វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 954 នាក់
ម្សិលមិញ 3717 នាក់
សរុប 14149287 នាក់
ភ្នំពេញ ៖ តារាកំប្លែងល្បីអ្នកនាងស្រេងសុកាន់ដា ហៅខ្ញុង ទើបសម្រាលកូនរបស់ តារាកំប្លែងរួមក្រុម លោកអ៊ុំ ក្សត្រា ហៅនាយកៃដ នោះ បានប្រាប់ប្តីនាងថា កុំមាត់ ប្រយ័ត្នកូនបង-កូនអូន ព្រួតវ៉ៃកូនយើង?!។ការប្រើសម្តីលេងសើចនេះគឺដោយសារតែមុនពេលរៀបការរួមរស់ជាមួយគ្នាជាប្តីប្រពន្ធពួកគេទាំងពីរ មានកូនមួយដូចគ្នា ។
អ្នកនាងស្រេង សុកាន់ដា បានបង្ហោះរូបភាពនាងជាមួយប្តី និងរូបកូនជាមួយប្តីប្រពន្ធ មុនម្នាក់មួយ ជាមួយសំណេរថា “កុំមាត់ប្តី! ប្រយ័ត្នកូនបង និងកូនអូន វាព្រួតគ្នាវ៉ៃកូនយើង”។ដោយឡែក នៅថ្ងៃទី០៥ ខែកក្កដា ឆ្នាំ ២០២០ អ្នកនាងសុកាន់ដា ហៅខ្ញុង បានបង្ហោះរូបភាពនាងនិងកូនង៉ែតឈ្មោះថា “ត្រារិសីមង្គល” ជាមួយសំណេរថា “ពេលមិនទាន់មានកូន និយាយពីថាស្រឡាញ់ប្តីស្ទើរលេប ដល់ពេលបោកប្តីបានកូនមួយ ឃើញមុខប្តី ចង់ក្អួត! អ៊ុំ ក្សត្រា អស់ន័យហើយឯង ខ្ញុំលែងស្រឡាញ់ឯងហើយ”។
ទោះជាយ៉ាងណា សំណេររបស់តារាកំប្លែងរូបនេះ ទស្សនិកជនមិនមានមន្ទិលសង្ស័យអ្វីនោះទេ ព្រោះគេដឹងពីសារជាតិរបស់តារាកំប្លែងរូបនេះទៅហើយ ។គួរបញ្ជាក់ថា អ្នកនាងស្រេង សុកាន់ដា ហៅខ្ញុង បានសម្រាលកូនមុនកំណត់ (៨ខែ) នៅមន្ទីរពហុព្យាបាល និងសម្ភព អរៀនដា កាលពីថ្ងៃទី២៩ ខែមិថុនា ឆ្នាំ២០២០។កូនប្រុសរបស់នាងដែលទើបសម្រាលនេះ ពេលកើតមក មានទម្ងន់ត្រឹមតែ២គីឡូប៉ុណ្ណោះ តែមានសុខភាពល្អ ទាំងម្តាយ និងកូន។ ។