វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 496 នាក់
ម្សិលមិញ 5304 នាក់
សរុប 14140022 នាក់
ឥណ្ឌា៖ រដ្ឋមន្ត្រីការបរទេសអាមេរិក លោក Mike Pompeo ក្នុងដំណើរទស្សនៈកិច្ចនៅឥណ្ឌាបានថ្លែងថា អាមេរិកនិងឥណ្ឌាចាំបាច់ត្រូវតែធ្វើការជាមួយគ្នាដើម្បីទប់ទល់ការគំរាមកំហែងពីប្រទេសជិតខាង គឺប្រទេចិន។នេះបើតាមសារព័ត៌មានរ៉យទ័រ។
រដ្ឋមន្ត្រីការបរទេសអាមេរិកប៉ុមពីអូ(Pompeo) រួមជាមួយរដ្ឋមន្ត្រីការពារជាតិលោកម៉ាកអេស្ពឺរ( Mark Esper)បានពិភាក្សាគ្នា ស្តីពីយុទ្ធសាស្ត្រការពារជាតិ និងការប្រឈមមុខតានតឹងក្នុងតំបន់ ក្រោយពេលដែលទាហានឥណ្ឌានិងចិនបានប្រឈមមុខដាក់គ្នានៅតំបន់ព្រំដែនជើងភ្នំហេមពាន (Himalaya)។
សារព័ត៌មានរ៉យទ័របានផ្សាយសម្តីរដ្ឋមន្ត្រីការបរទេសអាមេរិកបញ្ចាក់ទៅកាន់សមភាគីឥណ្ឌាថា«ថ្ងៃនេះគឺជាឱកាសដ៏ល្អបំផុតសម្រាប់ ប្រទេសប្រជាធិបតេយ្យទាំងពីរ អាមេរិក-ឥណ្ឌាកាន់តែជិតស្និទ្ធ»។
រដ្ឋមន្ត្រីការបរទេសអាមេរិកបញ្ជាក់ទៀតថា« នៅមានកិច្ចការជាច្រើនផ្សេងទៀតដែលត្រូវធ្វើ យើងមានរឿងរ៉ាវជាច្រើនត្រូវពិភាក្សាគ្នានាថ្ងៃនេះ ។ កិច្ចសហប្រតិបត្តិការរបស់យើង ក្នុងពេលដែលកូវីដ-១៩ ឆ្លងចេញពីទីក្រុងវូហាន និងការគំរាមកំហែងដល់សន្តិសុខ ស្ថិរភាពនៅក្នុងតំបន់»។
បច្ចុប្បន្នអាមេរិកកំពុងរងផលប៉ះពាល់ខ្លាំងដោយសារតែកូវីដ-១៩ ហើយរដ្ឋាភិបាលអាមេរិកទទួលរងការរិះគន់យ៉ាងខ្លាំងដែលមិនអាចទប់ស្កាត់ការឆ្លងកូវីដ-១៩បាន។ រដ្ឋាភិបាលរបស់លោកត្រាំ តែងតែទម្លាក់កំហុសទៅលើចិនដែលបានលាក់បាំងការឆ្លងកូវីដ-១៩ ទើបមានការឆ្លងរាលដាលខ្ពស់។
នៅថ្ងៃទី ២៧ខែតុលានេះ អាមេរិក និងឥណ្ឌា នឹងចុះហត្ថលេខាលើកិច្ចព្រមព្រៀងយោធា ដោយអនុញ្ញាតឲ្យឥណ្ឌា អាចចូលកាន់ផ្កាយរណបអាមេរិក ដែលអាចតាមដានគោលដៅបានយ៉ាងល្អ សម្រាប់មីស៊ីលនាំផ្លូវនិងយន្តហោះគ្មានមនុសុ្សបើក។កាសែតញូវដេលីផ្សាយថា៖ លោក ប៉ុមប៉េអូ នឹងបន្តទស្សនកិច្ចមួយជុំក្នុងតំបន់ ដែលអាមេរិកប្រសិទ្ធនាមយុទ្ធសាស្ត្រថាជា តំបន់ឥណ្ឌូ-ប៉ាស៊ីហ្វិកសេរីនិងបើកចំហ ដើម្បីទប់នយោបាយវាតទីនិយមរបស់ចិន ៖ ពោលគឺលោកប៉ុមបេអូនឹងបន្តដំណើរទៅប្រទេសស្រីលង្កា ដែលស្និទ្ធនឹងចិន តែត្រូវប្រឹងគួរសមទទួលមហាអំណាចអាមេរិក បន្ទាប់មកទៅម៉ាល់ឌីវ និងឥណ្ឌូណេស៊ី ដែលវ៉ាស៊ីនតោនទើបបានបញ្ជូននាវាឆ្មាំសមុទ្ទទៅជួយការពារតំបន់ប៉ាស៊ីហ្វិកពីសកម្មភាពលុកលុយរបស់ក្រុមទូកនេសាទចិន។ លោក ប៉ុមប៉េអូ ត្រលប់ចូលសហរដ្ឋអាមេរិកវិញនៅថ្ងៃទី ៣០ តុលា បីថ្ងៃមុនការបោះឆ្នោតប្រធានាធិបតីអាមេរិក។