» ក្រសួងបរិស្ថាន​៖ គុណភាព​ខ្យល់​នៅ​កម្ពុជា​មានការ​ធ្លាក់ចុះ​គួរឱ្យ​បារម្ភ​ត្រូវ​ប្រកាន់​វិធាន​៤​ចំណុច » ការិយាល័យ​សិទ្ធមនុស្ស​កម្ពុជា​នៅ​អសប​ប្រតិកម្ម​និង​ការបកស្រាយ​របស់​មន្ត្រី​សិទ្ធមនុស្ស​អសប​៣​រូប​! » ករណី​យ៍​សិស្សស្រី​ស្ទាវ​ព្រួត​គ្នា​វ៉ៃ​ទាត់​ធាក់​សិ​សិស្ស​ក្នុង​ថ្នាករៀន​សាលា​ដើមថ្កូវ​ក្មេងស្រី​រងគ្រោះ​មិន​ព្រម​បញ្ចប់​ត្រឹម​សំណង​!? » អាថ៌កំបាំង​មួយ​ដែល​អាចធ្វើ​ឲ្យ​ដូង​ធម្មតា​ក្លាយទៅជា​ដូងខ្ទិះ » នាយករដ្ឋមន្ត្រី​ថៃ ប្រា​យុទ្ធ ចន្ទ​អូ​ចា បដិសេធ​ការយក​ឈ្មោះ​របស់លោក ដាក់ សមិទ្ធផល​នានា​ដែល​កសាង​ដោយ​លុយ​រដ្ឋ » ជនដៃដល់​ដែល​បាញ់ប្រហារ​និស្សិត​ពេទ្យ​ស្រី​ច្បាស់​ហើយ​គឺ​ទាហាន​នៅក្នុង​អង្គភាព​កងពល​តូ​ចលេ​ខ​៧០ ឋានន្តរសក្តិ​ថ្នាក់​វរសេនីយ៍ត្រី​ឈ្មោះ យឺន វណ្ណ​ដេ​ត​ » ពី​អតីត​អ្នកលក់​ជ្រក់​ជើងមាន់​កញ្ញា​ម៉ូ​លីកា​គ្រោង​ចំណាយ​ជាង​១០​ម៉ឺន​ដុល្លារ​អាមេរិក​សម្រាប់​ពិធីការ​ » ប្រទះឃើញ​ដ្រូ​ន​ដ៍​ធំ​១​គ្រឿង​ធ្លា​ក់នៅ​កោះ​ស្តេច ស្រុក​គិរីសាគរ ខេត្តកោះកុង​ស​សេរ​អក្សរ​ចិន​!? » ថៃ​ចាប់​ពលករ​ដែល កំពុង​លួច​ធ្វើការ​ខុសច្បាប់ នៅ​ខេត្ត​សាមុត​ប្រកាន » ជប៉ុន​ផ្តល់​អាហារូបករណ៍​ជាច្រើន​ឱ្យ​និស្សិត​ខេត្តបាត់ដំបង ទៅ​សិក្សា​នៅ​ប្រទេស​ជប៉ុន​ » ជំនួប​តេ​ជោ​ហ៊ុនសែន​ជាមួយ​អ្នកកាសែត​លើក​ទី​៤​មាន​ខ្លះ​ប្រកាសថា​ឈប់​មក​ចូលរួម​ហើយ​បើ​មិន​ព្រមស្តាប​ការលំបាក​របស់​អ្នកកាសែត​ចឹ​ង​? » ការចុះហត្ថលេខា​អាមេរិក​-​ចិន លើ​កិច្ចព្រមព្រៀង​ពាណិជ្ជកម្ម​ដំណាក់កាល​ទី​១​នឹងធ្វើ​ឲ្យ​ជម្លោះ​ពាណិជ្ជកម្ម ល្អប្រសើរ​ » តារា​សម្តែង ឡោម លក្ខិណា យំ​ប្រាប់ ស្រីអូន ថា​៖ “​គាត់​កំព្រា​ឪពុក​តាំងពី​តូច​មិនទាន់​ដឹងក្ដី ដោយសារ​ចោរប្លន់​សំលាប់​ពេល​រត់​ម៉ូតូឌុប ព្រោះ​គ្រួសារ​ក្រ ពេលនេះ​កូន​គាត់​អាយុ​១០​ខែ​ក៏​កំព្រា​ឪពុក​ដែរ » លោក​កឹម សុខា បដិសេធ ការចោទប្រកាន់ ពីបទ​ស​ន្ទិ​ដ្ឋិ​ភាពជា​មួយ បរទេស និង​ថា​វិ​ដេ​អូ​ឃ្លី​ប​យកមក​ដាក់បន្ទុក​គឺ​កាត់ត​សុំ​ឲ្យ​ចាក់​វិ​ដេ​អូ​ពេញ​! » ចិន​ដីគោកប្រកាសថា​គោលនយោបាយ​របស់ខ្លួន​ចំពោះ​កោះ​តៃវ៉ាន់​នឹងមិន​ផ្លាស់ប្ដូរ​ឡើយ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 882 នាក់

