វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 91 នាក់
ម្សិលមិញ 10264 នាក់
សរុប 14139273 នាក់
បាត់ដំបង៖បដិមាករដ៏ធំកសាងដោយដៃជាងចម្លាក់ខ្មែរ នៅលើផ្ទាំងថ្មពិតៗ នៅលើជញ្ជាំងភ្នំសំពៅទឹកដីខេត្តបាត់ដំបង សាងសង់ជិតរួចរាល់ហើយ ។ បន្ទាប់ពីលេចចេញរូបរាងនិងធ្វើពីធីអភិសេគរួច ព្រះពុទ្ធបដិមាដ៏ធំមហិមាមួយអង្គនេះរមនីយ៍ដ្ឋាន ភ្នំសំពៅនឹងក្លាយជាកន្លែងដ៏ទាក់ទាញបំផុតសម្រាប់ភ្ញៀវទេសចរជាតិ និងអន្តរជាតិពិសេសង្នកកាន់ព្រះពុទ្ធសាសនា ។
សូមបញ្ជាក់ថាភ្នំសំពៅជារមណីដ្ឋានធម្មជាតិមួយស្ថិតនៅតាមដងផ្លូវជាតិលេខ៥៧ (អតីតផ្លូវជាតិលេខ១០) ក្នុងស្ថិតក្នុងឃុំភ្នំសំពៅ ស្រុកបាណន់ចំងាយ១២គីឡូម៉ែត្រពីក្រុងបាត់ដំបង ។ ភ្នំនេះមានកំពស់ប្រមាណ១០០ម៉ែត្រ ។តាមឯកសាលើខ្នងភ្នំជាតំបន់កម្សាន្តចែកជាបីសំខាន់ៗ ទី១ កំពូលភ្នំមានព្រះវិហារដែលអ្នកអាចមើលឃើញពីចំងាយហៅថា “ប្រាង” ។ទី២ “ល្អាងផ្កាស្លា” ។ទី៣ “គិរីរម្យ” ។ ប្រាង្គគឺជាកន្លែងសម្រាប់ប្រារព្ធពីធីបុណ្យសាសនាផ្សេងៗ ហើយអ្នកទេសចរណ៍អាចមើលទេសភាពវាលស្រែដ៏ធំល្វឹងល្វើយពីលើខ្នងភ្នំនៅត្រង់តំបន់នេះ។
ល្អាងផ្កាស្លាជាអាស្រមរបស់ព្រះសង្ឃ ដូនជី តាជី។ នៅល្អាងផ្កាស្លាមានល្អាងជាច្រើនឋិតនៅក្នុងនោះដូចជា ល្អាងផ្កាស្លាង ល្អាងខ្យល់ ល្អាងត្រជាក់។
នៅក្បែរៗភ្នំសំពៅ មានចម្កោមភ្នំសំខាន់ៗមួយចំនួនទៀត ដែលទាក់ទងនឹងរឿងព្រេងខ្មែរជាច្រើនគឺ រឿងរាជកុលនាងរំសាយសក់ មានភ្នំក្តោង ភ្នំក្រពើ ភ្នំអណ្តើក ភ្នំទ្រុងមាន់ ភ្នំទ្រុងទា ភ្នំនាងរំសាយសក់ ភ្នំតាគ្រាម ដែលសុទ្ធតែរមណីយដ្ឋានធម្មជាតិ ៕