វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3169 នាក់
ម្សិលមិញ 4292 នាក់
សរុប 14112868 នាក់
ភ្នំពេញ ៖តារាចម្រៀងជើងចាស់ល្បីឈ្មោះ អ្នកនាង ម៉េង កែវពេជ្ជតា ហាក់ដូចជាមិនមានការថមថយកំលាំងខ្លួននោះឡើយ ទោះបីជាមានជំទាវល្បីឈ្មោះ២រូបដាក់ពាក្យបណ្តឹងដល់តុលាការ និងលេចលឺថា សូម្បីតែអ្នកនាង ចន ច័ន្ទលក្ខិណា ក៏ត្រៀមដាក់ពាក្យប្តឹងដូចគ្នាក៏ដោយ។
ជាកស្តែង ថ្មីៗនេះដែរ នៅក្នុងគ្រួសាររបស់តារាសម្តែង ចន ច័ន្ទលក្ខិណា ជួបទុក្ខធំដោយសារតែក្មួយប្រុសរបស់នាង បានទទួលមរណៈភាពអ្នកនាង ម៉េង កែវពេជ្ជតា មានផ្លែផ្កាអោយ ដោយប្រើប្រាស់ពាក្យសំដីនៅលើ Comment ថា “មែនហើយ ដូចអ្នកខ្លះ ចង់ប្តឹងខ្ញុំស្រាប់តែជួបរឿងអកុសល ងាប់ក្មួយមួយដោយសារគ្រឿងញាណ” និងពាក្យមួយឃ្លាទៀតថា “បច្ចុប្បន្ននេះកម្មសងលឿនណាស់មិនចាំជាតិក្រោយ ដូចអ្នកខ្លះគ្រាន់តែប្តឹងបងក៏មានបញ្ហាគ្រួសារភ្លាម។ មិនមែនផ្ចាញ់ផ្ចាល់ទេ តែចង់ប្រាប់ការពិត”។
បន្ទាប់ពីរងពាក្យបណ្តឹងរបស់លោកស្រី ហ៊ុន ស៊ីណាត ពីបទបរិហារកេរ្តិ៍ជាសាធារណៈនិងញុះញង់ឲ្យមានការរើសអើងនោះតារាចម្រៀងអ្នកនាង ម៉េង កែវពេជ្ជតា ក៏បានថ្លែងសារយ៉ាងវែងអន្លាយមួយឆ្លើយតបទៅកាន់លោកស្រី ហ៊ុន ស៊ីណាត ជុំដែរន។លើបណ្តាញសង្គមហ្វេសប៊ុកអ្នកនាង ម៉េង កែវពេជ្ជតា បានសរសេររៀបរាប់ថា ក្មួយពិតជាមានកិត្តិយសណាស់ ដែលមីងធ្វើបែបនេះ អរគុណមីង។ ការពិត តាំងពីដំបូងខ្ញុំមិនដែលបានយកឈ្មោះគាត់មកនិយាយសូម្បីបន្តិចទោះបីដឹងថា គាត់ធ្លាប់គិតខុសមកលើខ្ញុំក៏ដោយ ព្រោះខ្ញុំនៅផ្តល់កិត្តិយសឲ្យគាត់ និងពិសេសមិនចង់ឲ្យឈ្មោះគាត់នេះទៅប៉ះពាល់ដល់ចាស់ទុំសាច់ញាតិល្អៗផ្សេងទៀតដែលលោកមិនពាក់ព័ន្ធ។
