វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1482 នាក់
ម្សិលមិញ 5304 នាក់
សរុប 14141008 នាក់
ភ្នំពេញ ៖ បុរសម្នាក់ រងរបួសដាច់ស្លឹកត្រចៀកម្ខាងប៉ាត់ ធ្លាក់ដល់ដី ដោយសារបុរម្នាក់ផ្សេងទៀតស្វឹងទាស់គ្នាខាំកាលពីកាលពីវេលាម៉ោង២១នឹង៣០នាទីយប់ ថ្ងៃទី២៣ ខែមេសា ឆ្នាំ២០២០ នៅចំណុចបន្ទប់ជួលផ្លូវលំ ភូមិច្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ។
សមត្ថកិច្ចបានឱ្យដឹងថា ជនរងគ្រោះមានឈ្មោះ ផន គារ ភេទប្រុស អាយុ៣៣ឆ្នាំ មុខរបរ កម្មកសំណង់ ស្នាក់នៅបន្ទប់ជួលកន្លែងកើតហេតុ។ ចំណែកជនបង្កមិនស្គាល់អត្តសញ្ញាណទេ គ្រាន់តែដឹងថា ជាកម្មកសំណង់ដូចគ្នាគេចខ្លួនបាត់។ មុនពេលកើតហេតុ ជនរងគ្រោះបាននាំគ្នាអង្គុយផឹកស្រាថ្នាំជាមួយមិត្តភក្កិ ក្រោយមកមានមិត្តភក្កិម្នាក់ទៀត បានហៅជនបង្កមកផឹកស៊ីជាមួយ រហូតអស់ស្រាថ្នាំចំនួន៥លីត្រ ហើយក៍មានការជជែកគ្នាតឹងសរសៃក បានក្លាយជាអំពើហិង្សាកើតឡើងតែម្តង ដោយភាគីទាំងពីរបានប្រតាយប្រតប់គ្នាទៅវិញទៅមក ស្រាប់ជនបង្កបានចាប់ជនរងគ្រោះខាំស្លឹកត្រចៀកដាច់ម្ខាង ហើយរត់គេចខ្លួនបាត់។
លោក ដួង វណ្ណះ នាយប៉ុស្តិ៍នគរបាលគោកឃ្លាង បានឱ្យដឹងថា ក្រោយពីមានហេតុការណ៍នេះ លោកបានចាត់ឱ្យកម្លាំងចុះទៅដល់កន្លែងកើតហេតុភ្លាមៗ ប៉ុន្តែជនបង្កបានរត់គេចខ្លួនបាត់ទៅហើយ ចំណែកជនរងគ្រោះត្រូវក្រុមគ្រួសារនាំទៅព្យាបាលនៅមន្ទីពេទ្យ នឹងបានទទួលពាក្យបណ្តឹងរួចរាល់ហើយ កំពង់ស្រាវជ្រាវតាមចាប់ជនបង្កផងដែ៕