វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4402 នាក់
ម្សិលមិញ 6359 នាក់
សរុប 14091035 នាក់
កំពង់ស្ពឺ៖ម្ចាស់រថយន្តម៉ាក Highlander ដែលឆេះរលាកសព្វខ្លួន ព្រោះតែជនជាតិចិនជក់បារីពេលកំពុងចាក់ហ្គាស់ បានបាត់បង់ជីវិតក្នុងមន្ទីរពេទ្យហើយ ។ពិតមាននៃការចូលមរណៈភាំពនេះបង្កឲ្យមានកំហឹងពីអ្នកលេងបណ្តាញសង្គមហ្វេសប៊ុកថ្កោលទោសសមត្តកិច្ចថាបានអូសបន្លាយពេលសួរចម្លើយមិនឲ្យជនរងគ្រោះទៅពេទ្យភ្លាមគឺជាដើមចមនៃការស្លាប់។
ហេតុការណ៍ឆេះរថយន្ត បង្កឲ្យម្ចាស់រងរលាកធ្ងន់ធ្ងរនេះ បានកើតឡើងកាលពីវេលាម៉ោង០៨ និង៣០នាទីព្រឹកថ្ងៃទី៩ ខែកក្កដា នៅតាមផ្លូវលេខ៤១ ចន្លោះគីឡូម៉ែត្រលេខ១៧និងលេខ១៨ ក្នុងភូមិចំបក់ក្អែ ឃុំទឹកល្អក់ ស្រុកគងពិសី។ ម្ចាស់រថយន្តឈ្មោះ ម៉ៅ សុខហៀង អាយុ៣៧ឆ្នាំ រស់នៅក្នុងរាជធានីភ្នំពេញ ជាអ្នករត់តាក់ស៊ី ។ ប្រភពពីសមត្តកិច្ចសមត្ថកិច្ចឲ្យដឹងថា មុនពេលកើតហេតុមានជនជាតិចិនជួលរថយន្តគាត់ជិះមកពីបូកគោខេត្តកំពត ឆ្ពោះទៅរាជធានីភ្នំពេញ ។
ពេលមកដល់ចំណុចខាងលើ ដោយសាររថយន្តអស់ហ្កាស គាត់ក៏ចូលទៅចាក់ហ្កាសបន្ថែម លុះចាក់រួចហើយ គាត់ក៏ចូលអង្គុយក្នុងរថយន្តដាក់ខ្សែក្រវាត់ ហើយយកលុយឱ្យថ្លៃហ្កាស ។ ពេលនោះជនជាតិចិនម្នាក់បានកេះដែកកេះអុជបារីក៏បណ្តាលឱ្យភ្លើងឆាបឆេះយ៉ាងសន្ធោសន្ធៅតែម្តង និងបានម្ចាស់ស្ថានីយជួយបាញ់ទឹក និងទាញចេញពីក្នុងរថយន្តទាន់។ កម្លាំងអន្តរាគមន៍បានសម្រេចប្រើប្រាស់រថយន្តពន្លត់អគ្គីភ័យមួយគ្រឿង ទៅពន្លត់ភ្លាមៗ ដោយមិនឆេះរាលដាលដល់ស្ថានីយឡើយ។ ប៉ុន្តែគួរឲ្យស្ដាយ ម្ចាស់រថយន្តបានរងរបួសធ្ងន់។
បុរសជាម្ចាស់រថយន្ត ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តកំពង់ស្ពឺដែរ ចំណែកគ្រោងរថយន្តត្រូវបានយកទៅរក្សាទុកនៅអធិការដ្ឋាននគរបាលស្រុក រង់ចាំបន្តនីតិវិធី ។ អ្វីដែលគួរឲ្យសង្វេគបំផុត គឺនៅថ្ងៃនេះ ម្ចាស់រថយន្តបានស្លាប់បាត់ទៅហើយ ដោយសារមិនអាចទ្រាំទ្រនឹងភាពឈឺចាប់បានបន្សល់កូនពីរនាក់កំព្រា។គេនៅមិនទាន់ដឹងថា តើជនជាតិចិននោះត្រូវទទួលខុសត្រូវលើការឆេះរថយន្ត និងការខាតបង់កម្រិតណានោះទេ។