វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3387 នាក់
ម្សិលមិញ 10264 នាក់
សរុប 14142569 នាក់
ភ្នំពេញ៖មន្ដ្រីនគរបាលមួយក្រុម នៅសង្កាត់ក្បាលកោះ ខណ្ឌច្បារអំពៅដែលធ្វើសកម្មភាពចាប់យុវជនម្នាក់ជាមុខសញ្ញាចែកចាយ និងប្រើប្រាស់គ្រឿងញៀន ដោយប្រើស្តង់ដារអាមេរិកហើយត្រូវបានគេថតបានចែកចាយ នៅលើបណ្ដាញសង្គម Facebook បង្កឲ្យមានការរិះគន់ ចំពោះប្រតិបត្តិការសមត្ថកិច្ចនោះត្រូវបាន ស្នងការនគរបាលរាជធានីភ្នំពេញ លោកឧត្តមសេនីយ៍ផ្កាយបី ស ថេត បានចេញលិខិតព្រមាន និងពិន័យទៅលើក្រុមមន្ដ្រីនគរបាលទាំងនោះ ដែលបានធ្វើលើសលួសនៅក្នុងរង្វង់ប្រតិបត្តិការហើយ!។
សូមបញ្ជាក់ថាកាលពីថ្ងៃទី៣០ ខែមិថុនា នៅមូលដ្ឋានសង្កាត់ក្បាលកោះ មានមន្ដ្រីនគរបាល៣ ទៅ៤នាក់ បានបើកម៉ូតូចុះចាប់មុខសញ្ញាដែលពាក់ព័ន្ធគ្រឿងញៀនម្នាក់ ដោយចាប់វាយខ្នោះទៅក្រោយ លើកដាក់ម៉ូតូ ព្រមទាំងប្រើប្រាស់ហិង្សាយកជង្គង់ទៅសង្កត់កដូចប៉ូលិសអាមេរិក និងប្រើជើងទាត់ ត្រូវបានប្រជាពលរដ្ឋដែលនៅក្បែរកន្លែងប្រតិបត្តិការ ថតវីដេអូយកទៅបង្ហោះធ្វើឲ្យមានមតិរិះគន់ជាច្រើនថាត្រឹមតែគ្រឿងញៀនមួយកញ្ចប់តូចប្រើហឹង្សាបង្ក្រាបដូចពួកឧក្រឹដ្ឋជន?។
ករណីយ៍នេះលោកឧត្តមសេនីយ៍ ស ថេត ស្នងការនគរបាលរាជធានីភ្នំពេញ បានប្រាប់បណ្ដាញព័ត៌មាននៅព្រឹកថ្ងៃទី០១ ខែកក្កដា ឆ្នាំ២០២០នេះថា លោកបានព្រមានជាលាយលក្ខណ៍អក្សរ និងពិន័យតាមកងកម្លាំងនគរបាលជាតិ ទៅលើក្រុមមន្ដ្រីនគរបាលទាំងនេះ ដែលបានប្រើប្រាស់សិទ្ធិហូសព្រំដែន ទៅលើការចាប់មុខសញ្ញា។
លោកឧត្តមសេនីយ៍ថា «នេះជាបទពិសោធន៍សម្រាប់មន្ដ្រីនគរបាលរបស់យើង ទាំងនៅតាមមូលដ្ឋាន និងនៅតាមការិយាល័យ អង្គភាពនានា ត្រូវគោរព និងអនុវត្តតាមបទបញ្ជា និងវិន័យរបស់កងកម្លាំងដែលនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ តែងតែធ្វើការណែនាំ។ ករណីនេះ ខ្ញុំនឹងបន្ដធ្វើការអប់រំដល់កងកម្លាំងទាំងអស់ មិនឲ្យមានរូបភាពបែបនេះកើតឡើងទៀតនោះទេ»។
ជនសង្ស័យដែលនគរបាលចាប់ឈ្មោះ វ៉េ ឡុងរាជ ហៅ ខ្នាក់ ជិះម៉ូតូម៉ាក Suzuki Smash-V ពណ៌ខ្មៅ ផ្លាកលេខ ភ្នំពេញ 1GZ-8617 បានឈប់ម៉ូតូទទួលយកគ្រឿងញៀន ពីជនសង្ស័យម្នាក់ទៀតមិនស្គាល់ឈ្មោះ រួចជនសង្ស័យម្នាក់គេចចូលដីឡូត៍ក្បែរនោះបាត់ទៅ ។ឯជនសង្ស័យឈ្មោះ វ៉េ ឡុងរាជ បានជិះម៉ូតូចេញដើម្បីគេចខ្លួនពីសមត្ថកិច្ច។
នគរបាលថា អំឡុងពេលប្រតិបត្តិការឃាត់ខ្លួន សមត្ថកិច្ចពិនិត្យឃើញជនសង្ស័យស្ថិតក្នុងស្ថានភាពញៀនគ្រឿងញៀនខ្លាំង និងស្រវឹងស្រាជោគជាំ និងមានចេតនាប្រើដំបងប្រព្រឹត្តអំពើហិង្សាលើ មន្ត្រីអនុវត្តច្បាប់ ទើបសមត្ថកិច្ចឈានដល់ការប្រើសិទ្ធិការពារខ្លួនឈានការចាប់ខ្លួនជនសង្ស័យ វាយខ្នោះ រួមទាំងវត្ថុតាង? ។