បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

តុលាការសម្រេចឃុំខ្លួនប្រធានផ្សារទួលពង្រ និងមនុស្ស៣នាក់ទៀត ពាក់ព័ន្ធការដើរប្រមូលចំណូលដោយមិនទទួលបានសិទ្ធិពីរដ្ឋ

បែកធ្លាយរឿងអាស្រូវ ពុករលួយរបស់លោកវរសេនីយ៍ទោ ពៅ ថាន អធិការរង នៃអធិការដ្ឋាននគរបាលស្រុកពារាំង ខេត្តព្រៃវែង

សមយុទ្ធនាគមាសជាឱកាសសម្រាប់ចិនបង្ហាញឥទ្ធិពលសព្វាវុធយោធា!

ជាច្រើនទៀត

ចំនួនអ្នកទស្សនា

ថ្ងៃនេះ 15226 នាក់

ម្សិលមិញ 8898 នាក់

សរុប 16890951 នាក់

ឡើងធ្វើមេបក្សវិញបន្ទាប់ពីចេញពីគុកលោកញឹកប៊ុនឆៃជម្រុញការចុះមូលដ្ឋាននិងអះអាងថាគ្មានបន្ទុកដាក់លោករឿងគ្រឿងញៀនទេ!

17-May-2025 / ផ្សេងៗ

ភ្នំពេញ៖លោក ញឹក ប៊ុនឆៃ ទើបត្រូវបានអង្គសមាជជ្រើសរើសឲ្យធ្វើជាប្រធានគណបក្សខ្មែររួបរួមជាតិឡើងវិញនៅ៩មិថុនា បន្ទាប់ពីលោកត្រូវបានតុលាការដោះលែងឲ្យនៅក្រៅឃុំជាបណ្ដោះអាសន្ន។ ភ្លាមៗបន្ទាប់ពីត្រូវបានអង្គសមាជជ្រើសរើសឲ្យឡើងធ្វើជាប្រធានគណបក្សខ្មែររួបរួមជាតិឡើងវិញ លោក ញឹក ប៊ុនឆៃបានជម្រុញឲ្យមានការចុះមូលដ្ឋាន។ a_nhik

លោក ញឹក ប៊ុនឆៃ បានថ្លែងយ៉ាងដូច្នេះថា៖ «យើងខ្ញុំបានពិភាក្សាគ្នាហើយថា ពេលវេលាយើងវាខ្លីមកដល់ពេលនេះមានពេល៥០ថ្ងៃ អញ្ចឹងហើយ យើងខ្ញុំថ្នាក់ដឹកនាំ បានរៀបចំកម្មវិធី ដើម្បីចុះទៅតាមបណ្តាខេត្តជាពិសេសគឺខេត្តធំៗ ដែលមានអសនៈច្រើន ដែលយើងត្រូវដំណើរការដូចជា រាជធានីភ្នំពេញ, កណ្តាល, កំពង់ចាម, ព្រៃវែង, ត្បូងឃ្មុំ, កំពង់ធំ, សៀមរាប, បាត់ដំបង, បន្ទាយមានជ័យ, កំពង់ឆ្នាំង។ល។»។
ប្រធានគណបក្សខ្មែររួបរួមជាតិដែលមានលេខរៀងទី១ បានបន្តថា សម្រាប់អសនៈវិញ លោកបានមិនទាន់ហ៊ានរំពឹងថា ទទួលបានប៉ុន្មានអសនៈនោះទេ គឺត្រូវចាំមើលអ៊ុត នៅក្នុងយុទ្ធនាការឃោសនារកសំឡេងឆ្នោត របស់គណបក្សនៅតាមមូលដ្ឋានសិន។ a_nhik1

បានថ្លែងប្រាប់ក្រុមអ្នកសារព័ត៌មាននៅផ្ទះលោក ញឹក ប៊ុនឆៃ លោក ញឹក ប៊ុនឆៃ បានអំពាវនាវឲ្យធ្វើការស៊ើបអង្កេតឲ្យបានហ្មត់ចត់ និងត្រឹមត្រូវ ចំពោះករណីដែលចោទថា អតីតឧបនាយករដ្ឋមន្ត្រីរូបនេះជាប់ពាក់ព័ន្ធនឹងការផលិតគ្រឿងញៀនកាលពីអំឡុង១០ឆ្នាំមុន។ លោក អះអាងទៀតថា មកដល់ពេលនេះ មិនមានភស្តុតាងអ្វីដាក់បន្ទុកលើរូបលោកឡើយ។
បើតាមអតីតនាយឧត្តមសេនីយ៍ផ្កាយ៤ និងជាអតីតឧបនាយករដ្ឋមន្ត្រីរូបនេះ មកដល់បច្ចុប្បន្ន មិនមានភស្តុតាងអ្វីដាក់បន្ទុកលើរូបលោកពាក់ព័ន្ធនឹងបញ្ហាគ្រឿងញៀននោះឡើយ។សូមរំឮកថា លោក ញឹក ប៊ុនឆៃ ត្រូវបានតុលាការក្រុងភ្នំពេញចេញដីកាដោះលែងឲ្យនៅក្រៅឃុំជាបណ្តោះអាសន្នកាលពីដើមខែឧសភាកន្លងទៅ បន្ទាប់ពីលោកបានជាប់ឃុំអស់រយៈពេល៩ខែចោទប្រកាន់ពាក់ព័ន្ធនឹងការផលិតគ្រឿងញៀន កាលពី១០ឆ្នាំមុន។

ក្រៅពីការចោទប្រកាន់ពាក់ព័ន្ធគ្រឿងញៀនដែលលោកអះអាងមិនមានភស្តុតាងដាក់បន្ទុកនោះ លោក ញឹក ប៊ុនឆៃ ក៏បានទទួលស្គាល់ការលើកឡើងថា លោកមានទំនាក់ទំនងជាមួយអតីតគណបក្សសង្គ្រោះជាតិមុនពេលចាប់ខ្លួន។ ប៉ុន្តែឆ្លើយនឹងសំណួរអ្នកកាសែត លោក ញឹក ប៊ុនឆៃ អះអាងថា ការដែលលោកទាក់ទងទៅលោក អេង ឆៃអ៊ាង គឺដោយសារតែច្រឡំលេខទូរសព្ទរបស់សកម្មជនលោកម្នាក់នៅខេត្តកំពង់ធំដែលមានឈ្មោះស្រដៀងគ្នានេះ។បើទោះបីជាតុលាការមិនទាន់ទម្លាក់ចោលបទចោទទាំងស្រុងក៏ដោយ តែលោក ញឹក ប៊ុនឆៃ បញ្ជាក់ថា លោកមិនរត់គេចវេសទៅណាទេ គឺនៅបន្តដឹកនាំគណបក្សខ្មែររួបរួមជាតិឡើងវិញ ដើម្បីចូលរួមបោះឆ្នោតនៅថ្ងៃទី២៩កក្កដាខាងមុខ ខណៈគណបក្សនេះដាក់បេក្ខជនគ្រប់មណ្ឌល៕