វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1217 នាក់
ម្សិលមិញ 10264 នាក់
សរុប 14140399 នាក់
ភ្នំពេញ ៖ ក្មេងស្រីម្នាក់ត្រូវជនមិនស្គាល់មុខចូលទៅចាប់រំលោភសេពសន្ទវៈ រួចអារកសម្លាប់ចោល យ៉ាងព្រៃផ្សៃក្នុងថ្លុកឈាមនៅក្នុងបន្ទប់ជួល លេខ២៣ ក្រុម២ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ បង្កការភ្ញាក់ផ្អើលកាលពីវេលាម៉ោង៣និង៤០នាទីរសៀលថ្ងៃទី០១ ខែកញ្ញា ឆ្នាំ២០២០ ។
ក្មេងស្រីរងគ្រោះឈ្មោះ ពេញ ស្រីពេជ្រ អាយុ១៤ឆ្នាំ មុខរបរសិស្ស មានឪពុកឈ្មោះ ទ្រី អ៊ី អាយុ៥០ឆ្នាំ មុខរបរ រត់ម៉ូតូកង់បី ។ម្តាយឈ្មោះ ចាន់ ស្រី មុំ អាយុ៤៥ឆ្នាំ មុខរបរ កម្មការនីរោងចក្រ ស្នាក់នៅបន្ទប់ជួលកន្លែងកើតហេតុ មានស្រុកកំណើត ភូមិដីក្រហម ឃុំសំភាស ស្រុកស្ទឹងត្រង់ ខេត្តកំពង់ចាម ។
ប្រភពពត៍មាននៅកន្លែងកើតហេតុ បានឲ្យដឹងថា មុនកើតហេតុ ស្របពេលដែលមានភ្លៀងធ្លាក់ខ្លាំង ឪពុកម្តាយ បងប្អូនជនរងគ្រោះ ក៏ជាប់រវល់ នៅខាងមុខ ច្រកចូលផ្ទះជួលជ្រកភ្លៀង ។
ជនរងគ្រោះបានត្រឡប់មកផ្ទះមុន ដើម្បីសារប្រមូល ខោអាវ ហើយចូលបន្ទប់បាត់ ហើយមួយសន្ទុះក្រោយមក ក៏ឃើញមានបុរសម្នាក់ តែមិនស្គាល់អត្តសញ្ញាណដើរចេញពីបន្ទប់ជនរងគ្រោះ ជិះម៉ូតូ ទាំងមេឃកំពុងធ្លាក់ភ្លៀង ចាកចេញទៅបាត់ លុះរហូតដល់រាំងភ្លៀង បងប្រុស របស់ជនរងគ្រោះ ដើរចូលបន្ទប់ ក៏ស្រែកឆោឡោ ដោយឃើញប្អូនស្រី ក្នុងសភាពអត់មានសម្លៀកបំពាក់ ស្លាប់ក្នុងថ្លុកឈាម ស្នាមអារក ស្រែកផ្អើលឆោឡោ ផ្អើលក្រុមគ្រួសារអ្នកជិតខាង ។
កម្លាំងអាជ្ញាធរ សមត្ថកិច្ចចុះទៅ ហុំព័ទ្ធ ទាំងតាំងកើតហេតុ សាកសួរជុំវិញករណីខាងលើនិបានវាយតម្លៃថាជាករណិយ៍រំលោភសម្លាប់ ។
ម្តាយជនរងគ្រោះ យំព្រោះសង្វេកកូន រហូតដល់ដួលសន្លប់បាត់មាត់ ក ។បច្ចុប្បន្នសពជនរងគ្រោះត្រូវបានសមត្ថកិច្ចពិនិត្យរួចប្រគល់ទៅក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត៕