ឧកញ៉ាឧត្តមសេនីយ៍ហូចំរើនត្រូវឃុំខ្លួនព្រោះរឿងបាញ់បោះសេរីពេលស្រុកមានសន្តិភាព!
23-June-2026 / សន្តិសុខសង្គម
ភ្នំពេញៈ មន្ត្រីតុលាការក្រុងភ្នំពេញ បានឲ្យដឹងថា ៖ឧកញ៉ាហូ ចំរើន ឧត្តមសេនីយ៍ផ្កាយ៣ យោធាកាលពីរសៀលថ្ងៃទី១៧ ខែឧសភានេះ ត្រូវបានលោក សៀង សុខ ព្រះរាជអាជា្ញរងអមសាលាដំបូងរាជធានីភ្នំពេញ ចោទប្រកាន់ពីបទ គំរាមកំហែងថានឹងសម្លាប់ តាមមាត្រា២៣៣ នៃក្រមព្រហ្មទណ្ឌ ហើយក៏បញ្ជូនសំណុំរឿងនេះ ទៅឲ្យចៅក្រមស៊ើបសួរ ដើម្បីបន្តនីតិវិធីតាមច្បាប់។ នៅល្ងាចឡើង ចៅក្រមស៊ើបសួរ លោកកូយ សៅ បានសម្រេចឃុំខ្លួនឧកញ៉ាហូ ចំរើន ឧត្តមសេនីយ៍ផ្កាយ៣ បណ្ដោះអាសន្ន នៅគុក ហៅព្រៃស ដើម្បីធ្វើការស៊ើបអង្កេតបន្ថែម។
ករណីស្រដៀងគ្នានេះ ជាមួយក្មួយនាយករដ្ឋមន្ត្រីគឺឧកញ៉ាឧត្តមសេនីយ៍ឯកនគរបាល លោក ហ៊ុន ជា ត្រូវបានចៅក្រមសាលាដំបូងរាជធានីភ្នំពេញ លោក រស់ ពិសិដ្ឋ សម្រេចឃុំខ្លួនដាក់ពន្ធនាគារព្រៃសរយៈពេល១៨ខែ បន្ទាប់ពីព្រះរាជអាជា្ញរង ហ៊ឹង ប៊ុនថន ចោទប្រកាន់ចំនួន២បទល្មើស ទី១ បទ “គំរាមកំហែងថានឹងសម្លាប់“ និងទី២ បទ“ធ្វើឲ្យខូចខាតដោយចេតនា“ តាមមាត្រា២៣៣ និងមាត្រា៤១០ នៃក្រមព្រហ្មទណ្ឌ។នេះបើតាមអ្នកនាំពាក្យសាលាដំបូងរាជធានីភ្នំពេញ លោក អ៊ី រិន បានប្រាប់អង្គភាពសារព័ត៌មាន កាលពីពេលកន្លងទៅ ។
សូមបញ្ជាក់ថា ឧកញ៉ាផ្កាយ៣ហូចំរើន ត្រូវសមត្ថកិច្ចព្រហ្មទណ្ឌកម្រិតស្រាល នៃក្រសួងមហាផ្ទៃ ធ្វើការឃាត់ខ្លួនកាលពីវេលាម៉ោង៣រសៀល ថ្ងៃទី១៥ ខែឧសភា ឆ្នាំ២០១៨ ពាក់ពន្ធករណីបាញ់បោះគំរាមភរិយា និងឪពុកម្ដាយក្មេក កាលពីពាក់កណ្ដាលខែមេសាកន្លងទៅនៅក្នុងផ្ទះ។ ការឃាត់ខ្លួនឧកញ៉ាដ៏មានឥទ្ធិពល និងសេដ្ឋកិច្ចរូបនេះត្រូវបានគេនិយាយថា គឺធ្វើឡើងដោយមានបញ្ជារពីព្រះឥន្ទដូចករណីយ៍លោកហ៊ុនជាផងដែរ។
