វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5809 នាក់
ម្សិលមិញ 6001 នាក់
សរុប 13878639 នាក់
ភ្នំពេញ៖ទារិការទើបនឹងកើត ដែលគេបោះបង់ចោលលើគំនរសំរាម ជិតផ្សារក្រមួន(ចាក់អង្រែក្រោម) ត្រូវបានអ្នកភូមិប្រទះឃើញរើសសុំយកទៅបីបាច់ថែរក្សា.....។
ទារិកាទើបនឹងកើតថ្មីៗ ត្រូវបានប្ដីប្រពន្ធអ្នកលក់ឆាក្ដៅ និងកម្មករប្រមូលសំរាម ប្រទះឃើញនៅលើគំនរសំរាមជាប់បង្គោលភ្លើងមួយកន្លែង ដោយមិនដឹងថា ម្តាយឬឪពុក រូបណាចិត្តអប្រិយ បោះបង់ចោលកូនរបស់ខ្លួន ដូចសត្វធាតុដូច្នេះ។ តែពិតជាសំណាងល្អ ដែលទារកនៅមានជីវិតនៅឡើយ ហើយត្រូវបានកម្មករប្រមូលសំរាម និងអ្នកលក់ឆាក្ដៅ២នាក់ប្ដីប្រពន្ធ ឮសូរសម្លេងយំ កាលពីយប់ថ្ងៃទី២ ខែកក្កដា ឆ្នាំ២០២០នេះ នៅមុខរោងចក្រកាត់ដេរ ជិតផ្សារក្រមួន ផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ ក៏ដើររកមើលទើបឃើញ ក៏រើសយកទៅរក្សាបីបាច់ថែទាំសុខភាព ។
លោកចៅសង្កាត់ចាក់អង្រែបានបញ្ជាក់ថាបន្ទាប់ពីរកឃើញទារិកាដ៏អភ័ព្វនេះ នៅគំនរសំរាមក៏មានប្រជាពលរដ្ឋជិតខាងបានយកទារិកាទៅឲ្យគ្រូពេទ្យឆ្មប នៅមន្ទីរពេទ្យបង្អែកខណ្ឌមានជ័យ ដើម្បីពិនិត្យសុខភាពឃើញថា ទារិកាដ៏អភ័ព្វមានសុខភាពល្អប្រសើរ ។ពេលព្រឹកឡើងថ្ងៃទី៣ ខែសីហា ក៏មានស្ត្រីម្នាក់(សុំមិនបញ្ចេញឈ្មោះ)សុំយកទារិកាខាងលើយកទៅចិញ្ចឹម ដោយបានសុំការឯកភាពដឹងឮពីអាជ្ញាធរត្រឹមត្រូវ ព្រោះខ្លាចខុសនិងច្បាប់។
លោក ចៅសង្កាត់ចាក់អង្រែក្រោម មានការអាណិតអាសូរដល់ទារិកាដ៏អភ័ព្វនេះ ហេតុអ្វីក៏ឪពុកម្តាយគេចិត្តដាច់ហ៊ានយកមកបោះចោលនៅគំនរសំរាមបែបនេះ ហើយជាសំណាង ដែលពុំមានយានជំនិះទៅកិនពីលើច្បាស់ជាផុតជីវិតទៅបាត់។សូម្បីតែសត្វក៏ចេះស្រលាញ់កូនដែរចុះម៉េចក៏មានឪពុកម្តាយចិត្តតិរិច្ឆានចឹង?។