វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4809 នាក់
ម្សិលមិញ 10264 នាក់
សរុប 14143991 នាក់
ភ្នំពេញ ៖ដោយមានវត្តមានជំទាវចូលរួមផង អភិបាលរាជធានីភ្នំពេញលោកឃួងសរេង ក្នុងឱកាសប្រារព្ធពិធីអបអរសាទរ ទិវាអន្តរជាតិនារី៨មីនា ខួបលើកទី១០៨ ឆ្នាំ២០១៩នាថ្ងៃពុធ ១កើត ខែផល្គុន ឆ្នាំចសំរឹទ្ធិស័កព.ស២៥៦២ ត្រូវនឹងថ្ងៃទី០៦មីនា ឆ្នាំ២០១៩នេះបានថ្លែងលើកទឹកចិត្តបងប្អូននារី ត្រូវតែយកចិត្តទុកដាក់ ក្នុងការ បង្កើនចំណេះដឹង និងសមត្ថភាពដើម្បីចូលរួមការងារជាមួយបុរសដោយស្មើភាព។
លោក ឃួងស្រេង បានបញ្ជាក់ថា ប្រធានបទ «លើកកម្ពស់សមភាពយេនឌរ័ និងការគាំពារសង្គមដើម្បីអភិវឌ្ឍន៏ធនធានមនុស្ស» មានគោលបំណងបន្តអនុវត្ត ន៍គោល នយោបាយសមភាពយេនឌ័រនិងការគាំពារសង្គមដែលជាចក្ខុវិស័យសម្រាប់កសាងប្រទេសត្រូវបានច្របាច់បញ្ចូលជាអាទិភាពរួមក្នុងការសម្រេចបានកិច្ចអភិវឌ្ឍន៍ធនធានមនុស្សហើយបានបញ្ជាក់យ៉ាងច្បាស់ថា ការលើកកម្ពស់យេនឌ័រ ការពង្រឹងភាពអង់អាច របស់ស្ត្រីនិងក្មេងស្រី និងការគាំពារសង្គមគឺពិតជាមានទំនាក់ទំនងគ្នាយ៉ាងជិតស្និទ្ធ។ នេះបង្ហាញកាន់តែច្បាស់ពីការយកចិត្តទុកដាក់គាំពារ ថែរក្សាលើកទឹកចិត្តនិងផ្តល់តម្លៃ ខ្ពស់របស់រាជរដ្ឋាភិបាលកម្ពុជា ជូនដល់បងប្អូននារីដែលជាដៃគូមិនអាចខ្វះ បានក្នុងដំណើរ ការអភិវឌ្ឍន៍ជាតិមាតុភូមិគ្រប់សម័យកាល។
នៅចំពោះមុខលោកម៉ប់ សារិន ប្រធានក្រុមប្រឹក្សារាជធានីភ្នំពេញ ឯកឧត្ដម ឃួង ស្រេង បញ្ជាក់ថា៖បច្ចុប្បន្ននេះ ស្ត្រីនៅតែជាដៃគូមិនអាចខ្វះបានជាមួយបុរសក្នុងការចូលរួមចំណែក យ៉ាងសំខាន់ ក្នុងដំណើរការអភិវឌ្ឍន៍ជាតិមាតុភូមិដែលបានស្តែងឡើងតាមរយៈ សមត្ថភាពដឹកនាំនៅតាមបណ្តាស្ថាប័ន, ក្រសួង រដ្ឋបាលថ្នាក់ក្រោមជាតិអង្គភាពរដ្ឋ និងឯកជនជាពិសេសក្រុមប្រឹក្សាជាតិដើម្បីស្ត្រីនិងកាកបាទក្រហមកម្ពុជា។នារីជាមេផ្ទះ អាចដឹងកិច្ចការផ្ទះច្រើនជាងនរណាទាំងអស់ ទាំងរៀបចំផ្ទះ រៀបចំម្ហូបអាហារសម្រាប់ក្រុមគ្រួសារ សូម្បីតែសំរាមក៏បងប្អូននារីចេះវេចខ្ចប់ និងទុកដាក់បានល្អដែរ។ នារីក៏ជាអ្នកម្តាយអប់រំកូន ចៅតាមបែបអហិង្សាបានល្អជាងបុរស។
ក្នុងការប្រារព្ធទិវាអន្តរជាតិនារី៨មីនា ខួបលើកទី១០៨ នេះដើម្បីសម្តែងការគោរពស្រឡាញ់នោះ រដ្ឋ បាលរាជធានីភ្នំពេញក៏បានផ្តល់ជាថវិកាដល់បងប្អូននារីទាំង២៦០នាក់ដែលចូលរួម ដោយក្នុងម្នាក់ៗទទួលបានចំនួន៣០ម៉ឺនរៀល៕