វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6212 នាក់
ម្សិលមិញ 5378 នាក់
សរុប 14085505 នាក់
ព្រៃវែង៖កាលពីយប់វេលាម៉ោង១ រំលងអាធ្រាត ថ្ងៃទី៣ ឈានចូលថ្ងៃទី៤នៅ ភូមិ តាមូង ឃុំ ថ្កូវ ស្រុក កំពង់ត្របែក ខេត្ត ព្រៃវែង មានចោរមួយក្រុម ក្នុងដៃពួកវាមានកាន់ ព្រនង់ កាំបិតផ្គាក់បានគាស់ទ្វារផ្ទះប្រជាពលរដ្ឋប្រើហឹងហឹង្សាកាប់ប្លន់យកប្រាក់១០ម៉ឺនរៀល។កញ្ញា អ៊ួច ចន្ធូ អាយុ ១៨ ឆ្នាំជនរងគ្រោះ រស់នៅជាមួយ យាយបាឲ្យដឹងតាមហ្វេសប៊ុកថា៖ពួកវា(ចោរ)មកគំរៀមសម្លាប់យាយខ្ញុំ
នឹងទាររកលុយពីយាយខ្ញុំ យាយខ្ញុំមានប្រាក់តែ ១០ ម៉ឺនរៀល និង ក្រវិលមួយគូរ។កញ្ញាបានបញ្ជាក់ថា៖បាន អោយពួកវា នឹងសុំអង្វរពួកវាកុំអោយសម្លាប់គាត់ តែវាពួកបានលុយហើយ នៅតែកាប់យាយខ្ញុំយ៉ាងព្រៃផ្សៃ ហើយពួកវាដឹងថាខ្ញុំបានឃើញពួកវា ស្គាល់ពួកវា ។វាមកកាប់រូបខ្ញុំទៀត តែខ្ញុំបានយកដៃរង ហើយពួកវាបានយកលុយ ហើយ លោតចុះតាមបង្អួចគេចខ្លួនបាត់ ។ យាយរបស់ខ្ញុំត្រូវពួកវាកាប់របួសយ៉ាងធ្ងន់ធ្ងរចំក្បាល។ ក្រោយពីចោរស្ទាវចេញទៅនាង បានស្រែកឆោឡោ អោយអ្នកជិតខាងជួយ ហើយបានរាយការណ៍ជូនសមត្ថកិច្ចក៏បាន មកអន្តរាគមន៍ ភ្លាមៗដែរ ។កម្លាំងប៉ូលីស បានឃាត់ខ្លួនក្រុមចោរបានទាំងអស់
គឺក្រុមក្មេងស្ទាវក្នុងភូមិ ដែរមានចំនួន៣ នាក់ទី១ ឈ្មោះ ឈុន សក្តា ភេទ ប្រុស អាយុ ១៨ឆ្នាំទី២ ឈ្មោះ ហ៊ុន វិសាល ហៅ លក ភេទ ប្រុសនិង ទី៣ ឈ្មោះ សំ រ៉ាដូ ហៅ ក្តូ ភេទ ប្រុស.។បច្នុប្បន្នសមត្ថកិច្ច កំពុងធ្វើសំនុំរឿង នឹងបញ្ជូន ទៅ តុលាការ ។តែសម្រាប់នាងជាជនរងគ្រោះបានកើតទុក្ខមិនសុខចិត្តចំពោះ សមត្តកិច្ចថាហេតុអ្វីចាប់បានជនសង្ស័យ៣ នាក់ តែចាត់បញ្ជូនទៅខេត្តតែ២ នាក់ ចុះម្នាក់ទៀតម៉េចក៏ទុកអោយរួចខ្លួន? ។
ករណីយ៍នេះកញ្ញាបានបញ្ជាក់ថា៖នាងខ្ញុំក្រីក្រណាស់ ពុំមានលទ្ធភាពតស៊ូ ក្តីនោះទេ តែរូបនាងខ្ញុំ មិនអស់ចិត្តសោះ ដោយសារឃើញ អ្នកប្រព្រឹត្ត បទល្មើសមកលើគ្រួសាររបស់នាងខ្ញុំ រួចខ្លួនបែបនេះ ចឹងហើយរូបនាងខ្ញុំសំណូមពរ ដល់ពុកម៉ែ បងប្អូន ដែលនៅក្នុងសង្គមហ្វេសបុកនេះ ជួយស៊ែរឿងនេះ ផង!។