ម្សិលមិញ 7596 នាក់

សរុប 3850844 នាក់

លោក​កឹម សុខា បដិសេធ ការចោទប្រកាន់ ពីបទ​ស​ន្ទិ​ដ្ឋិ​ភាពជា​មួយ បរទេស និង​ថា​វិ​ដេ​អូ​ឃ្លី​ប​យកមក​ដាក់បន្ទុក​គឺ​កាត់ត​សុំ​ឲ្យ​ចាក់​វិ​ដេ​អូ​ពេញ​!


​ភ្នំពេញ​៖ លោក​កឹម សុខា​ប្រធាន​អតីត​គណបក្ស​សង្គ្រោះ​ជាតិ បដិសេធ​ទាំងស្រុង​នូវ​ការចោទប្រកាន់ ពីបទ​ស​ន្ទិ​ដ្ឋិ​ភាពជា​មួយ បរទេស និង​ទាមទារ​ឲ្យ​តុលាការ​ទម្លាក់ចោល ជា​ស្ថាពរ​ចំពោះ​បទ​ចោទ​មកលើ​រូបលោក ។​នេះ​បើតាម​ហ្វេ​ស​ប៊ុ​កលោក​មុត​ចន្ថា​។​a court k6 

​ការប្រកាស​របស់លោក​មុត​ចន្ថា​នាយក​ខុទ្ទកាល័យ​លោក​កឹម សុខា គឺ​ក្រោយ​បញ្ចប់​សវនាការ អស់​រយៈ​ពេញ​មួយ​ព្រឹក​ថ្ងៃទី​១៥ ខែមករា ឆ្នាំ​២០២០​លើ​សំណុំរឿង​លោក កឹម សុខា ពីបទ​ក្បត់ជាតិ​ជាមួយ​បរទេស​នោះ ។​​បើតាម​សារ​របស់លោក កឹម សុខា  បានបញ្ជាក់​៖ “​ខ្ញុំ​សូម​ជម្រាបជូន​សាធារណជន ជាតិ និង​អន្តរជាតិ ជ្រាប អំពី​គោលជំហរ របស់ខ្ញុំ ដូចតទៅ​៖ ខ្ញុំ​បដិសេធ​ទាំងស្រុង​នូវ​ការចោទប្រកាន់​មកលើ​រូបខ្ញុំ ពីបទ​ស​ន្ទិ​ដ្ឋិ​ភាពជា​មួយ បរទេស​។ ខ្ញុំ​មិនបាន​នាំ​រដ្ឋ​បរទេស ឬ​ភ្នាក់ងារ​បរទេស​ណា​មក​ប្រទូសរ៉ាយ ឬ​ឈ្លានពាន ព្រះរាជាណាចក្រ​កម្ពុជា​ឡើយ​។

