ថ្ងៃទី១មានបេក្ខជនបាក់ឌុប២នាក់តម្រូវឲ្យធ្លាក់ក្នុងពេលអ្នកមានបញ្ហាសុខភាព៤៣នាក់តែប្រឡងបាន
03-April-2024 / ទេសចរណ៏និងវប្បធម៌
ភ្នំពេញ៖ លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានអញ្ជើញចុះពិនិត្យ នៅតាមមណ្ឌលប្រឡងរាជធានីភ្នំពេញ នារសៀលថ្ងៃទី១ដំណើរការប្រឡងសញ្ញាបត្រ មធ្យមសិក្សាទុតិយភូមិចំណេះទូទៅ និងបំពេញវិជ្ជា ស្ថានភាពនៅមណ្ឌលប្រឡង មានបរិយាកាសស្ងប់ស្ងាត់។
នៅព្រឹកថ្ងៃទី១៩សីហាដែលជាថ្ងៃដំបូងនៃការបើកសម័យប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា លោក ហង់ ជួនណារ៉ុន រដ្ឋមន្ត្រីក្រសួងអប់រំ ថ្លែងនៅបរិវេណវិទ្យាល័យព្រះស៊ីសុវត្ថិថានៅឆ្នាំនេះក្រសួងអប់រំនៅតែសហការជាមួយអង្គភាពប្រឆាំងអំពើពុករលួយ(ACU)ដដែល។ACUមិនបានផ្តល់អ្នកសង្កេតការណ៍មកគ្រប់គ្រងដូចឆ្នាំមុនៗនោះទេ ដោយផ្តល់សិទ្ធិឱ្យក្រសួងជាអ្នករៀបចំ និងពង្រឹងយន្តការអប្បមាទដោយខ្លួនឯង ដែលមានសរុបជាង ២ ពាន់នាក់ទូទាំងប្រទេស និងមានចំនួន ២នាក់ក្នុងមួយបន្ទាប់។
លោក រស់ សុវាចាអ្នកនាំពាក្យក្រសួងអប់រំ បានប្រាប់កាសែតថា នៅតាមមណ្ឌលប្រឡងនីមួយៗ មានភាពស្ងប់ស្ងាត់ របៀបរៀបរយ និងសណ្ដាប់ធ្នាប់ល្អ។ ដំណើរការសំណេរ នៅតាមមណ្ឌលនីមួយៗប្រព្រឹត្ត ទៅបានយ៉ាងល្អ ប្រសើរ ដោយសារមានការបំពេញការងារ ប្រកបដោយការយកចិត្តទុកដាក់ និងទំនួលខុសត្រូវខ្ពស់ពី គណៈមេប្រយោគទូទាំងប្រទេស គណៈអប្បមាទទូទាំងប្រទេសប្រចាំមណ្ឌល ជំនួយការអប្បមាទទូទាំងប្រទេស ប្រធាន អនុប្រធានមណ្ឌលប្រឡង គណៈកម្មការកណ្ដាល គណៈកម្មការត្រួតពិនិត្យអគារ និងគណៈកម្មការអនុរក្ស។
លោកបញ្ជាក់ទៀតថា «ជារួមបេក្ខជន បានគោរពបទប្បញ្ញត្តិនៃការប្រឡងបានយ៉ាងល្អ និងបានខិតខំប្រឹងប្រែង ធ្វើកិច្ចការទៅតាមសមត្ថភាពរបស់ខ្លួនរៀងៗខ្លួន ដោយមិនយកសំណៅឯកសារ ទូរសព្ទដៃ ឬឧបករណ៍អេឡិចត្រូនិក ចូលក្នុងមណ្ឌលប្រឡងឡើយ ។ ទន្ទឹមនឹងនេះ នៅថ្ងៃទី១នេះ មានបេក្ខជនតែ០១រូបប៉ុណ្ណោះ ដែលបានយកសំណៅឯកសារចូលបន្ទប់ប្រឡង និងមានបេក្ខជនមួយរូបទៀត បានយកទូរសព្ទដៃចូលក្នុងបន្ទប់ប្រឡង។ ដូច្នេះក្រសួងនឹងអនុវត្តយ៉ាងម៉ឺងម៉ាត់ នូវបទប្បញ្ញត្តិ និងកម្រិតវិន័យចំពោះបេក្ខជនទាំងពីររូបនេះ ដោយកំណត់ឱ្យធ្លាក់ជាស្វ័យប្រវត្តិ»។
លោក រស់ សុវាចា អ្នកនាំពាក្យក្រសួង បានប្រាប់ មជ្ឈមណ្ឌលព័ត៌មានដើមអម្ពិល នៅថ្ងៃទី១៩ សីហាថា ក្រសួងឲ្យធ្លាក់នេះដោយសារ បេក្ខជន ១ រូប បាន យក សំណៅឯកសារ ចូល បន្ទប់ ប្រឡង និង បេក្ខជន ១រូប ទៀត បាន យក ទូរសព្ទ ដៃ ចូល ក្នុង បន្ទប់ ប្រឡង។
លោកថា “ដូច្នេះ ក្រសួងនឹងអនុវត្ត យ៉ាងម៉ឺងម៉ាត់ នូវបទប្បញ្ញត្តិ និងកម្រិត វិន័យ ចំពោះ បេក្ខជនទាំងពីរ រូបនេះ ដោយ កំណត់ ឱ្យ ធ្លាក់ ជា ស្វ័យ ប្រវត្តិ”។
