វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2606 នាក់
ម្សិលមិញ 6359 នាក់
សរុប 14089239 នាក់
ភ្នំពេញ៖ តារាសម្តែងប្រុសលោក អេដ វីន បានបង្ហាញមុខជាលើកដំបូងក្នុងបុណ្យសពថៅកែកុនមួយបន្ទាប់ពីបាត់មុខក្រោយផ្ទុះរឿងអាស្រូវប្រហឹង្សាលើសង្សារព្រោះប្រចណ្ឌជាមួយបុរសជាគ្រូពេទ្យម្នាក់រហូតជាប់គុកច្រវ៉ាក់។
ការលេចមុខវត្តមានតារាសម្តែងប្រុសលោក អេដវីន ដែលជាការ បង្ហាញមុខដំបូងធ្វើឲ្យមានសំណួរថាតើតារាប្រុសរូបនេះនឹងវិលមកកាន់ការសម្តែង ឬវិស័យសិល្បៈណាមួយវិញដែរឬទេ ?។ការបង្ហាញវត្តមាននេះត្រូវបានធ្វើឡើងនៅក្នុងពិធីបុណ្យគម្រប់៧ថ្ងៃនៃសពម្តាយក្មេករបស់អ្នកគ្រប់គ្រងកម្មវិធីល្បីឈ្មោះ លោក ម៉ែន និមលរដ្ឋ និងជាបុគ្គលដែលស្និទ្ធនឹងលោកផងដែរ។
ក្រោយការបញ្ចេញរូបថតនេះក៏មានអ្នកស្នើឲ្យលោកវិលត្រឡប់មកកាន់ការងារសម្តែងជាថ្មីផងដែរ។ ទោះជាសាម៉ីខ្លួនមិនទាន់និយាយាយ៉ាងណាក៏គេជឿជាក់ថា លោកនឹងអាចនៅតែទទួលបានឱកាសការងារសិល្បៈមួយចំនួនជាថ្មី ប្រសិនបើលោកវិលវិញមែននោះ។ គេចាំពានថាអេដវីន ធ្លាប់បានប្រឡូងក្នុងអាជីពសិល្បៈជិត១០ឆ្នាំកន្លងមកហើយក្រោយពីលោកលេចមុខចេញទៅប្រកួតកម្មវិធីសម្រស់ផ្នែកបុរសនៅលើឆាកអន្តរជាតិ ដោយទទួលបានចំណាត់ថ្នាក់ល្អប្រសើរមួយ និងបានចូលប្រឡូកក្នុងអាជីពសិល្បៈផ្នែកសម្តែងជាហូរហែរនិងទទួលបានការគាំទ្រច្រើនពីទស្សនិកជន។
គួរបញ្ជាក់ដែរថា កាលពីអំឡុងខែមិថុនាឆ្នាំ ២០២១គឺក្រោយពីលេចធ្លាយដំណឹងថាលោក បានប្រើប្រាស់ហិង្សាទៅលើ គូស្នេហ៍អ្នកមេម៉ាយកូន២ រហូតរងការរិះគន់យ៉ាងខ្លាំងពីមហាជនរហូតលេចចេញពាក្យបណ្តឹងជាហូរហែហើយលោកក៏ត្រូវបានការិយាល័យប្រឆាំងការជួញដូរមនុស្ស កងរាជអាវុធហត្ថរាជធានីភ្នំពេញ បញ្ជូនទៅកាន់ ពន្ធនាគារព្រៃស តាមដីកាបង្គាប់ឲ្យឃុំខ្លួន កាលពីថ្ងៃទី២៣ ខែមិថុនា ឆ្នាំ២០២១ របស់សាលាដំបូងរាជធានីភ្នំពេញ។ បើទោះបីជាអតីតគូស្នេហ៍ អ្នកនាង សុទ្ធ បញ្ចកា បានព្យាយាមស្នើសុំដកពាក្យបណ្តឹងវិញក៏ដោយ .។ក្រោយមកពេលម្តាយលោកអាដវីនស្លាប់ប្រហែលមានការសម្របសម្រួលគ្នា?។ពេលនេះពួកគេទាំងពីរបានចែកផ្លូវគ្នាដើររៀងខ្លួនហើយដែរដោយអ្នកនាងបញ្ចកាទៅរកគ្រូពេទ្យកម្លោះនោះបាត់ហើយ!។