វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4305 នាក់
ម្សិលមិញ 10264 នាក់
សរុប 14143487 នាក់
ភ្នំពេញ៖ លោក ង្វៀន ហ្វ៊ូត្រុង (Nguyen Phu Trong) អគ្គលេខាធិការនៃ គណៈកម្មាធិការ មជ្ឈឹមបក្សកុម្មុយនីស្តនិងជាប្រធានរដ្ឋនៃសាធារណរដ្ឋសង្គមនិយមវៀតណាមដែលជាមដឹកនាំកំពូលវៀតណាម នឹងមកស្រុកខ្មែរក្នុងកម្មវិធី ទស្សនកិច្ចផ្លូវការចាប់ពី ពីថ្ងៃទី ២៥ ដល់ថ្ងៃទី ២៦ ខែកុម្ភៈ ឆ្នាំ២០១៩មុននឹងត្រឡប់ទៅទទួលប្រធានាធិបតីកូរ៉េនិងអាមេរិកវិញ។
នៅថ្ងៃទី២០ កុម្ភៈសេចក្ដីប្រកាសព័ត៌មាន របស់ក្រសួងការបរទេស ឲ្យដឹងថា ទស្សនកិច្ច របស់ប្រធានរដ្ឋនៃសាធារណរដ្ឋសង្គមនិយមវៀតណាម នៅកម្ពុជានេះ គឺតាមការអញ្ជើញ របស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃ ព្រះរាជាណាចក្រកម្ពុជាដែលព្រះអង្គទើបយាងទៅវៀតណាមកាលពីចុឆ្នាំ២០១៨កន្លងមកនេះ។ លោក ង្វៀន ហ្វ៊ូត្រុងនឹងចូលគាល់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃ ព្រះរាជាណាចក្រកម្ពុជា នៅក្នុងព្រះប រមរាជវាំង ។ចូលថ្វាយបង្គំសម្តេច អគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជនៃ គណៈមហានិកាយ និងសម្តេចព្រះអភិសិរីសុគន្ធាមហាសង្ឃរាជាធិបតី បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជាផងដែរ ។
ក្រៅពីជួប សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា លោក ង្វៀន ហ្វ៊ូត្រុងនឹងនឹងអញ្ជើញចូលរួមជាមួយ សម្តេចតេជោនាយករដ្ឋមន្ត្រី ហ៊ុន សែន និងធ្វើជាអធិបតីក្នុងពិធីចុះហត្ថលេខាលើ ឯកសារមួយចំនួនផងដែរ។
សូមបញ្ជាក់ដែរថាកាលពីខែកក្កដាឆ្នាំ២០១៧ពេលមកទស្សនៈកិច្ចនៅកម្ពុជាលោក ង្វៀន ហ្វ៊ូត្រុង (Nguyen Phu Trong)បានផ្តល់ជំនួយ២៥លានដុល្លារអាមេរិកដើម្បីសងអគាររដ្ឋបាលរដ្ឋសភាកម្ពុជា។ក្រោយមកវៀតណាមជួយជាង១៦លានដុល្លារទៀតសម្រាប់សង់អគារក្រសួងការពារជាតិ។ថ្មីៗនេះទៀតក្រោមការចរចារសុំពីរាជរដ្ឋាភិបាលកម្ពុជាគេរំពឹងថាក្នុងដំណើរទស្សនៈកិច្ចនេះភាគីវៀតណាមថានឹងជួយទិញអង្ករខ្មែរ៣០ម៉ឺនតោនទៀត។
ចឹងបើបូកជាមួយចិនដែលសន្យាជួយទិញ៤០ម៉ឺនតោនសម្រាប់ឆ្នាំ២០១៩គឺត្រុវជា៧០ម៉ឺនតោន។កម្ពុជាឆ្នាំ២០១៨ផលិតបានស្រូវជាង៦លានតោនគិតជាអង្ករមានប្រមាណ៤លានតោន។