសរសេរភ្ជាប់នូវខ្លឹមសារដោយខ្លីមួយឃ្លាមានអត្ថន័យបែបនេះថា កុំមាត់!។
តាមរយៈរូបភាពនេះដែរក៏មានការលើកឡើងជាសំណួរថា តើ idol ពោះធំមែន? ខណៈទៀតបាននិយាយថា ប្រហែលមកពី វ៉ាន់ នីឡា ញ៉ាំច្រើនពេកទើបបែបនេះ។នៅរសៀលថ្ងៃទី១៤ ខែកញ្ញា ឆ្នាំ២០២០អ្នកសារពត៍មានបានព្យាយាមភ្ជាប់ទំនាក់ទំនង ដើម្បីស្វែងរកការបកស្រាយពីសំណាក់តារាកំប្លែងរូបស្រស់កញ្ញា វ៉ាន់ នីឡាតាមប្រព័ន្ធទូរស័ព្ទដែរតែមិនអាចទាក់ទងបានឡើយ។