វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1323 នាក់
ម្សិលមិញ 10264 នាក់
សរុប 14140505 នាក់
ខេត្តកំពង់ធំ ៖ ក្នុងដើមខែមករា២០២២នេះបទល្មើសនេសាទនៅបឹងទន្លេសាបមានជនទុច្ចរឹតប្រើប្រាស់ទូកធំៗអូសយ៉ាំងកាវភ្ជាប់ឧបករណ៍ឆក់ត្រជាក់បានកើតមានពេញបន្ទុកដោយមិនមានឃើញមន្ត្រីជំនាញឬសមត្ថកិច្ចណាចេញទៅបង្ក្រាបឡើយ ជាពិសេសនៅក្នុងឃុំពាមបាង ស្រុកស្ទោង ។
ប្រជានេសាទដែលស្នើសុំមិនបញ្ចេញឈ្មោះព្រោះខ្លាចបញ្ហាសន្តិសុខបាន ប្រាប់ថាឈ្មួញប្រើទូកធំៗអូសយ៉ាំងកាវភ្ជាប់ឧបករណ៍ឆក់ត្រជាក់ចាប់ត្រីក្នុងបឹងទន្លេសាប នៃឃុំពាមបាង គឺស្ថិតនៅក្រោមការចាត់ចែករបស់ជនជាតិវៀតណាមម្នាក់ឈ្មោះ អេង ស៊ីចេង ដែលមានជំនាញខាងរត់ការបង់លុយឲ្យមន្ត្រីជំនាញ និងសមត្ថកិច្ច?។
ការលើកឡើងរបស់ប្រជានេសាទខាងលើនេះ សារពត៍មានយើងមិនអាចសុំការបញ្ជាក់ពីលោលោក ជិន ស៊ីថា នាយខណ្ឌរដ្ឋបាលជលផលខេត្តកំពង់ធំ និងលោក ប៉ែន វណ្ណរិទ្ធ ប្រធានមន្ទីរកសិកម្មខេត្តកំពង់ធំ ដែលមានភារកិច្ចគ្រប់គ្រងជលផលនៅតំបន់ខាងលើបានទេ កាលពីរសៀលថ្ងៃទី៩ខែមករាម្សិលមិញនេះ ដោយគ្មានលេខទូរស័ព្ទ ។ទោះជាយ៉ាងណាករណីយ៍កើតបទល្មើសនេសាទនេះប្រជានេសាទរិះគន់ថាលោកទាំង២ ហាក់នៅពួនសម្ងំស្ងាត់ឈឹងឬក៏ត្រូវថ្នាំសណ្តំរបស់ជនជាតិវៀតណាមម្នាក់នេះផងក៏មិនដឹង?៕