វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1547 នាក់
ម្សិលមិញ 6841 នាក់
សរុប 13123420 នាក់
ភ្នំពេញ៖ កម្ពុជាកំពុងប្រឈមជំងឺដែលបង្កឡើងដោយវីរុស Covid-19 ហើយរាជរដ្ឋាភិបាលសម្តេចតេជោហ៊ុនសែនបានអំពាវនាវសុំការជួយឧបត្ថម្ភនិងរួមគ្នាប្រឆាំង។
ក្រៅពីសប្បរសជនជាឧកញ៉ានិងមន្ត្រីរាជការរាជរដ្ឋាភិបាល គេក៏បានឃើញមានសកម្មភាពល្អៗរបស់សិល្បករ សិល្បការិនីជាច្រើនដួង បានបង្ហាញពីវិធីសាស្ត្រនៃការថែទាំសុខភាព ដើម្បីការពារជួយទប់ស្កាត់ជំងឺ Covid-19 ។ ទោះបីតិចក្តីច្រើនក្ដី នេះគឺជាទឹកចិត្តដ៏ល្អ សម្រាប់ការសម្រួលទៅដល់ការចំណាយរបស់ប្រទេសជាតិ ក្នុងការទប់ស្កាត់ការរីករាលដាលជំងឺដ៏កាចសាហាវមួយនេះ។
តាមរយៈហ្វេប៊ុក លោក ហេង ឡុងប្រធានសមាគមសិល្បៈករស្មគ្រ័ចិត្តនិងតាមរយៈអ៊ិនស្តាក្រាមរបស់ តារាចម្រៀងស្រី សុខ ពិសី ក៏បានចូលរួមចំណែក បរិច្ចាគជាថវិកាផងដែរ។ នាងបានបរិច្ចាគទឹកប្រាក់ផ្តាល់ខ្លួនរហូតដល់ ២ពាន់ដុល្លារ ដើម្បីចូលរួមទប់ស្កាត់ការរីករាលដាលជំងឺ Covid-19 តបតាមការអំពាវនាវដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
សម្តេចតេជោនាយករដ្ឋមន្ត្រីបានចេញលិខិតថ្លែងអំណរគុណកញ្ញាសុខពិសីចំពោះការបរិច្ចាគជាថវិកាផ្ទាល់ខ្លួនដើម្បីជាតិ ក្នុងការទប់ស្កាត់ និង ការពារពីជំងឺ Covid-19 នេះ។សូមបញ្ជាក់ផងដែរថាថ្មីៗនេះកញ្ញាសុខពិសីក៏បានធ្វើទានដោយសារបានចេញលុយជួយសង្គ្រោះសត្វសុនខមួយទ្រុងដែលឈ្មួញដឹកបំរុងយកទៅពិឃាត។