គួររំឭកថា៖ មន្ត្រីជាន់ខ្ពស់យោធា ថ្នាក់ឧត្តមសេនីយ៍ផ្កាយ៣ ហូ ចំរើន បានបើកការបាញ់បោះគំរាមក្រុមគ្រួសារចំនួនប្រហែល៦-៧គ្រាប់ កាលពីវេលាម៉ោង៣៖៣៥នាទីរសៀល ថ្ងៃសៅរ៍ ៧កើត ខែពិសាខ ឆ្នាំច សំរឹទ្ធិស័ក ពុទ្ធសករាជ២៥៦២ ត្រូវនឹងថ្ងៃទី២១ ខែមេសា ឆ្នាំ២០១៨ នៅចំណុចផ្ទះវីឡាគ្មានលេខ ស្ថិតក្នុងភូមិព្រៃសកើត សង្កាត់ព្រៃស ខណ្ឌដង្កោ រាជធានីភ្នំពេញ។
សមត្ថកិច្ចបញ្ជាក់ថា ជនសង្ស័យបង្កការបាញ់បោះខាងលើ មានឈ្មោះ ហូ ចំរើន ភេទប្រុស អាយុ៣៨ឆ្នាំ បច្ចុប្បន្នស្នាក់នៅទីតាំងកើតហេតុ មុខរបរជាមន្ត្រីយោធា ឋានៈឧត្តមសេនីយ៍ឯក (ផ្កាយ៣)។ ចំណែក ជនរងគ្រោះមានគ្នា៣នាក់ រួមមាន ១-ឈ្មោះ យិន គារ ភេទប្រុស អាយុ៥៦ឆ្នាំ ជាឪពុកក្មេក, ទី២-ឈ្មោះ ផន ទៀង ភេទស្រី អាយុ៥១ឆ្នាំ ម្ដាយក្មេក និងទី៣-ឈ្មោះ គារ សុខគាង ភេទស្រី អាយុ១៩ឆ្នាំ ជាភរិយា។ ជនរងគ្រោះទាំង៣ ស្នាក់នៅទីតាំងកើតហេតុខាងលើដូចគ្នា។
ក្រោយពេលកើតហេតុ ដែលបានបង្កជាការភ្ញាក់ផ្អើលស្ទើរពេញក្រុងភ្នំពេញហើយនោះ សមត្ថកិច្ចដែលបានត្រឹមមកពទ្ធ័ផ្ទះគ្រាន់តែបញ្ជាក់យ៉ាងខ្លីប្រាប់អ្នកសារព័ត៌មានថា ករណីបាញ់បោះសេរីនេះ បណ្ដាលមកពីទំនាស់ក្នុងគ្រួសារ ប៉ុន្តែមិនបណ្ដាលឲ្យជនរងគ្រោះទាំង៣ រងរបួស ឬបាត់បង់ជីវិតឡើយ។កាលនោះលោកហូចំរើនបំភ្លៃថាអង្គរក្ស័លោកជាអ្នកបាញ់ហើយរឿងហ្នឹងក៏ស្ងាត់ទៅប្រជាពលរដ្ឋស្មានថាតាភ្លេចបាត់ហើយ!!។មានពតិមានថាមន្ត្រីថ្នាក់លើកំពុងរៀបចំឯកសាទូលសុំព្រះមហាក្សត្រដក់គោរម្យងារឧកញ៉ាផងដែរ។
សូមបញ្ជាក់ថា៖មាត្រា២៣៣ នៃក្រមព្រហ្មទណ្ឌ ព្រះរាជាណាចក្រកម្ពុជា បានចែងថា ការគំរាមកំហែងថា នឹងសម្លាប់ កាលបើការគំរាមកំហែងនេះ ធ្វើឡើងម្តងហើយម្តងទៀត ឬសម្តែងចេញតាមលិខិត រូបភាព ឬវត្ថុអ្វីមួយ ត្រូវផ្តន្ទាទោសដាក់ពន្ធនាគារពី៦ខែ ទៅ២ឆ្នាំ និងពិន័យជាប្រាក់ពី១លានរៀល ទៅ៤លានរៀល។