ដោយឡែកមន្ត្រីនគរបាលបានប្រតិកម្មវិញថា៖ ក្នុងនាមប៉ុស្តិ៍រដ្ឋបាលសូមជំរាបដល់ប្អូនអុច.ចន្ធូជាជនរងគ្រោះនៅភូមិតាមូង.ឃុំថ្កូវនិងបងប្អូននាក់លេងហ្វេសបុកថា៖គ្រាន់តែទទួលបានទទួលពត៌មានថាមានចោរប្លន់នៅផ្ទៈប្អូនភ្លាមកម្លាំងប៉ុស្តិ៍រដ្ឋបាលបានទៅដល់កន្លែងកើតហេតុ។ប្អូនបាននិយាយថាពួកចោរមានគ្នាពីរនាក់តែរូបខ្ញុំស្គាល់តែម្នាក់ទេ(គឺឈ្មោះអាដាកូនមីងធាចៅយាយថៃ)អាម្នាក់ទៀតបានលោតចុះមកដីខ្ញុំមិនបានស្គាល់ទេ។នេះជាសម្តីរបស់ក្មួយនិយាយប្រាប់សមត្ថកិច្ច។ពេលនោះសមត្ថកិច្ច.និងលោកមេភូមិតាមូងបានទៅដល់ផ្ទៈជនសង្ស័ឈ្មោះឈុន.សក្តា(ហៅដា)បានសួរដំណើររឿងខ្លះៗហើយជនសង្ស័ឈ្មោះដាប្រាប់ថា៖ថាពួកខ្ញុំផឹកស៊៉មានគ្នា០៣នាក់៖១.គឺរូបខ្ញុំឈុន.សក្តា២.ឈ្មោះហ៊ុន.វិសាល(ហៅវលក)៣.ឈ្មោះសំ.រ៉ាដូ(ហៅវដូ)ពេលនោះសមត្ថកិច្ចបានអញ្ជើញទាំង០៣នាក់មកសាកសួរនៅប៉ុស្តិ៍។
ពេលមកដល់ប៉ុស្តិ៍ឈ្មោះឈុន.សក្តាបានសារភាពថាខ្លួនបានទៅធ្វើសកម្មភាពប្លន់មានគ្នាតែពីរនាក់ទេគឺរូបខ្ញុំនិងឈ្មោះហ៊ុន.វិសាលហៅវលក។ចំពោះឈ្មោះសំ.រ៉ាដូពុំបានទៅចូលរួមធ្វើសកម្មភាពប្លន់ទេ។
ក្រោយពេលផឹកសីុរួចឈ្មោះរ៉ាដូស្រវឹងខ្លាំងបានឡើងដេកលើផ្ទះដោយពុំដឹងរឿងហេតុអ្វីទាំងអស់ទើបសមត្ថកិច្ចអោយឈ្មោះសំ.រ៉ាដូវិលត្រឡប់ទៅផ្ទៈវិញ។
ទោះជាយ៉ាងណានារីរងគ្រោះនៅតែអះអាងថា លោកពូអោយបានដឹងថា នៅយប់ថ្ងៃទី ៣ ឈានចូលថ្ងៃទី៤ ខែ កក្កដា អំឡុងពេលម៉ោងមួយ រំលងអធ្រាត ខ្ញុំបានលឺសំលេងយាយរបស់ខ្ញុំ ស្រែក ខ្ញុំស្មានតែគាត់ យល់សប្តិ មមើស្រែក ខ្ញុំក៏ឡើងទៅបើកភ្លើងមើល រំពេចនោះស្រាប់តែឃើញ មនុស្សពីរនាក់នៅក្បែរលោកយាយខ្ញុំ ។ម្នាក់សក្តាកំពុងធ្វើសកម្មភាពច្របាច់កយាយខ្ញុំ ហើយម្នាក់ទៀត ឈ្មោះ រ៉ាដូរត់ចុះទៅក្រោម ពេលនោះខ្ញុំស្រែកថា បងក្តា កុំធ្វើអីយាយខ្ញុំ គ្រាន់តែលឺខ្ញុំស្រែកឈ្មោះ បងក្តា ភ្លាម បងក្តា បានទាញកំបិតផ្គាក់មកកាប់យាយខ្ញុំ ចំណែកឯម្នាក់ទៀត ឈ្មោះ លក ឡើងអើតតាមមាត់ជណ្តើរ។
បន្ទាប់ពីបងក្តា កាប់យាយខ្ញុំហើយ គាត់ក៏មកកាប់ ក ខ្ញុំទៀត ដើម្បីបំបិទតាង តែពេលគាត់កាប់មកលើ ក ខ្ញុំនោះ ខ្ញុំយកដៃរង។ ក្នុងហេតុការណ៏នោះ ដោយឃើញ យាយ និង ខ្ញុំមានការហូឈាមច្រើនពេក ពួកបងក្តា បងក្តូ និង បង លក រត់គេចខ្លួនបាត់អស់ទៅ ។ តាមដែលខ្ញុំបានឃើញក្នុងហេតុនេះផ្ទាល់ ជនល្មើស មាន០៣ នាក់ ពិតប្រាកដមែន ០២ នាក់ ឡើងមកលើផ្ទះ ឯម្នាក់ទៀតចាំនៅមាត់ជណ្តើរ
នេះជាចម្ងល់របស់រូបនាងខ្ញុំ ព្រោះខ្ញុំបានឃើញផ្ទាល់ភ្នែក ។ ហេតុអ្វីបានសមត្ថកិច្ចថាម្នាក់ឈ្មោះ រ៉ាដូ នោះមិនពាក់ព័ន្ធ ។ ដោយក្តីគោរព សូមលោកពូ ជួយស្វែងរកការពិតជូនគ្រួសារ របស់រូបនាងខ្ញុំផង ព្រោះគ្រួសាររបស់ខ្ញុំក្រីក្រណាស់មិនដឹងទីពឹងពាក់អ្នកណាអោយជួយដោះស្រាយអោយទេ ។ពតិមាននេះសង្ឃឹមថាសមត្តកិច្ចនគរបាលខេត្តព្រៃវែងនឹងពីចារណារលើករណីយ៍នេះឡើងវិញជាមិនខាន៕