វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2515 នាក់
ម្សិលមិញ 10264 នាក់
សរុប 14141697 នាក់
កំពង់ចាម៖ទីបំផុតជនសង្សយ័ក្នុងករណីយ៍សម្លាប់មនុស្សកាត់ក្បាលកាលពីថ្ងៃទី៣ មេសា ២០១៩ នៅស្រុកព្រៃឈរ ខេត្តកំពង់ចាមត្រូវ នគរបាលព្រហ្មទណ្ឌខេត្តកំពង់ចាមតាមចាប់ បានហើយ នៅរសៀលថ្ងៃទី ៦ ខែមេសា ឆ្នាំ ២០១៩។
ជនសង្ស័យឈ្មោះ ស៊ឹម ខេង ភេទប្រុស អាយុ ៥៥ឆ្នាំ ជនជាតិខ្មែរ នៅភូមិត្រពាំងបឹង ឃុំថ្មពូន ស្រុកព្រៃឈរ ខេត្តកំពង់ចាម។ លោកឧត្តមសេនីយ៍ត្រី ហេង វុទ្ធី ស្នងការរងទទួលផែនការងារនគរបាលព្រហ្មទណ្ឌ បានឲ្យកាសែតដឹងថា ជនដៃដល់បានសារភាពថា មូលហេតុដែលសម្លាប់ជនរងគ្រោះដោយសារគំនុំ ព្រោះជនសង្ស័យស្រលាញ់ជនរងគ្រោះ ហើយមានអ្នកផ្សេងមកស្រឡាញ់ដែរ ក៏ដូចជាផ្ទុះរឿងចេញ ក៏ឈានដល់ការសម្លាប់ជនរងគ្រោះតែម្តង និងដោយទាំងចៅទៀតផង។
បើតាមសមត្តកិច្ច ជនសង្ស័យធ្លាប់មានប្រវត្តិសម្លាប់មនុស្សម្តងមកហើយកាលពីឆ្នាំ ១៩៩៥ ដែលមានចរិតកាចសាហាវ ហើយក្រោយពេលឃាត់ខ្លួនកាលណោះ ប្រជាពលរដ្ឋចង់ព្រួតវាយសម្លាប់ចោលម្តងដែរ កុំតែបានសមត្ថកិច្ចជួយអន្តរាគមន៍ទាន់។
គួរបញ្ជាក់ថា មនុស្សចំនួន ២នាក់ មានយាយនិងចៅស្រីម្នាក់ ត្រូវបានឃាតកសម្លាប់យ៉ាងសាហាវព្រៃផ្សៃបំផុតដោយកាត់ក្បាលផ្ដាច់ចេញពីខ្លួន។ ហេតុការណ៍ប្រទះឃើញសពដ៏ភ្ញាក់ផ្អើលនេះ កើតឡើងនៅវេលាម៉ោង ១២ ថ្ងៃត្រង់ទី៣ មេសា ២០១៩ នៅស្រុកព្រៃឈរ ខេត្តកំពង់ចាម។
តាមប្រភពព័ត៌មាន ឃាតករបានប្រើប្រាស់ឧបករណ៍មុត និងបានចាប់យាយនិងចៅស្រី យកទៅសម្លាប់នៅក្រោយផ្ទះចម្ងាយប្រមាណ ៣៥០ម៉ែត្រក្នុងព្រៃចំការនៅភូមិទួលថ្ម ឃុំថ្មពូន ស្រុកព្រៃឈរ ខេត្តកំពង់ចាម រួចកាត់ក្បាលបោះចោលរកមិនទាន់ឃើញ ហើយត្រូវបានសមត្ថកិច្ចគ្រប់លំដាប់ថ្នាក់បានចុះទៅស្រាវជ្រាវតាមប្រមាញ់ក្រុមឃាតករផងដែរ។
សពយាយ និងចៅស្រីនោះ មាន ១-ឈ្មោះ ពូ អូន អាយុ ៦៥ឆ្នាំ និងចៅស្រីឈ្មោះ ខេង សាវឿន អាយុ ៦ឆ្នាំ ត្រូវបានសមត្ថកិច្ច និងសាច់ញាតិរងគ្រោះបានតាមរកឃើញនៅក្នុងព្រៃចំការស្វាយចន្ទីក្រោយផ្ទះ ដោយសពនៅឆ្ងាយពីគ្នា។