ខ្ញុំ​មិនបាន​ប្រព្រឹត្ត​ដូច​ការ​ចោទ​នេះ​ទេ ជាពិសេស​ខ្ញុំ​មិនបាន​ប្រព្រឹត្ត​នូវ​អំពើ​ទាំង ឡាយ​ណា​ដែល​នាំ​ឲ្យ​ប៉ះពាល់​ដល់​ផលប្រយោជន៍​ប្រទេសជាតិ​ឡើយ​។ សកម្មភាព​ទាំងអស់​របស់ខ្ញុំ គឺ​ផ្តោតលើ​សិទ្ធិមនុស្ស និង​លទ្ធិប្រជាធិបតេយ្យ ដោយ​អហិង្សា និង​សន្តិវិធី ស្របតាម​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា​។ គ្រប់​សកម្មភាព​នយោបាយ​របស់ខ្ញុំ គឺ​ផ្តោតលើ​ការបោះឆ្នោត​ដោយ​សេរី ត្រឹមត្រូវ យុត្តិធម៌ ដែល​ឆ្លុះបញ្ចាំង​ពី​ឆន្ទៈ​របស់​ប្រជាពលរដ្ឋ​ខ្មែរ​។ ខ្ញុំ​នៅតែ​ទាមទារ​ឲ្យ​តុលាការ​ទម្លាក់ចោល ជា​ស្ថាពរ​ចំពោះ​បទ​ចោទ​មកលើ​រូបខ្ញុំ ដើម្បី​ខ្ញុំ​អាចអនុវត្ត​បាន​នូវ​សិទ្ធិ សេរីភាព​នយោបាយ​ពេញលេញ ក្នុង​ការចូល រួម​បម្រើ​ជាតិ​មាតុភូមិ និង​ការពារ​ផលប្រយោជន៍​របស់​ប្រជាពលរដ្ឋ​ខ្មែរ​។ ខ្ញុំ​សូម​ថ្លែងអំណរគុណ​ចំពោះ​បងប្អូន​ប្រជាពលរដ្ឋ​ខ្មែរ អ្ន​ការទូត អង្គការ​សង្គម ស៊ីវិល អ្នកសារព័ត៌មាន​ជាតិ​-​ជាតិ ដែល​បាន​យកចិត្តទុកដាក់​ចូលរួម​ឃ្លាំមើល និង​សង្កេតការណ៍​សវនាការ​នេះ​”​។​


​សេចក្តីប្រកាស​ព័ត៌មាន​សាលាដំបូង​រាជធានី​ភ្នំពេញ​បាន​ឲ្យ​ដឹងថា​សវនាការ​លើ​សំណុំរឿង​លោក កឹម សុខា​នៅ​តុលាការ​រាជធានី​ភ្នំពេញ​បាន ចាប់ផ្តើម​បើក​នៅវេលា​ម៉ោង​៨​និង​៣០​នាទី​ព្រឹក​ថ្ងៃទី​១៥ ខែមករា ឆ្នាំ​២០២០ នៅ​សាល​សវនាការ​ទី​១ ។​​សវ​នា​នេះ​ដឹកនាំ​ដោយ​លោក កូយ សៅ អនុប្រធាន​សាលាដំបូង និង​ជា​ប្រធាន​ក្រុមប្រឹក្សារ​ជំនុំជម្រះ លោក​ចៅក្រម សេង លាង លោក ធា​ម ច​ន្ទ័​ពិសិដ្ឋ ជា​ចៅក្រម​ប្រឹក្សា និង​មាន​លោក វង្ស ប៊ុន​វិសុទ្ធ ជា​តំណាង​អយ្យការ​។ ចំណែក​មេធាវី​រាជរដ្ឋាភិបាល​ដឹកនាំ​ដោយ​លោក គី តិច​។​សវ​នាការ​នេះ​ឲ្យ​មនុស្ស​ចូលសង្កេតការណ៍​ប្រមាណ​៣០​នាក់​តែប៉ុណ្ណោះ​ភាគច្រើន​តំណាង​អង្គទូត​។​

​ក្រោយ​បញ្ចប់​សវនាការ លោក ចាន់ ចេ​ន សហ​មេធាវី​ការពារ​ក្តី​លោក​កឹម សុខា បាន​លើកឡើងថា សវនាការ​នេះ មិនបាន​ស៊ីជម្រៅ​ខ្លាំង​ទេ គ្រាន់តែ​ស្ថិតក្នុង​ការសួរដេញដោល​តែប៉ុណ្ណោះ​។ ក្នុងនោះ​តឹងរ៉ឹង​គឺ​រឿង​ភស្តុតាង ដោយ​តុលាការ​បានដាក់​ភស្តុតាង​ដាក់បន្ទុក​។ ចំណែក​មេធាវី វិញ​មាន​ភស្តុតាង​ដោះ​បន្ទុក​។ លោក ចាន់ ចេ​ន អះអាងថា គឺជា​វីដេអូ​លោក កឹម សុខា និយាយ​នៅ​ចំពោះមុខ​ពលរដ្ឋ​អូស្ត្រាលី កាលពី​អតីតកាល មាន​រយៈពេល​ជាង​១​ម៉ោង ប៉ុន្តែ​មិនទាន់បាន​ចាក់​វីដេអូ​ទេ គឺ​រង់ចាំ​សប្តាហ៍​ក្រោយ​។​

