វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4881 នាក់
ម្សិលមិញ 8227 នាក់
សរុប 14131762 នាក់
ភ្នំពេញ៖ អ្នកនាំពាក្យក្រសួងអប់រំ យុវជន និងកីឡា លោក រស់ សុវាចា បានប្រាប់បណ្តាញព័ត៌មានកាលពីថ្ងៃទី១៤ ខែកញ្ញា ឆ្នាំ២០២២ថា ក្រសួងកំពុងស្រាវជ្រាវករណីវីដេអូបែកធ្លាយ បង្ហាញពីសកម្មភាពនាយកវិទ្យាល័យហ៊ុនសែន សេរីភាព ក្រុងតាខ្មៅ ខេត្តកណ្តាល វាយសិស្សស្រីម្នាក់ដែលបានផ្សព្វផ្សាយតាមបណ្តាញសង្គម។
តាមវីដេអូមួយដែលត្រូវបានចែកចាយលើបណ្តាញសង្គមត្រូវបានអះអាងថា នាយកវិទ្យាល័យហ៊ុនសែន សេរីភាព ក្រុងតាខ្មៅ ដែលវាយសិស្សស្រីម្នាក់ក្នុងពេលតម្រង់ជួរនោះ មានឈ្មោះថា ម៉ម សុធានី។
ទាក់ទងបញ្ហានេះអ្នកនាំពាក្យក្រសួងអប់រំលោក រស់ សុវាចា បន្តថា ករណីមានបាតុភាពនៅតាមគ្រឹះស្ថានសិក្សា គណៈគ្រប់គ្រងគ្រឹះស្ថានសិក្សាត្រូ វចាត់វិធានការរដ្ឋបាល បើចាំបាច់អាចសហការជាមួយមន្ទីរអប់រំ យុវជន និងកីឡាទាំង ២៥ខេត្ត រាជធានីដែលជាសេនាធិការរបស់ក្រសួងអប់រំ យុវជន និងកីឡា។ វិធានការរដ្ឋបាលមាន២កម្រិត។ វិធានការរដ្ឋបាលថ្នាក់ទី១ គឺស្តីបន្ទោសជាលាយលក្ខអក្សរ និងផ្លាស់ដោយបង្ខំ និងវិធានការរដ្ឋបាលទី២ គឺលុបឈ្មោះចេញពីក្របខណ្ឌ។
បើតាមច្បាប់ស្តីពីការអប់រំ រួមមាន៖មាត្រា១៧ នៃច្បាប់ស្តីពីការអប់រំ បានចែងថាការអប់រំចំណេះទូទៅ ជាការចាំបាច់ដែលធ្វើឱ្យអ្នកសិក្សាមានការរីកចម្រើនចំណេះដឹង និងសីលធម៌ បុគ្គលិកលក្ខណៈល្អ ដោយលើកកម្ពស់សមត្ថភាពខាងផ្លូវចិត្ត បញ្ញា កាយ និងធានាឱ្យចេះប្រើចំណេះដឹង និងបំណិនមូលដ្ឋាន។ មាត្រា ៣៥ នៃច្បាប់ស្តីពីការអប់រំ បានចែងពីសិទ្ធនិងករណីយកិច្ចរបស់អ្នកសិក្សាទាក់ទងនឹងការអប់រំថាមាន សិទ្ធទទួលបានការគោរព និងការយកចិត្តទុកដាក់ចំពោះសិទ្ធមនុស្សជាពិសេសសិទ្ធមានសេចក្តីថ្លៃថ្នូរ សិទ្ធរួចផុតពីទារុណកម្ម ឬការដាក់ទណ្ឌកម្មលើរាងកាយ និងផ្នែកស្មារតី។«អ្នកសិក្សាមានករណីកិច្ចគោរពបទបញ្ជាផ្ទៃក្នុងរបស់គ្រឹះស្ថានសិក្សា តម្លៃខាងសមធម៌យេនឌ័រ ដោយអនុវត្តសិទ្ធរបស់ខ្លួនប្រកបដោយស្មារតីទទួលខុសត្រូវ និងគោរពសិទ្ធអ្នកដ៏ទៃដើម្បីលើកកម្ពស់សុខភាពផ្លូវកាយ ចិត្ត និងគុណភាពលទ្ធផលសិក្សា»។ នេះបើតាម លោក រស់ សុវាចា។
សូមបញ្ជាក់ថាតាមរយៈនៃការធ្វើអធិប្បាយនានាតាមបណ្តាញសង្គមបានឲ្យដឹងពីមូលលេហតុថា៖ករណីយ៍នេះវាកើតឡើងដោយសារតែសិស្សមិនគោរពវិន័យ។ប្រភពពីវិទ្យាល័យបានឲ្យដឹងថា៖ជាដំបូងគឺគណគ្រប់គ្រងវិទ្យាល័យពិនិត្យឃើញថាការប្រឡងឆមាសរបស់សិស្សានុស្សិសមានពិន្ទុធ្លាក់ខ្សោយច្រើន។ក្រៅពីនោះពេលជិតបែកគ្នាសិស្សស្រីប្រុសនាំគ្នាចុះហត្ថលេខាលើអាវទៅវិញទៅមកទើបគ្រូដកហូតអាវនិងហាមឃាត់សិស្សមិនឲ្យចេញទៅផ្ទះលុះត្រាតែមាតាបីតាសិស្សយកអាវមកប្តូរទើបឲ្យចេញទៅ។ក្នុងពេលនាំគ្នាស៊ីញ៉េនៅក្នុងថ្នាក់នោះគ្រូបានហៅសិស្សឲ្យចេញពីថ្នាក់មកប្រជុំជួរតែសិស្សមិនស្តាប់នៅតែនាំគ្នាស៊ីញ៉េទៀតគ្រូចេញមកស្តីបន្ទោសនិងប្រើហឹង្សាបន្តិចបន្តួចទៅ។ពេលនោះមានសិស្សផ្សេងថតបានយកទៅបង្ហោះទើបបែករឿងបង្កឲ្យមានការរិះគន់តែម្ខាងថាគ្រូប្រើហឹង្សាលើសិស្ស។ទោះជាយ៉ាងណាបណ្តាអ្នកលេងបណ្តាញសង្គមភាកច្រើនមិនគាំទ្រចំពោះសកម្មភាពរបស់សិស្សគ្មានវិន័យចឹងឡើយរាប់ទាំងលោកខៀវការញ៉ារិទ្ធរដ្ឋមន្ត្រីក្រសួងពត៍មានផងដែរ៕