អ្នកនាង ម៉េង កែវជ្ជតា បានបន្តទៀតថា ប៉ុន្តែបែរជាគាត់លោតកញ្ឆេងបែបនេះទៅវិញ។ តើគាត់សំអាងអ្វីមកប្តឹងផ្តល់ ?ត្រឹមហេតុផលប៉ុណ្ណេះឬ? តើសមនឹងប្តឹងដែរទេ? សូមមើលសំណៅដើមរបស់ខ្ញុំ ដែលភ្ជាប់មកជាមួយខាងក្រោមនេះ។សូមបញ្ជាក់ថា ខ្ញុំចាប់បានភស្តុតាងដែលយាយ ហង្ស បូរី និងនាងប្រធានសមាគមសិល្បៈមានទំនាក់ទំនងល្អជាមួយនឹងអារាជបុត្រអាសូរ្យកាយ និងបានខ្ចីដៃអាសូរ្យកាយនេះមកជេរបញ្ចោរខ្ញុំយ៉ាងកប់ៗមាត់ជំនួសពួកគេវិញ ហើយគេចាំសើច និងចូលទៅគាំទ្រយ៉ាងពេញចិត្ត។
តារាចម្រៀងអ្នកនាង ម៉េង កែវពេជ្ជតា បាននិយាយទៀតថា ឈ្មោះរាជបុត្រអាសូរ្យកាយម្នាក់នេះធ្លាប់បានជេរប្រមាថថ្នាក់ដឹកនាំកំពូលរាជរដ្ឋាភិបាលកម្ពុជានិងថ្នាក់ដឹកនាំល្អៗដទៃទៀតជាច្រើនយ៉ាងអសុរសដាច់សាច់ គ្មានកន្លែងណាអាចទទួលយកបាន តែបែរជាយាយ ហង្ស បូរី និងនាងប្រធានសមាគមសិល្បៈរូបនេះមានភាពស្និទ្ធស្នាលនឹងគ្នាចាក់ទឹកមិនលិចទៅវិញតើមិនឲ្យខ្ញុំឆ្ងល់ទេឬ ? សូមបងប្អូនពិចារណា តើត្រង់ណាដែលខ្ញុំចោទអ្នកមីង ស៊ីណាត ?
តើខ្ញុំចោទគាត់ឬខ្ញុំសួរ ?តើខ្ញុំចោទគាត់ ឬគាត់រើសដាក់ខ្លួនខ្លួនឯង ? តើគាត់ធ្វើនេះព្រោះចង់ប្រាប់ថា គាត់អាចធ្វើបាបនរណាក៏បាន? គាត់កំពុងធ្វើឲ្យសង្គមដែលមានភាពស្ងប់សុខ ក្លាយទៅជាចលាចលដោយសារគាត់មែនទេ ?។
មិនអីទេខ្ញុំនឹងទៅបំភ្លឺ ខ្ញុំមិនខ្លាចទេ ព្រោះការពិតនៅនឹងខ្ញុំប៉ុន្តែខ្ញុំសូមប្រកាសថា ពេជ្ជតា នឹងការពារកិត្តិយសខ្លួនឲ្យបានទោះទៅដល់ណា ហើយគ្មានហេតុផលអ្វីដែល ពេជ្ជតា ត្រូវទទួលទោសដ៏អយុត្តិធម៌បែបនេះជាដាច់ខាត !។នេះសម្តីរបស់អ្នកនាង ម៉េង កែវពេជ្ជតា ថ្លែង។
បន្ថែមពីនេះអ្នកនាង ម៉េង កែវពេជ្ជតា បានលើកឡើងថា សូមអរគុណសម្រាប់ក្តីស្រលាញ់និងបារម្ភអំពីបងប្អូនទស្សនិកជន សូមបងប្អូនរក្សាចិត្តសិន ខ្ញុំជឿជាក់ថា អំណាចមិនមែនជាកត្តាជោគជ័យក្នុងប្រទេសដែលប្រើច្បាប់នេះទេ ខ្ញុំជឿថាយុត្តិធម៌ត្រូវតែមានសម្រាប់ខ្ញុំ ។