​លោកស្រី ម៉េង សុភា​រី មេធាវី​លោក​កឹម សុខា​ដែរ បាន​ថ្លែងថា លោក​កឹម សុខា ក៏បាន​ឆ្លើយ​សំណួរ​ខ្លះៗ​ផងដែរ នៅ​ចំពោះមុខ​តុលាការ ចំពោះ​វីដេអូ​ដែល​បាន​លើក​មក​ចោទប្រកាន់​លោក ដោយ​លោក​ថា វីដេអូ​នេះ​មិន​ពេញលេញ​ទេ តែ​លោក​បានទទួល​ស្គាល់​ជា​សំឡេង និង​រូបភាព​របស់លោក​មែន តែ​លោក​ស្នើ​ឲ្យ​មានការ​ចាក់​វីដេអូ​វែង​នេះ ។​

​ឯ​លោក គី តិច បាន​ប្រាប់​ក្រុម​អ្នកសារព័ត៌មាន​ថា «​ក្រុមប្រឹក្សា​ជំនុំជម្រះ​បានសម្រេច​ចាក់ ភ័ស្ដុតាង​ដែលជា​វីដេអូ​ឃ្លឹប​សំខាន់​ដែលមាន​ប្រសាសន៍​របស់ លោក កឹម សុខា ពេលនោះ​លោក កឹម សុខា បានសម្រេច​នៅ​ចំពោះមុខ​ក្រុមប្រឹក្សា នៅក្នុង​សវនាការ គឺ​លោក​ទទួលស្គាល់​សំឡេង​រូប​របស់លោក​នៅក្នុង​ឃ្លឹប ដែល​ក្រុមប្រឹក្សា​ជំនុំជម្រះ​បាន​ចាក់​ជូន​អង្គ​សវនាការ​មើល គឺ​លោក​ទទួលស្គាល់​សំឡេង រូប​របស់គាត់​ពិតប្រាកដ​មែន​»​។​

ទន្ទឹង​នឹង​ការទទួលស្គាល់​នេះ លោក កឹម សុខា បាន​បដិសេធ​ចំណុច​មួយ​នៅត្រង់ថា វីដេអូ​ដែល​ចាក់​នេះ​មិន​គ្រប់​ទេ ពោល​បាន​កាត់​ជា​កំណាត់ ខណៈដែល​ចំណុច​សំខាន់​មួយចំនួន ជា​ផលប្រយោជន៍​សម្រាប់​គាត់ គឺ​ត្រូវបាន​កាត់ចេញ​។ នេះ​ជា​អ្វីដែល​លោក កឹម សុខា តវ៉ា​នៅ​បន្ទាប់ពី​ការចាក់​វីដេអូ​ឃ្លឹប​។ លោក កឹម សុខា ឲ្យ​ផ្លាស់​( USB) ថ្មី​មួយ​ទៅ​ក្រុមប្រឹក្សា​ជំនុំជម្រះ ដោយ​អះអាងថា ជា​វីដេអូ​ឃ្លី​ប​ទាំងស្រុង​របស់លោក​។​

