វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9463 នាក់
ម្សិលមិញ 8227 នាក់
សរុប 14136344 នាក់
ខេត្តពោធិ៍សាត់៖បុរសម្នាក់ត្រូវនគរបាលចាប់ខ្លួនតាមបណ្តឹងនៅពេលព្រឹកដោយសារបានធ្វើសកម្មភាពចាប់ក្មួយស្រីថ្លៃចងប្រុងរំលោភលើផ្ទះជនរងគ្រោះ ស្ថិតក្នុងភូមិព្រែកត្របែក ឃុំកញ្ជរ ស្រុកកណ្ដៀង ខេត្តពោធិ៍សាត់ នៅវេលាម៉ោងរំលងអធ្រាត្រ ឈានចូលថ្ងៃសៅរ៍ ១១កើត ខែផល្លុន ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី១៦ ខែមីនា ឆ្នាំ២០១៩ ។
ជនសង្ស័យជាប់ពាក់ព័ន្ធក្នុងករណីប៉ុនប៉ងរំលោភមិនបានសម្រេចឈ្មោះ ផន ពយ ភេទប្រុស អាយុ ៤០ឆ្នាំ ជនជាតិខ្មែរ មានប្រពន្ធ និងកូនៗក្នុងបន្ទុកគ្រួសារ មានទីលំនៅ ស្ថិតក្នុងភូមិ.ឃុំកើតហេតុខាងលើ ហើយត្រូវជាឪពុកមាសាច់ថ្លៃ ជនរងគ្រោះផងដែរ ។ ជនរងគ្រោះជាក្មួយស្រីអាយុ ១៥ឆ្នាំ ។
អាណាព្យាបាលក្មេងស្រី រងគ្រោះបានប្តឹងថា ជនសង្ស័យបានធ្វើសកម្មភាព យកខ្សែអង្រឹង ពណ៌លឿងពីរកំណាត់ និងកៅស៊ូពោះវៀនកង់ ចងដៃជើង និងយកក្រមាញុកមាត់គោលបំណងប៉ុនប៉ងរំលោភ តែមិនបានសម្រេច ដោយលឺសំឡេងខកៗ ទំនងជនសង្ស័យខ្លាចជនរងគ្រោះស្លាប់ ក៏យកក្រមាចេញពីមាត់ធ្វើឲ្យក្មេងស្រីរងគ្រោះមានឱកាសស្រែក ឮដល់ប្អូនដេកក្រោមផ្ទះរត់ទៅជួយ ខណៈឪពុកម្ដាយក្មេងស្រីរវល់ទៅរកស៊ីនៅឯព្រៃរនាម។
ជនសង្ស័យ និងវត្ថុតាង ត្រូវបានសមត្តកិច្ចរៀបចំបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តពោធិ៍សាត់ចាត់ការបន្ត ។