ទាក់ទងនិងរឿងរ៉ាវត្រូវគេប្តឹងតារាចម្រៀងជើងចាស់ល្បីឈ្មោះ ម៉េង កែវពេជ្ជតា បានបង្ហោះសាររៀបរាប់រឿងដែល ធ្វើអោយនាងធ្លាក់ខ្លួនក្ររហេមរហាម អស់រយៈពេល 2-3ឆ្នាំជាមួយកូន។ “ពីដំបូងឡើយខ្ញុំឡាយនិយាយតែរឿងរបស់ខ្ញុំទេ ស្រាប់តែប្រពន្ធក្រោយ មួង ឃីម ចូលមករករឿងខ្ញុំដោយនិយាយពាក្យចោទប្រកាន់ និងដេញអោយខ្ញុំស្បថ ដូចជាថាក្រោយការលែងលះ មួង ឃីម បានអោយលុយមកខ្ញុំ ៣០ ម៉ឺនដល្លារ តែត្រូវខ្ញុំយកចាយអស់ជាមួយប្រុសក្មេង ហើយនាងនោះបានចោទសួរបន្ថែមក្នុងខមិនថា លុយ ១០ម៉ឺនដុល្លានោះអស់ឬនៅ ? ដែលសំនួរនេះធ្វើអោយមានការចលាចល និងកើតក្តីភ័ណ្ឌច្រលំមួយសារទៀតពីមហាជន ជាហេតុចាំបាច់ដែលខ្ញុំត្រូវតែបកស្រាយភ្លាមៗក្នងពេលនោះ ។ នាងបញ្ជាក់ថា : បើខ្ញុំបានលុយ៣០ម៉ឺនពីការលែងលះមែន ចាំបាច់អីខ្ញុំត្រូវក្រនៅផ្ទះជួលយ៉ាងលំបាករហេមរហាមអស់ពីរបីឆ្នាំ ?។
ក្រៅពីការកេងប្រវ័ញ្ចទ្រព្យ ទឹកចិត្តហើយ ខ្ញុំនៅត្រួវពួកគេលាបពណ៌អស់១០ឆ្នាំតាមរយៈសម្លេងឈ្លោះគ្នាដែលគេរៀបចំអោយតែឮសម្លេងខ្ញុំជាងគេ និងចោទថាខ្ញុំជេប្តី ជេម្តាយក្មេក ចោទខ្ញុំថាត្រូវប្តីលែងដោយសារខ្ញុំមានប្រុស ។ ល។ ដែលផ្ទុយទៅវិញខ្ញុំជាអ្នកលែងគេមុនក៏ព្រោះតែប្តីមានស្រីខាងក្រៅផង យកស្រីបម្រើក្នុងផ្ទះផង លេងល្បែងជំពាក់គេផង និងប្រើអំពើហឹង្សាមកលើខ្ញុំដែលធ្វើអោយខ្ញុំមិនអាចទ្រាំបានទើបលែងគាត់ ។
ស្រាប់តែនាងប្រធានសមាគមសិល្បៈចនចាន់លក្ខិណាមិនដឹងកើតទុក្ខមិនសុខចិត្តរឿងអីក៏ចេញមករើសដាក់ខ្លួនបង្ហោះសារត្អូញត្អែរហើយនាំអោយបក្សពួកជេរបញ្ចោរខ្ញុំព្រោងព្រាត។ បន្ទាប់មកនាងនេះក៏បានទៅលូនក្រាបលោកជំទាវពុំអោយមកសំពងខ្ញុំ និងដោយទាំងមីង ហង្សបូរី ព្រមទាំងបក្សពួកគាត់ផងដែរចូលមកជួយជេរជួយថែមល្បោយយ៉ាងឆ្ងាញ់មាត់
សូមបញ្ជាក់ថា ស្របពេលជាមួយគ្នានេះដែរ អ្នកនាង ម៉េង កែវពេជ្ជតា បានរងនូវពាក្យបណ្តឹងចំនួន៣ករណីផ្សេងគ្នាដោយករណីទី១ពីសំណាក់ស្ត្រីម្នាក់ដែលជាភរិយាក្រោយរបស់អតីតស្វាមីនិងករណីទី២គឺបណ្តឹងរបស់លោកស្រី ហ៊ុន ស៊ីណាតនិងឪថាមានបណ្តឹងអ្នកស្រីហង្សបូរីផងដែរ?។នេះមិនទាន់គិតដល់អ្នកនាងចនចន្ទ័លក្ខិណាប្តឹងនោះទេ!?។