បេក្ខជនមានបញ្ហាសុខភាពមានចំនួន៤៣ករណី ប៉ុន្តែអាចដំណើរការប្រឡងបន្តទៀតបាន បន្ទាប់ពីទទួលបានការសង្គ្រោះបឋម។ មានតែបេក្ខជន០១រូបប៉ុណ្ណោះដែលមានបញ្ហាសុខភាពធ្ងន់ធ្ងរដែលមិនអាចបន្តការប្រឡងបាន។ក្រសួងអប់រំ យុវជន និងកីឡា បានប្រកាសថានៅលើទំព័រហ្វេសប៊ុករបស់ខ្លួននៅថ្ងៃនេះថា សិស្សដល់ទៅជាង ១៦០០នាក់ បានបោះបង់ចោលការប្រឡងសញ្ញាបត្រមធ្យមសិក្សាទុតិយភូមិនៅថ្ងៃនេះ ។សម្រាប់ការប្រឡង នៅថ្ងៃទី១ នេះ ក្រសួងអប់រំ យុវជន និងកីឡា បានសម្រេចឲ្យបេក្ខជន២នាក់ ធ្លាក់ដោយ ស្វ័យប្រវត្តិ។
អ្នកស្រី ឈិត ចំរើន កំពុង់ឈរចាំកូនក្រោមដើមឆ័ត្រមុខរបងវិទ្យាល័យទួលទំពូងប្រាប់វិទ្យុស្ត្រីថា អ្នកស្រីបានជូនកូនមកប្រឡងបាក់ឌុប ហើយចាំទទួលកូនទៅរកកន្លែងញុំាំអាហារ។ អ្នកស្រីប្រាប់ថា អ្នកស្រីមានអារម្មណ៍ភ័យផង អរផង ព្រោះទើបជាលើកទី១ ដែលជូនកូនមកប្រឡង។ តែយ៉ាងណាអ្នកស្រីជឿជាក់លើសមត្ថភាពរបស់កូនថានឹងអាចប្រឡងជាប់ បើទោះបីជាមានកររឹតបណ្តឹងការប្រឡងយ៉ាងណាក្តី។
លោករស់សុវាចាឲ្យដឹងថា នៅ ថ្ងៃ ទី ១ នេះ បេក្ខជនអវត្តមាន សរុបចំនួន១៧៤៥នាក់ (១.៤៩%) ស្រី ៦៧៨ នាក់។ ក្នុងនោះបេក្ខជនមានបញ្ហាសុខភាពមាន ចំនួន ៤៣ករណី ប៉ុន្តែ អាច ដំណើរការ ប្រឡង បន្ត ទៀត បាន បន្ទាប់ពីទទួលបានការសង្គ្រោះបឋម។
សម្រាប់ការប្រឡងបាក់ឌុបថ្ងៃដំបូងនេះ មានការប្រឡង៤មុខវិជ្ជាទាំងថ្នាក់វិទ្យាសាស្ត្រសង្គម និងនិងថ្នាក់វិទ្យាសាស្ត្ររួមមាន៖
* ពេលព្រឹក សម្រាប់ថ្នាក់វិទ្យាសាស្ត្រសង្គម៖ ម៉ោងទី១ មុខវិជ្ជា៖ ផែនដី និងបរិស្ថានវិទ្យា និង ម៉ោងទី២ មុខវិជ្ជា៖ ប្រវត្តិ។
* ពេលព្រឹក សម្រាប់ថ្នាក់វិទ្យាសាស្ត្រ៖ ម៉ោងទី២ មុខវិជ្ជា៖ ប្រវត្តិវិទ្យា និង ម៉ោងទី២ មុខវិជ្ជា៖ ជីវវិទ្យា។
* ពេលរសៀល ថ្នាក់វិទ្យាសាស្ត្រសង្គម៖ ម៉ោងទី១ មុខវិជ្ជា៖ ភូមិវិទ្យា និងម៉ោងទី២ មុខវិជ្ជា៖ ភាសាបរទេស។
* ពេលរសៀល ថ្នាក់វិទ្យាសាស្ត្រ៖ ម៉ោងទី១មុខវិជ្ជា៖ គីមីវិទ្យា និងម៉ោងទី២ មុខវិជ្ជា៖ ភាសាបរទេស។
ដោយឡែកសម្រាប់ការប្រឡងនៅថ្ងៃទី២ ត្រូវនឹងថ្ងៃទី២០ ខែសីហា ឆ្នាំ២០១៩ស្អែកនេះរួមមាន៖
* ពេលព្រឹក សម្រាប់ថ្នាក់វិទ្យាសាស្ត្រសង្គម៖ ម៉ោងទី១ មុខវិជ្ជា៖ គណិតវិទ្យា និង ម៉ោងទី២ មុខវិជ្ជា៖ សីលធម៌ ពលរដ្ឋវិជ្ជា។
* ពេលព្រឹក សម្រាប់ថ្នាក់វិទ្យាសាស្ត្រ៖ ម៉ោងទី២ មុខវិជ្ជា៖ អក្សរសាស្ត្រខ្មែរ និង ម៉ោងទី២ មុខវិជ្ជា៖ រូបវិទ្យា។
* ពេលរសៀល ថ្នាក់វិទ្យាសាស្ត្រសង្គម៖ មុខវិជ្ជា៖ អក្សរសាស្ត្រខ្មែរ។
* ពេលរៀសល ថ្នាក់វិទ្យាសាស្ត្រ៖ មុខវិជ្ជា គណិតវិទ្យា។
.jpg)