​អ្នកនាំពាក្យ​សាលាដំបូង​រាជធានី​ភ្នំពេញ ប្រកាស​ព័ត៌មាន ជម្រាប​ដល់​សាធារណ​ជាតិ និង​អន្តរជាតិ​ឱ្យបាន​ជ្រាបថា​៖ ក្រុមប្រឹក្សា​ជំនុំជម្រះ​នៃ​សាលាដំបូង​រាជធានី​ភ្នំពេញ ដែល​ទទួលបន្ទុក​ចាត់​ការ​លើ​សំណុំរឿង​ព្រហ្មទណ្ឌ​លេខ ៤៧៧៧ ចុះ​ថ្ងៃទី​៣ ខែធ្នូ ឆ្នាំ​២០១៩ ដែលមាន​ជនជាប់ចោទ​ឈ្មោះ កឹម សុខា ភេទ​ប្រុស សញ្ជាតិ​ខ្មែរ កើត​ថ្ងៃទី​២៧ ខែមិថុនា ឆ្នាំ​១៩៥៣ ជាប់ចោទ​ពីបទ ស​ន្ទិ​ដ្ឋិ​ភាពជា​មួយ​បរទេស តាម​មាត្រា​៤៤៣ នៃ​ក្រមព្រហ្មទណ្ឌ បានសម្រេច​កំណត់​ដាក់​កាលបរិច្ឆេទ ជំនុំជម្រះ​លើ​សំណុំ​រឿងនេះ នៅ​ថ្ងៃទី​១៥ ខែមករា ឆ្នាំ​២០២០ វេលា​ម៉ោង​០៨៖៣០​នាទី​ព្រឹក នៅ​សាល​សវនាការ​ទី​១ នៃ​សាលាដំបូង​រាជធានី​ភ្នំពេញ​។​សវនាការ​អាច​ត្រូវការ​ពេល​៣​ខែ​។​

ប្រធាន​សាលាដំបូង​រាជធានី​ភ្នំពេញ លោក​តាំង ស៊ុន​ឡាយ បាន​អះអាង​ឱ្យដឹងថា មូល​ហេតុដែល​តុលាការ​ត្រូវ​ប្រើប្រាស់​ពេលវេលា​ដល់​ទៅ​៣​ខែ ដើម្បី​ដំណើរការ​រឿងក្តី​លោក​កឹម សុខា​នេះ គឺ​ដោយសារតែ​ករណីនេះ​ជា​សំណុំរឿង​ធំ​ដែល​មាននូវ​សំណុំ​ឯកសារ​ជាច្រើន​ត្រូវ​ពិនិត្យ និង ជជែក​វែកញែក​។ ម្យ៉ាងវិញទៀត សំណុំ​រឿងនេះ​ក៏ត្រូវ​ការសួរដេញដោល​លើ​សាក្សី​ជាច្រើន​នាក់​ថែមទៀត​។ បើតាម​លោក​តាំង ស៊ុន​ឡាយ តុលាការ​នឹង​ប្រើពេល​ពីរ​ថ្ងៃ​ក្នុង​សប្តាហ៍ ដើម្បី​ដំណើរការ​រឿងក្តី​លោក​កឹម សុខា​នេះ​។​

​លោក កឹម សុខា ត្រូវបាន​សមត្ថកិច្ច​ចាប់ខ្លួន នៅ​ថ្ងៃទី​៣ ខែកញ្ញា ឆ្នាំ​២០១៧​ដោយ​ចោទថា ពាក់ព័ន្ធ​នឹង​ការប្រព្រឹត្ត​អំពើ ក្បត់ជាតិ ឃុបឃិត​ជាមួយ​បរទេស​ផ្តួលរំលំ រាជរដ្ឋាភិបាល​ស្របច្បាប់ ហើយ​ត្រូវបាន​ឃុំខ្លួន នៅក្នុង​ពន្ធនាគារ ត្រពាំង​ផ្លុ​ង ខេត្ត​ត្បូងឃ្មុំ រយៈពេល​ជាង​១​ឆ្នាំ ទើប​ដាក់ឱ្យ​ស្ថិតនៅក្រោម​ការត្រួតពិនិត្យ បន្ទាប់ពី​បែកធ្លាយ​វីដេអូ​មួយ​ដែល​លោក​និយាយថា លោក​អនុវត្តតាម​ការណែនាំ​ពី​បរទេស ដើម្បី​ធ្វើការ​ផ្លាស់ប្តូរ​ប្រទេស​កម្ពុជា ដោយ​យក​លំនាំ​តាម​ប្រទេស​យូ​ហ្គោ​ស្លា​វី និង​ប្រទេស​ស៊ែ​ប៊ី​៕a court k1 a court k2 a court k3 a court k4 a court k5 a court k7