វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 122 នាក់
ម្សិលមិញ 6001 នាក់
សរុប 13872952 នាក់
ភ្នំពេញ ៖លោកប៉ាទ្រឹកមឺហ្វី( W. Patrick Murphy) ឯកអគ្គរដ្ឋទូតសហរដ្ឋអាមេរិក ប្រចាំនៅព្រះរាជាណាចក្រកម្ពុជា នៅរសៀលថ្ងៃទី១៩ ខែឧសភា ឆ្នាំ២០២០នេះបានទៅជួប៖លោក កឹម សុខា នៅគេហដ្ឋានរបស់លោកដែលគេសម្គាល់ថាជាការផ្តល់កម្លាំងចិត្តអ្នកទោសរូបនេះ។
នៅលើបណ្តាញទំនាក់ទំនងសង្គមFacebook លោកកឹម សុខា បាននិយាយថា នៅក្នុងជំនួបនេះ លោកនិងលោកទូតអាមេរិក មិនត្រឹមតែសួរសុខទុក្ខគ្នា និងក្រុមគ្រួសារផ្ទាល់ទេលើសពីនេះទៅទៀត បានពិភាក្សាអំពីបញ្ហាសុខភាព និងជីវភាពរស់នៅរបស់ ប្រជាពលរដ្ឋខ្មែរ ក្នុងពេលដែលជំងឺកូវីដ-១៩ កំពុងរាលដាលក្នុងពិភពលោក និងពីផលវិបាកលើវិស័យសេដ្ឋកិច្ច និងសង្គមនៅពេលអនាគត ដែលចាំបាច់តម្រូវឲ្យមានការរួបរួមគ្នាដោះស្រាយបញ្ហាប្រឈមទាំងនោះ។
មានការកត់សម្គាល់ថាតាំងពីលោកកឹមសុខាបានជួបជជែកគ្នាជាមួយសម្តេចតេជោហ៊ុនសែនពេលចូលទៅគោរពវិញាណខន្ធ័ម្តាយក្មេងកាលពីថ្ងៃទី៥ឧសភាមកគេសង្កេតឃើញថាបណ្តាឯងអគ្គរដ្ឋទូតនានាមានអាល្លឺម៉ង់សហគមន៍អឺរ៉ុបបារាំងជាដើមបានចូលជួបលោកកឹមសុខានិងបានប្រកាសស្វាគមន៍ជំនួបនោះ។លោក មុត ចន្ថា នាយខុទ្ទកាល័យលោកកឹម សុខា បានលើកឡើងក្នុងហ្វេសប៊ុកថា នៅថ្ងៃអង្គារ៍ទី១៩ ខែឧសភា ឆ្នាំ២០២០, នៅសប្តាហ៍នេះ ឯកឧត្តម កឹម សុខា និងសហការី បន្តទទួលជួបជាមួយនឹងឯកអគ្គរាជទូត ឯកអគ្គរដ្ឋទូតវិសាមញ្ញ និងពេញសមត្ថភាព ប្រចាំព្រះរាជាណាចក្រកម្ពុជា នៃបណ្តាប្រទេសប្រជាធិបតេយ្យមកពីទ្វីបផ្សេងៗ (អាស៊ី អឺរ៉ុប អាមេរិក) មួយចំនួនទៀត។
ដោយឡែក ក្នុងជំនួបនៅម៉ោង១១ព្រឹកថ្ងៃនេះ លោក Bjorn Haggmark ឯកអគ្គរាជទូតវិសាមញ្ញ និងពេញសមត្ថភាព នៃរាជាណាចក្រស៊ុយអែត ប្រចាំព្រះរាជាណាចក្រកម្ពុជា “បានសម្តែងនូវការសាទរ ចំពោះជំនួបរវាងសម្តេចតេជោ ហ៊ុន សែន និង ឯកឧត្តម កឹម សុខា នៅថ្ងៃទី៥ ខែឧសភា ជាជំហានវិជ្ជមានមួយ ដែលគួរបន្តមកទៀត ដោយវិធានការនានា ដើម្បីពង្រឹងការសន្ទនា និងការផ្សះផ្សា ព្រមទាំងលំហប្រជាធិបតេយ្យ”៕