មេបញ្ជាការកងរាជអាវុធហត្ថស្រុកគូលែន ត្រូវបានជនសង្ស័យម្នាក់ចូលកាប់ពេលដេកអង្រឹងបណ្ដាលឲ្យរងរបួសគុមត្រចៀក

សៀមរាប៖ករណីនេះសមត្ថកិច្ចបានឲ្យដឹងថា នៅថ្ងៃទី ២៩ ខែ កញ្ញា ឆ្នាំ ២០២៦ វវេលាម៉ោង ១៧ និង ៥១នាទី មានករណីហិង្សាដោយចេតនា ប្រើកាំបិតខ្វែវកាប់បង្កឲ្យរងរបួស១លើក លើត្រចៀកស្ដាំបណ្តោយពីកញ្ចឹងកទៅលើក្បាលប្រវែង២១សមពេលជនរងគ្រោះកំពុងដេកក្នុងអង្រឹងនៅផ្ទះស្ថិតភូមិ ស្រយង់ត្បូង.ឃុំស្រយង់ ស្រុកគូលែន ខេត្តព្រះវិហារ។ 

ជនរងគ្រោះឈ្មោះ ចាន់ ស៊ី ភេទ ប្រុស អាយុ ៤៨ ឆ្នាំ មុខរបរ មេបញ្ជាការមូលដ្ឋានកងរាជអាវុធហត្ថស្រុកគូលែន រស់នៅភូមិឃុំកើតហេតុ។ជនជាមុខសញ្ញាសង្ស័យឈ្មោះ លាង.វាសនាភេទប្រុស អាយុ ៣៧ ឆ្នាំ មុខរបរ កសិករ រស់នៅភូមិឃុំជាមួយគ្នា។

មូលហេតុត្រូវបានសមត្តកិច្ចឲ្យដឹងថាគឺដោយសារជនបង្កនិងជនរងគ្រោះមានគំនំជាមួយគ្នា។សមត្តកិច្ចមិនបានបញ្ជាក់ថាតើគំនំមានកម្រឹតណាបានជនបង្កហ៊ានធ្វើសកម្មភាពបែបនេះឡើយ។ជនរងគ្រោះត្រូវបានបញ្ជូនទៅ សម្រាកព្យាបាលនៅមន្ទីរពេទ្យ ខេត្តសៀមរាប។ជនសង្ស័យត្រូវបាន ឃាត់ខ្លួននៅអធិការដ្ឋាននគរបាលស្រុកគូលែនដើម្បីបន្តនិតិវិធី៕