វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1968 នាក់
ម្សិលមិញ 10264 នាក់
សរុប 14141150 នាក់
ភ្នំពេញ ៖ ស្នេហ៍ស្មោះកម្របានជួបមែន!។នេះជាការលាន់មាត់ពីអ្នកជិតខាងនិងមិត្តភក្រ័ក្រោយពីយុវជនម្នាក់បានលោតទឹកសម្លាប់ខ្លួនតាម សង្សារដែលបានស្លាប់ចោលជាង១ឆ្នាំហើយ ដោយសារគ្រោះថ្នាក់ចរាចរណ៍ ។
ជនរងគ្រោះ ដែលបញ្ចប់ជីវិតតាមមិត្តស្រីរបស់ខ្លួននេះ ត្រូវបានគេស្គាល់ឈ្មោះដន អ៊ីដាវ ភេទប្រុស អាយុ១៩ឆ្នាំ មានទីលំនៅភូមិលើ សង្កាត់ព្រែកអញ្ចាញ ស្រុកមុខកំពូល ខេត្តកណ្ដាល។ប្រភពព័ត៌មានពីសាច់ញាតិបានឲ្យដឹងថា កាលពីថ្ងៃទី១៥ ខែកញ្ញា ឆ្នាំ២០១៩កន្លងទៅនេះ វេលាម៉ោងប្រមាណ៦ព្រឹក ក្រុមគ្រួសារ ជនរងគ្រោះ បានបាត់ជនរងគ្រោះមិនឃើញនៅផ្ទះ ក៏ឲ្យមិត្តភក្ដិជនរងគ្រោះប្រកាសពីដំណឹងបាត់ជនរងគ្រោះដើម្បីជួយស្វែងរក។
បន្ទាប់មកនៅថ្ងៃទី១៧ ខែកញ្ញា ប្រភពពីម្ចាស់អាខោនឈ្មោះDorn SovannYa ត្រូវជាប្អូនជនរងគ្រោះបានបញ្ជាក់ពីដំណឹងមរណៈភាពរបស់បងខ្លួនតាមហ្វេសប៊ុកថា៖ ទីបំផុត អ្នកទាំងពីរ បាននៅជាមួយគ្នាហើយ ចាប់ពីពេលនេះទៅគ្មានអ្នកណាអាចមកបំបែកបំបាក់អ្នកទាំងពីរបានទៀតឡើយ តែសូមឲ្យជាតិក្រោយ អ្នកទាំងពីរបាននៅជាមួយគ្នារហូតដល់ចាស់ព្រឹទ្ធចាស់ព្រេង រហូតដល់ស្លាប់រៀងខ្លួន កុំឲ្យរស់នៅបានតែពាក់កណ្ដាលជីវិតបែបនេះទៀតអី តែមិនថាយ៉ាងណាក៏អ្នកទាំងពីរនៅតែបានជួបគ្នាក្នុងឋានសោយសុខនាបរលោក តែប៉ុននេះក៏ពួកយើងសប្បាយចិត្តហើយ។
«លាហើយបងប្រុស លាជារៀងរហូត គ្មានថ្ងៃអាចត្រឡប់ ពួកបងទៅបានសុខហើយ កុំបារម្ភពីខាងនេះអី ខ្ញុំនឹងជាអ្នកមើលថែម៉ាក់ប៉ាគ្រួសារខ្លួនឯង ពួកបងនៅជាមួយគ្នាឲ្យបានសុខចុះ។ ខាងស្រីគ្រោះថ្នាក់ចរាចរណ៍(ស្លាប់ទៅជាងមួយឆ្នាំហើយ) តែបងប្រុសខ្ញុំទើបតែលោតទឹកសម្លាប់ខ្លួន»។
ករណីខាងលើនេះ ពិតជាកម្របានជួបមែនព្រោះវាដូចជារឿងបរ្លោមលោកតែជាការពិតទោះជាឱវាទព្រះថាព្រះបរោសមិនបានក៏ដោយ។ ខាងស្រីស្លាប់ជាង១ឆ្នាំហើយ ខាងប្រុសមិនដាច់អាល័យ ក៏បញ្ចប់ជីវិតខ្លួនឯងតាមក្រោយ ធ្វើឲ្យក្រុមគ្រួសារ និងមិត្តភក្ដិមានការស្ដាយស្រណោះអាឡោះអាល័យជាពន់ពេក។ ក្រុមគ្រួសារជនរងគ្រោះ ក៏ដូចមិត្តភក្ដិរបស់គេ បានចូលរួមរំលែកទុក្ខ និងជូនពរឲ្យពួកគេបានជួបគ្នានៅភពថ្មីឲ្យសមតាមបំណងប្រាថ្នា!៕